Skátaforinginn - 01.12.1988, Qupperneq 12
AUKINN STUÐNINGUR
ALÞINGIS VIÐ
SKÁTAHREYFINGUNA ?
Bandalag íslenskra skáta fær árlega fjárveitingu á fjárlögum íslenska
ríkisins. Að þessu sinni sóttum við um umtalsverða hækkun frá fyrra ári.
Styrkumsókn skátahreyfingarinnar
hljóðaði uppá kr. 15.250.000.-og var
rökstudd með vísan til eftirfarandi
verkefna; almennur rekstur, stofnun
nýrra skátafélaga, útilífsfræðsla fyrir
almenning, skátastarf fyrir fatlaða,
forvarnarstarf gegn vímuefnanot-
kun, Skíðasamband skáta, þátttaka í
Norðurlanda og Alþjóðastarfi og
aukin þátttaka landsbyggðarfulltrúa
í yfirstjórn hreyfmgarinnar.
Umsókn okkar var send öllum
þingmönnum og fylgdi henni vönduð
greinargerð um verkefnin.
Það er ætíð á brattann að sækja
þegar sótt er um svo mikla hækkun
sem nú var gert. En verkefnin eru
brýn og skátahreyfingin hefur enn
sem komið enga fasta lögbundna
tekjustofna eins og íþrótta- og Ung-
mennafélagshreyfingin.
í málefnasamningi ríkisstjórnar
félagshyggjuflokkanna; Alþýðu-
flokks, Framsóknarflokks og
Alþýðubandalags er kveðið svo að
orði;
"Stutt verður myndarlega
við íþrótta og æsku-
lýðsstarfsemi í landinu"
Það er því full ástæða til bjartsýni
og ekki ætti það að spilla fyrir að
undir fjárveitingabeiðni okkar til
Alþingis skrifaði hópur góðra skáta
úr öllum kjördæmum landsins,
margir hverjir með sterk tengsl við
stjórnmálaflokkana.
Þá er jafnframt vitað, að af 63
þingmönnum á Alþingi eru á annan
tug skáta og eflaust enn fleiri
"skátapabbar og skátamömmur" auk
þeirra sem sýnt hafa æskulýðsstarfi í
landinu fullan skilning og velvild.
Það ætti því að vera nokkuð tryggt
að fjárveitinganefnd og þingmenn
afgreiða styrkbeiðni okkar með full-
um skilningi á þeim verkefnum sem
þar eru lögð til grundvallar og harla
er það ólíklegt að nokkur þingmaður
setji sig upp á móti þeim hækkunar-
tillögum er kunna að verða lagðar
fram.
GARÐBÚAR KOMNIR í HÚS
Loks er lokið langri bið hjá
skátunum í Bústaðahverfi
sem hafa verið húsnæðis-
lausir í langan tíma.
Samningar hafa náðst um kaup á
fyrrverandi verslunarhúsnæði við
Búðargerði og er þar um að ræða
fyrstu hæð hússins og kjallara þess.
Mikið starf er fyrir höndum við að
aðlaga húsnæðið að þörfum félag-
sins og verður ráðist í það nú mjög
fljótlega. Ekki er Skátaforinginn
grunlaus um að næg verkefni verði
fyrir vinnufúsar hendur og er
gaman að geta þess að Dalbúar
hafa nú þegar gefið loforð fyrir 100
vinnustundum. Skátaforinginn
óskar Garðbúum til hamingju með
húsnæðið og vonar að þar muni
ríkja sannur skátaandi.