blaðið - 10.04.2006, Side 6

22 I MATUR
•pfr”jr..........................
Sniðugar vörur í eldamennskuna
MÁNUDAGUR 10. APRÍL 2006 blaöiö
• ¥•« • »ví¥í• • *v« •’« « *v*v»w» • •••*■*• •V1*'«
0OOS JÍÍÍ4A .0Í HUOAGU wlAiVi uSÓðáiiU
Nauðsynlegar vörur í eldhúsið þitt
Það er ekki nóg að eiga bara hnífa, diska, potta og aðrar hefðbundnar
eldhúsvörur. Til þess að skapa réttan anda í eldhúsinu þarf að hafa í
huga ýmsar sniðugar vörur sem komið geta að góðum notum þegar
listrænt eðli kokksins lætur á sér kræla. Hér gefur að líta nokkrar frá-
bærar vörur sem Blaðið kynnti sér í eldhúsleiðangri sínum.
Fallegur granít-mortél
fyrir ferska kryddið
Það hefur verið mikið í tísku undanfarið að nota ferskt krydd í mat-
seldina og margir sælkerar kjósa þann kost fremur en annað krydd.
Þegar að matseldinni kemur þarf oft að merja kryddjurtirnar og þá
eru réttu tólin nauðsynleg. Þetta granít-mortél úr versluninni Pipar
og salt á Klappastígnum er einkar veglegt og glæsilegt í útliti. Varan
er sérstaklega góð og þægileg í notkun, enda hágæðavara úr góðu og
traustu efni. Eins er mortélið mjög sniðugt þegar verið er að búa til
pestó og aðrar olíur. Þá er ekki verra að það er afar fallegt og setur
skemmtilegan svip á eldhúsborðið. Eitthvað sem allir kryddáhuga-
menn verða að eignast. Selst í fjórum stærðum, á verðbilinu 1.900 -
3.900 krónur, en sá stærsti er 20x14 cm.

' ili . jj .jí . - .......
'"'‘'UiiUUMJU
Frábœr lausn
með Footloop
Fyrir þá sem hafa átt í erfiðleikum með að halda
saman fylltu kjöti, fiski, læri eða öðrum vefjum er
nú komin stórsniðug lausn undir nafninu Footloop.
Varan, sem kemur á markað hérlendis eftir páska,
leysir tannstöngla og önnur snæri af hólmi í elda-
mennskunni og mun án efa verða eitt af nauðsynleg-
ustu hjálpartækjum eldhússins.
Footloop er notað til þess að halda allri matvöru
saman, auk þess sem hún getur komið að góðum
notum við alla eldhúsiðju. Varan þolir allt að 365
gráðu hita og nota má hana á pönnuna, ofninn,
örbylgjuna, pottinn eða frystinn. Þar að auki er
auðvelt að þrífa hana í sápuvatni eða uppþvottavél
og hún brotnar ekki eins og oft vill verða með tann-
stönglana. Frábær lausn fyrir alla kokka. Footloop
mun fást í Sipu á Laugavegi ásamt fleiri verslunum
og mun kosta um 1600 krónur.
Sumardiskur
heimilanna í ár
ASA postulínsdiskurinn í Duka heyrir
til þessara fallegu vara sem gera mikið
fyrir heimilin. Diskurinn er þriggja
hæða og hentar vel fyrir berin, smákök-
urnar, ávextina, konfektið og allt sem
fólki dettur í hug. Þar sem sumarið er að
nálgast getur verið sniðugt að fjárfesta í
einum slikum og setja á sólpallinn eða
inn í stofu, en með fallegum berjum eða
öðru þvíumlíku er diskurinn sannkölluð
sumarskreyting og mikið fyrir augað. Þá
er ekki úr vegi að gefa disknum gaum
þegar kemur að gjafakaupum, og að sjálf-
sögðu er hann tilvalinn í brúðargjöfina.
Diskurinn fæst í Duka, Kringlunni, og
kostar 9.900 krónur.
Reiknaðu út kaloriurn-
ar og kólesterólið
Netverslunin daggir.is hefur ýmsar skemmtilegar vörur á sínum
snærum og er þessi næringarvigt eflaust ein sú áhugaverðasta.
Vigtin sýnir næringarinnihald matarins eftir skammtastærð og
reiknar út kaloríur, kolvetni, sykur, fitu, trefjar, natríum og kó-
lesteról. Einnig núllar vigtin sig á milli hráefna, þannig að hægt
er að vigta tegundirnar í sitt hvoru lagi þó svo að þær blandist
saman í skálinni. Auk þess umreiknar vigtin þyngd vökva úr
grömmum í millilítra og getur þannig auðveldað alla reikninga
við bakstur og eldamennsku.
Næringarvogin er mjög smekkleg, með skýrum skjá og úr ryð-
fríu stáli. Hún nýtist einnig sem venjuleg vog og mælir allt að
þrjú kíló.
Fæst á heimasíðunni daggir.is, nú á sérstöku kynningarverði,
eða 9.900 krónur.
Grillpannan frá
Look er lykilat-
riði 1 sumar
Það er algjör nauðsyn að eiga góða grillpönnu í
sumar. Með þessari 3-4 manna grillpönnu frá Look
er hægt að grilla allt kjöt, fisk, kjúkling og græn-
meti. Pannan er þannig úr garði gerð að hráefnið
verður laust við fitu og önnur leiðindi, svo að heil-
brigðið er í hávegum haft og maturinn gómsætur
sem aldrei fyrr. Þeir sem ætla að nota blíðskap-
arveður sumarsins og grilla góðan mat ættu svo
sannarlega ekki að láta pönnu sem þessa framhjá
sér fara.
Hollur og góður
matur með George
Foreman grillinu
George Foreman grillið þarf vart að kynna, en þetta
vinsæla grill hefur tekið sér bólfestu í stórum hluta
heimila hér á landi. Það sem er hvað merkilegast
við grillið er að grillflöturinn hallar og því lekur
fitan af matnum og hann verður hollari en ann-
ars. Þá má taka fram að öll eldun tekur sérstaklega
stuttan tíma og á grillið má setja hvað sem er; kjöt,
fisk, kjúkling, grænmeti og hvaðeina annað. Það
þarf því engan að undra að grillið hefur selst í yfir
70 milljónum eintaka um heim allan og virðist ekk-
ert lát vera á vinsældunum.
George Foreman grillið kostar um 7-8.000 krónur
í verslun.
Lífrœn og bragðgóð ólífu-
olía frá La Selva
Kaldhreinsaða ólífuolían frá La Selva er eitthvað sem öll eldhús verða að eiga. Olían
er lífræn, laus við öll aukaefni og gefur hráefninu himneskt bragð auk þess sem
æðar neytandans verða hamingjusamar. LaSelva búgarðurinn, sem spannar yfir
850 ekrur, er staðsettur í Toscana héraði Italíu, en það er rómað fyrir fegurð sína
og gróðursæld. Síðan 1980 hefur LaSelva ræktað og unnið lífræna vöru samkvæmt
ströngustu stöðlum Evrópu um lífræna ræktun og útkoman er m.a. þessi sérstaka
olía. Þeir sem vilja hollt og gott hráefni í mataræðið ættu svo sannarlega að eignast
La Selva olíuna, sem er með þeim betri sem fæst á markaðnum.