Dagsbrún - 01.11.1989, Qupperneq 33

GEYMIÐ LAUNAUMSLÖGIN
Aldrei verður ofbrýnt fyrir mönnum að geyma launak-
vittanir. Verði fyrirtæki gjaldþrota eða mistök eiga sér
stað, þá er launþegi ótrúlega réttlaus ef hann getur ekki
lagt fram launamiða.
Launamiðar skulu vera sundurliðaðir, frádráttarliðir
einnig, t.d. opinbergjöld, lífeyrissjóðsgjöld, stéttarfé-
lagsgjöld og fleira.
Slíka launamiða taka skattayfirvöld og lífeyrissjóðir
sem staðfestingu á greiðslu séu þeir lagðir fram. Einnig
eru þeir trygging fyrir vangreiddu orlofi.
FAST VIKUKAUP
Nú hefur verkamaður unnið hjá sama vinnuveitanda samfellt í 2 mánuði
eða lengur, og skal honum þá greitt óskert vikukaup þannig, að samn-
ingsbundnir frídagar aðrir en sunnudagar séu greiddir. Þó skulu verka-
menn í fiskvinnu, byggingarvinnu, fagvinnu og hafnarvinnu halda þess-
um réttindum, þótt þeir flytjist milli vinnuveitenda í starfsgreininni.
Með samfelldri tveggja mánaða vinnu er átt við að unnið hafi verið hjá
sama vinnuveitanda full dagvinna í tvo mánuði.enda jafngildi fjarvistir
vegna veikinda, slysa, orlofs, verkfalla eða verkbanna fullri vinnu. Sama
gildir um daga, sem falla úr t.d. í fiskvinnu og hafnarvinnu vegna hrá-
efnisskorts eða sambærilegra orsaka.
GJALD FYRIR AFNOT EIGIN BIFREIÐAR í ÞÁGU
ATVINNUREKANDA
Noti starfsmaður eigin bifreið að ósk vinnuveitanda á hann rétt á
greiðslu.
Greiðslan miðast við ekna kílómetra og upphæð pr. km. skal vera sú
sama og ákveðin er af Ferðakostnaðarnefnd ríkisins hverju sinni.
Heimilt er að semja um fasta krónutölu pr. ferð, er miðast við afmörk-
uð svæði og byggist á neðangreindu kílómetragjaldi.
Bifreiðagjald frá 1. september 1989.
Á bundnu slitlagi ...................... kr. 23,45 pr. ekinn km.
Á malarvegi ............................ kr. 26,90 pr. ekinn km.
33