blaðið - 23.05.2006, Blaðsíða 12
12 I BÍLAR
ÞRIÐJUDAGUR 23. MAÍ 2006 blaðið
Blæjubílar hafa af augljósum
ástæðum aldrei notið verulegra
vinsælda á Islandi. Ekki einu sinni
hlýnandi veðrátta undanfarin ár og
loforð heimsendaspámanna um að
gróðurhúsaáhrifin breyti fslandi í
suðurhafaparadís hafa megnað að
brey ta þessu.
En samt kemur einn og einn
dagur, þar sem menn vildu gjarnan
sigla niður Laugaveginn í opnum bíl,
eða rúnta út í Nauthólsvík og taka
blæjuna niður. Endrum og sinnum.
Jafnvel þó menn séu kannski
mestanpart að láta sig dreyma um
að veðrið sé betra en það er.
Vilji menn láta slíkt eftir sér er
Volvo C70 nákvæmlega bíllinn, sem
þá vantar. Þetta er tveggja dyra bíll
með hörðum toppi, en með því að
styðja á hnapp fer ótrúlegt gangverk
af stað; hlutar toppinn í sundur og
pakkar honum ofan í skottið á 30
sekúndum. Og þá hefst leikurinn.
Tilfinning
Þó þetta sé sænskur bíll er
tilfinningin við að aka honum
líkust því, sem menn þekkja af
amerískum bílum. Maður finnur
fyrir massanum, hann er gegnheill,
öruggur og fer áfram á skriði.
Tilfinningin við að aka honum
stýrist þó fyrst og fremst af því að
þetta er þrátt fyrir allt blæjubíll og
það er alveg magnað að þjóta um
bæinn með vindinn í hárinu og
eyrnakuldann leiðir maður bara hjá
sér. Það er gaman!
Akstureiginleikar
Sem fyrr segir er þetta nánast
amerískur bíll að aka, enda gerir
Volvo ekki síst út á þann markað.
Þegar honum er gefið inn segir
Varahlutir
Auhahlutir
BMW - Benz - Opel
www.blfreld.ls
Bestu fáanlegu gæöl frá ÞýzHalandl
VERÐÖRY6GI
Besta verðið mlðað
vlð sambærlleg gæðl
EHta xenonsett í alla bíla
framhjóladrifið talsvert til sín,
þannig að það er smá sláttur í stýrinu,
sem menn læra fljótlega að varast. Á
malbikinu er hann skemmtilegur
við að eiga, tala nú ekki um á 18
tommu felgum, en maður þarf að
hafa hugann betur við aksturinn
á mölinni. En hann getur verið
svolítill klunni, beygjuradíusinn er
ekki frábær og stundum þarf maður
að hafa aðeins fyrir honum.
Vél og drif
Það er hægt að fá C70 með tveimur
tegundum véla, 2,4 lítra venjulegri
vél eða 2,5 lítra túrbóútgáfu, eins
og blaðamaður reyndi. Ég mæli
ótvírætt með túrbóútgáfunni, hún
hefur karakter og hljóðið í vélinni
er nógu góð ástæða til þess að taka
toppinn niður við flest tækifæri.
Notast var við sjálfskiptan bíl,
sem ég held að sé óhætt að mæla
með líka. Sá beinskipti er með
ofurnæma kúplingu og togið í
fyrsta gír er þannig að menn geta
lent í vandræðalegum brottförum,
þegar mest nauðsyn er á töffaraskap.
Raunar er athyglisvert að það er
smáhökt í þeim sjálfskipta líka á
þessu svæði. Það er eitthvað sem
frændur okkar Svíar mættu laga.
Útllt
Þetta er ótrúlega snotur coupé og
þegar toppurinn er farinn situr eftir
snaggaralegur sportbíll. Raunar er
ég ekki frá því að það mætti lengja
hann aðeins að framan til þess að
fá rétt hlutföll fram, en hann má
víst ekki verða öllu lengri. Eitt enn,
þessi bíll verður eiginlega að vera
hárrauður til þess að njóta sín til
fulls.
Rými
Rýmið fram í er alveg frábært, þó
það geti verið smámál að smokra
sérundir stýrið ef það er stillt mjög
neðarlega. Hins vegar er ekki alveg
nógu auðvelt að komast aftur í,
nema náttúrlega menn hafi toppinn
niðri og stökkvi einfaldlega inn í
bílinn eins og vera ber. Plássið aftur
í er þannig að tveir fullorðnir geta
vel komist þar fyrir, en ég myndi
nú ekki bjóða i að sitja þar aftur í í
miklum langferðum. Fyrir krakka
er það hins vegar ekkert mál.
Farangur
Farangursrýmið er hins vegar annað
mál. Skottið fer nánast allt undir
toppinn og það er ekki mikið eftir
fyrir farangur. Þar má þó koma fyrir
smærri töskum, vel flötum. Þegar
toppurinn er upp er ástandið skárra,
en ekki miklu. En hver kaupir svona
bíl til búslóðaflutninga?
Öryggi
Það á ekki að þurfa að ræða öryggið
þegar Volvo er annars vegar. Það
er fyrsta flokks. Sérstyrkt grind
er umhverfis farþegana, sérstök
veltivörn gerir ráðstafanir er bíllinn
fer að halla of mikið, þannig að engu
skiptir hvort toppurinn er uppi eða
niðri. Loftpúðar eru nánast út um
allan bíl og allt í himnalagi á þeim
vígstöðvum.
Rekstur og viðhald
Volvo hafa verið í góðum málum
þegar kemur að rekstri og viðhaldi,
en eyðslan er þó sæmileg: 9,1 lítri
á hundraðið. En það gæti verið
verra í ljósi þess að þetta er nánast
sportbíll.
Nytsemd og gæði
Auðvitað er erfitt að halda því fram
að bíllinn hafi mikla nytsemd á
Islandi, en ég held líka tæpast að
nokkur maður kaupi sér hann sem
fyrsta bíl. En ef hann á annan fyrir
má vel ræða um það. Og verðið er
hreint ekki slæmt miðað við það,
sem menn eru að kaupa: Flókna og
fallega smíð, fulla af aukahlutum.
Ef menn vilja verja peningum í
skemmtilegan bíl, sem verður hreint
einstaklega skemmtilegur á góðum
sumardögum, þá kemur Volvo C70
sterkur inn.
andres@bladid. net
Volvo C70
Brimborg
Verð: 4.977.000
Blæjubíll
Eldsneyti: Benzín
Lengd: 4,583 m
Breidd: 1,82
Hæð: 1,40
Þyngd: 1725kg
Dyr:2
Vélarstærð: 2500 cc
Hestöfl: 220
Kostir: Þrælskemmtilegur, pægilegur
og öruggur. Blxjubill ogþó ekki.
Gallar: Takmsrknð notagildi miðaö við
Islemka veðrðttu. Það erstundum smó sldttur
i stýrinu og hann er nokkuð þungur.
Niðurstaða: betto erekki bili fyrir hvern sem er,
en efmaður vill njóta lifsins með stxl, svo eftirsé
tekið getur verið gott oð hufu þennan við höndina.