Bændablaðið - 22.03.2005, Page 23

Þriðjudagur 22. mars 2005 23
Á tilraunabúinu á Stóra-Ármóti
í Hraungerðishreppi fer fram
fjölbreytt og öflugt rannsóknar-
starf þar sem megináherslan er
á fóðrun og meðferð gripa.
Mjólkurkvóti búsins eru rúmir
230 þúsund lítrar og mjólkur-
kýrnar eru um 50. Aðeins
kvígukálfar eru settir á. Kvígur
í uppeldi og kálfar telja annað
eins og kýrnar þannig að um
110 gripir eru í fjósinu. Um 90
vetrarfóðraðar ær eru á búinu
auk hrossa starfsfólks.
Umfangmesta tilraunina á bú-
inu um þessar mundir er „Heil-
fóðrun til hámarksafurða“ en
markmið tilraunarinnar er að þróa
heilfóðrun og athuga hvaða áhrif
heilfóður samkvæmt erlendum
stöðlum hefur á afurðir og heilsu-
far mjólkurkúa við íslenskar að-
stæður. Búnaður til heilfóður-
gerðar hefur verið settur upp á
Stóra Ármóti, sem er sérstaklega
hannaður með tilraunastarfið í
huga. Búnaðurinn er af Mullerup
gerð, framleiddur í Danmörku.
Kerfið er tölvustýrt, sér um
blöndun fóðurefna og skammtar
fóður á einstaklingsvísu með
sveigjanleika í fóðrun fyrir litla
hópa. Gert er ráð fyrir að kerfið
sjái um fóðrun kálfa og kvígna
auk mjólkurkúnna þar með taldar
tilraunakýr.
Kerfið gerir fóðrunina ná-
kvæmari og markvissari á öllum
aldurs- og framleiðsluskeiðum og
hentar sérstaklega vel fyrir til-
raunastarfið. Þá er mikill vinnu-
sparnaður með þessum búnaði.
Kúnum á Stóra Ármóti er gefið
sex sinnum á dag í tilrauninni. Að
sögn Grétars Hrafns Harðarsonar
tilraunastjóra hefur nýja kerfið
komið mjög vel út og lofar góð í
tilraunastarfinu. Hann segir að
rannsóknir erlendis sýni t.d. að
búast megi við um 10% hærri nyt,
13% hærra fituhlutfalli og 3%
hærri prótínhlutfalli sé fóðrað
með heilfóðri. Þá bætir heilfóðrun
jafnvægi vambarstarfseminnar og
skilar færri vandamálum og heil-
brigðari kúm.
Grétar Hrafn Harðarsson, tilraunastjóri á Stóra Ármóti (t.h.), ásamt starfs-
mönnum á Stóra-Ármóti, þeim Eiríki Þórkelssyni tilraunamanni (fyrir
miðju) og Höskuldi Gunnarssyni bústjóra. Þeir standa við nýja búnaðinn
til heilfóðurgerðar. Grétar Hrafn og Eiríkur eru starfsmenn Landbúnaðar-
háskóla Íslands.
Heilfóðrun til hámarksafurða
Spennandi verkefni
á Stóra-Ármóti
Landssamtaka sauðfjárbænda
Árshátíð LS verður haldin föstudaginn 8. apríl nk. í
Súlnasal Hótel Sögu. Hátíðin hefst kl. 19.00 með fordrykk.
Skemmtiatriði verða fjölmörg og koma frá öllum
landshornum!. Hljómsveitin „Þotuliðið“ mun spila undir
dansi fram á rauða nótt. Matseðillinn er glæsilegur og
samanstendur af eftirfarandi:
Forréttur: Humarsúpa „Orginal“ með fullt af humri!
Aðalréttur: Lambafillet í balsamico með
kryddjurtafylltri fontant kartöflu,
lambaconfit og rauðvínsgljáa.
Eftirréttur: Súkkulaðiteningur með eldsteiktum
jarðarberjum.
Verði er stillt í hóf eða aðeins kr. 4.800 á mann, fyrir
áðurgreindan matseðil, fjölmörg skemmtiatriði og dansleik.
Allir sauðfjárbændur er hvattir til að mæta, en það er
samdóma mat þeirra er sótt hafa árshátíð sauðfjárbænda
áður að vart sé um betri skemmtun að ræða.
Til að tryggja sér miða er fólki bent á að hringja í síma
563-0300 sem fyrst og skrá sig. Fyrsti koma fyrstir fá!
Einnig eru þeir sem ætla að gista á hóteli hvattir til að
panta sér herbergi í tíma.
Árshátíðarnefnd LS.