blaðið - 13.09.2006, Blaðsíða 11
blaðiö
MIÐVIKUDAGUR 13. SEPTEMBER 2006 11
Miðausturlönd:
Bjóða hjálp við
að koma á friði
■ íraksforseti heimsækir íran
■ Maiiki vill náin tengsl án afskipta
íranir bjóða íröskum stjórn-
völdum fram aðstoð sína við að
tryggja öryggi og koma á stöðug-
leika í írak. Þetta kom fram eftir
fund Nuri al-Maliki, forsætisráð-
herra íraks, og Mahmoud Ah-
maniejad, forseta Irans , í Teheran
í gær. Forsætisráðherrann hóf sína
fyrstu opinberu heimsókn til írans
ígær.
Leiðtogarnir sögðu ekki í ná-
kvæmu máli frá því hvað þeir
ræddu um á fundi sínum og gáfu
það eitt upp að stjórnir beggja landa
ætluðu að hafa með sér náið sam-
starf í öryggis- og efnahagsmálum
ásamt því að efla stjórnmálaleg
tengsl. Maliki fundaði einnig með
Kahmenei æðstaklerki og Ahbar
Hashemi Rafsjanjani, fyrrum for-
seta, í gær.
Söguleg heimsókn
Heimsókn Maliki til Iran er um
margt söguleg. Þrátt fyrir að ríkin
hafi háð blóðuga styrjöld á níunda
áratug síðustu aldar hafa tengslin
eflst mikið í kjölfar þess að Saddam
Hussein var steypt af stóli og sjíta-
múslimar urðu fyrirferðarmeiri við
stjórn íraks. En þrátt fyrir að stjórn-
völd í Bandaríkjunum setji sig ekki
á móti eflingu tengsla stjórnvalda
í Bagdad við klerkastjórnina í Te-
heran er óttast að íranir hafi beitt
umtalsverðum áhrifum sínum
meðal sjíta-múslima í írak til þess
að grafa undan stöðugleikanum
í landinu. Stjórnmálaskýrendur
segja klerkastjórnina nota áhrif sín
í íraktilþess að svara auknumþrýst-
ingi frá Bandaríkjamönnum vegna
deilunnar um kjarnorkuáætlun
hennar. Stjórnvöld í írak óttast
einnig óæskileg áhrif frá Iran. Tals-
maður írösku ríkisstjórnarinnar
sagði á mánudag að Maliki myndi
koma þeim skilaboðum áleiðis til
klerkastjórnarinnar í Teheran að ír-
akar óskuðu eftir góðum tengslum
við nágranna sína en þyrftu ekki
á afskiptum annarra ríkja af innri
málefnum landsins að halda.
Samstarf við írana brýnt
Frá því að Maliki myndaði ríkis-
stjórn í írak fyrir fjórum mánuðum
hefur hann lýst því yfir að hann
ætli sér að koma böndum ástandið
í landinu en auk átaka á milli súnn-
íta og sjíta-múslíma berjast upp-
reisnarmenn einnig gegn hernáms-
liðinu í landinu.
Ógerlegt er talið að ná böndum
á ástandinu án þess að koma í veg
fyrir að utanaðkomandi öfl hætti
að skipta sér af þróun mála. Talið
er að háttsettir menn innan klerka-
stjórnarinnar styðji við bakið á
hinum valdamikla klerki Moqtada
al-Sadr en Mehdi-herflokkar hans
eru taldar bera ábyrgð á fjölda
árása á hernámsliðið en auk þess er
talið að vígamönnum sem tengjast
Al-Kaeda hryðjuverkanetinu berist
vopn og sprengiefni frá íran þótt
ekki sé talið að klerkastjórnin teng-
ist þeim stuðningi með beinum
hætti. Auk þess er stjórnin sökuð
um setja kíkinn fyrir blinda augað
þegar kemur að ferðalögum hryðju-
verkamanna yfir landamærin.
Margir einstaklingar eru heftir í sínu daglega lífi vegna verkja í hnjám.
Þetta ástand orsakast meðal annars vegna líkamlega erfíðra vinnuaðstæðna,
íþróttameiðsla eða vegna þróunar shtgigtar. Stór hluti þessara einstaklinga
þjáist meira en hann þyrfti. Glucomed er nýtt lyf notað til að draga úr
einkennum vægrar til meðalsvæsinnar slitgigtar í hnjám. Það inniheldur
glúkósamín sem er nátturúlegt efni í liðum.
Alþjóðagjaldeyrissjóðurinn:
Blikur á lofti
Þrátt fyrir að Alþjóðagjaldeyr-
issjóðurinn telji alþjóðahagkerfið
enn vera nokkuð gott segja sérfræð-
ingar bankans óveðursskýin á lofti
vera fleiri en áður.
I nýrri skýrslu um stöðugleika
á alþjóðafjármálamörkuðum
segir að hætturnar felist fyrst og
fremst í hærra vaxtarstigi á lána-
mörkuðum, áframhaldi á háu
orkuverði og vísbendingum um
samdrátt á bandaríska fasteigna-
markaðnum sem kann að gefa til
kynna að hagkerfið þar í landi sé
tekið að kólna. Sérfræðingar bank-
ans telja að fjárfestar hafi ekki
tekið þessar áhættur nægjanlega
vel inn í reikningin í fjárfestingum
og því sé meiri hætta á töluverðum
sveiflum á fjármálamörkuðum en
Spáð í spilin Rodrigo Rato, yfirmaö-
ur Alþjóðagjaldeyrissjóðsins.
áður. Þrátt fyrir áhættuna telur
bankinn horfurnar fyrir alþjóða-
hagkerfið nokkuð góðar og spáir
4.9% hagvexti á þessu ári og 4.7% á
því næsta.
Glucomed 625 mg
éáNavamedk
Glucomed®625 mg
Glucosamine
Ekki má nota Glucomed:
- ef þú ert með ofnæmi fyrir glúkósamíni, einhveiju öðru af innihaldsefnunum eða skelfiski
- ef þú ert undir 18 ára
- ef þú ert þunguð eða með bam á bijósti
Gæta skal varúðar við notkun Glucomed ef þú þolir illa glúkósa, ef þú ert með vanstarfsemi í
nýrum eða lifur eða ef þú ert með þekktan áhættuþátt fyrir hjarta- og æðasjúkdómum.
Tvær töflur (1250 mg) einu sinni á dag til að draga úr einkennum.
Lesið vandlega leiðbeiningar áfylgiseðli. Geymið þar sem böm hvorki ná til né sjá
LD1060801