blaðið - 17.10.2005, Page 4

4 I INNLENDAR FRÉTTIR
MÁNUDAGUR 17. OKTÓBER 2005 blaöiö
fslending-
ar duglegir
yið Everest-
göngur
Breska blaðið Daily Record
hefur reiknað það út að Island
sé í öðru sæti þegar reiknað er
út hversu margir hafa hlut-
fallslega komist á tind hæsta
fjalls heims, Everest. Aðeins
Nepalbúar eru hlutfallslega
duglegri við að senda menn á
topp fjallsins sem kemur vart á
óvart því Nepalbúar fylgja flest-
um fjallgönguhópum á tindinn.
Rúmlega 19 Nepalbúar af hverj-
um milljón íbúum hafa farið á
topp fjallsins, en rúmlega 10 Is-
lendingar af hverri milljón hafa
gert það. Slóvenar eru í þriðja
sæti og svo Nýsjálendingar.
Fjórir Islendingar hafa kom-
ist á tind Everest en þeir eru
Björn Ólafsson, Einar Stefáns-
son, Hallgrímur Magnússon
og Haraldur Örn Ólafsson.
Flóðið á Höfn í Hornafirði
Of snemmt að meta tjónið
Rigningin á Hornafirði um helgina olli Hornfirðingum miklum óþœgindum en annað eins
vatnsveður muna elstu menn ekki eftir. Þráttfyrir vatnsveðrið fjölmenntu Hornfirðingar
á rokksýningu hornfirska skemmtifélagsins á laugardagskvöld.
„Þetta er allt að vinnast og við erum
farnir að sjá staði sem sáust ekki í
gær. Það eru allavega allir vegir
orðnir færir,“ sagði Jóhann Hilmar
Haraldsson hjá lögreglunni á Höfn
í Hornafirði í samtali við Blaðið en
rigningunni hafði þá að mestu slot-
að.
Frá Veðurstofu Islands fengust
þær upplýsingar að áframhaldandi
rigningu væri spáð á þessum slóð-
um, sem og um mest allt land, en
hún yrði þó ekki eins mikil og hún
var á laugardag.
Talsverð óþægindi
Hornfirðingar urðu fyrir talsverðum
óþægindum vegna flóðsins. Vegir
voru ófærir og víða flæddi inn í kjall-
arahúsa. Höfðu bæjarstarfsmenn og
slökkvilið í nógu að snúast að dæla
vatninu burt en vatn var allt að eins
metra hátt á sumum stöðum í bæn-
um. Lögreglan segir að of snemmt
sé að meta hversu mikið tjónið sé af
völdum rigningarinnar.
Lagnakerfið brást
Sigfús Þorsteinsson er einn af þeim
sem varð fyrir óþægindum en hann
býr neðarlega í bænum þar sem flóð-
ið var mest. „Það var á tímabili um
30 til 40 millimetra hátt vatnsyfir-
borðið hjá mér,“ segir hann og allt
gólfefni í íbúðinni hans Sigfúsar er
ónýtt. „Ég reyndi að halda þessu í
horfinu en síðan gafst maður bara
upp á því,“ sagði hann. Hann sagði
augljóst að lagnakerfi bæjarins hefði
ekki ráðið við slíkt vatnsviðri.
mynd/www.homafjordur.is
Það mun áfram rigna á Höfn í Hornafirði næstu daga en þó ekki eins mikið og á laugardag.
Fæst í apótekum um land allt.
Georg Hannah Keflavík, Hárhús Kötlu
Akranesi, Brúskur Grafarvogi og
Hársnyrtistofan Pílus Mosfellsbæ.
TILBOÐ
fagor 9 ÞVOTTAVÉL
1300 SNÚNINGA
Verð kr. 49.900
Áður kr. 78.000
RÖNNING
Borggrtúni 24 | Reykjovík | Simi: 562 4011 | Óseyri 2 | Akureyri | Simi: 460 0800
Djammað þrátt fyrir flóðið
Hornfirðingar létu rigninguna ekki
eyðileggja fyrir sér helgina og á laug-
ardagskyöldið var haldin heilmikil
tóníistarveisla á Hótel Höfn á veg-
um hins hornfirska skemmtifélags.
„Flóðin höfðu engin áhrif og það var
stútfullt hjá okkur. Það þarf meira
til að eyðileggja svona skemmtuii
hjá Hornfirðingum," segir Sigurður
Mar Halldórsson, gítarleikari. „Það
var að vísu fimmtíu manna hóp-
ur frá Seyðisfirði sem var fastur .á
Djúpavogi á aðfaranótt laugardags
en hann komst til okkar í tæka tíð,“
sagði Sigurður. ■
Allt á floti alls staðar. Götur voru víða ófærar á Höfn í um helgina.
Fuglaflensufaraldurinn:
Ekki ólíklegt
að hann komi til íslands
Haraldur Briem sóttvarnarlæknir segir ekki ólíklegt að fuglaflens-
an komi til íslands. Haraldur segir að ekki verði hægt að kaupa
bóluefni gegn inflúensunni fyrr en menn vita nákvœmlega hvaða
veira valdi heimsfaraldri.
Fuglaflensufarafdurinn gæti breiðst hratt út og reikna Bretar með því að hann komi til
Bretlands. Ef hann kemur þangað er nær öruggt að hann komi til fslands.
„Það er ekki hægt að kaupa nein bólu-
efni strax einfaldlega vegna þess að
þau eru ekki til,“ segir Haraldur Bri-
em, sóttvarnarlæknir, þegar Blaðið
spurði hann hvort Islendingar hafi
keypt bóluefni gegn fuglaflensuveir-
unni. „Það kemur fyrir í þessari
umræðu að menn gera ekki greinar-
mun á bóluefnum og lyfjum. Við höf-
um þegar keypt lyf fyrir þriðjung
þjóðarinnar sem geta haldið veir-
unni í skefjum en það er ekki hægt
að hefja framleiðslu á bóluefnum
fyrr en þú veist nákvæmlega hvaða
veira veldur mannskæðum heimsfar-
aldri,“ segir Haraldur.
Landlæknirinn í Bretlandi, Li-
am Donaldson, sagði um helgina
að fuglaflensu heimsfaraldurinn
myndi koma til Bretlands fyrr eða
síðar. Haraldur segir að ef fugla-
flensan komi til Bretlands þá komi
hún til íslands. „Hún kemur hingað
ef hún kemur til Bretlands, það er al-
veg á hreinu,“ segir Haraldur og seg-
ir auk þess sem það sé ekki ólíklegt
að heimsfaraldur inflúensu meðal
manna komi upp núna. „Þeir koma
upp að meðaltali þrisvar sinnum á
öld og síðast var faraldur árið 1968.
Það er því ekki ólíklegt að hann
komi upp núna,“ segir hann.
Þegar inflúensufaraldurinn kom
upp árið 1918 var gripið til róttækra
ráðstafana á íslandi til að hefta út-
breiðsluna. Holtavörðuheiðinni var
lokað og menn máttu ekki fara aust-
ar en til Víkur í Mýrdal. „Líklega
varð það til þess að Austurland og
Norðurland sluppu," segir Haraldur.
Aðspurður hvort slíkar ráðstafanir
kæmu til greina nú segir hann að
það yrði skoðað en það gæti orðið
erfitt. „Nútimasamgöngur gætu
gert slíkar ráðstafanir erfiðari í
framkvæmd en ef slíkur faraldur
kæmi upp myndum við örugglega
loka skólum og samkomuhúsum.
Hitt yrði auðvitað skoðað líka,“ seg-
ir Haraldur. ■