Fréttablaðið - 19.01.2012, Blaðsíða 12

19. janúar 2012 FIMMTUDAGUR12
GÓÐ HÚSRÁÐ
Klettasalat
Klettasalat geymist ekki vel
Til þess að klettasalatið geymist
betur og haldist stökkt þarf að
taka það úr plastinu um leið
og komið er heim og færa yfir í
loftæmt box sem búið er að setja
eldhúspappír í botninn á. Annað
lag af pappír er síðan sett yfir
salatið og boxinu lokað, það síðan
lofttæmt og sett í kæli. Þá ætti
salatið að haldast þurrt og stökkt.
Þessi geymsluaðferð hentar einnig
öðrum salattegundum.
Tugir kvartana bárust ENA, Evróp-
sku neytenda aðstoðinni á Íslandi, í
fyrra en hlut verk ENA er að að stoða
neytendur sem eiga í deilum við
seljendur vöru eða þjónustu yfir
landa mæri innan EES-svæðisins.
Flestar kvartananna tengjast ferða-
lögum. Neytendur sem eru óánægðir
vegna kaupa á netinu milli landa
kvarta einnig, að sögn Heimis Skarp-
héðins sonar, fulltrúa hjá ENA.
„Meirihluti þeirra mála sem ENA fékk
til meðferðar í fyrra tengdist ferða lögum
útlend inga á Íslandi en ENA að stoðaði
einnig Ís lendinga sem kvörtuðu vegna
þjónustu erlendis. Þetta voru til dæmis
kvartanir um aukinn kostnað vegna
seinkana á flugi eða um rukkanir fyrir
við gerðir á bíla leig ubílum,“ segir Heimir
Skarphéðinsson, fulltrúi hjá ENA, Evrópsku
neytendaaðstoðinni.
Eitt dæmanna sem greint er frá í árs-
skýrslu ENA 2011 er um Íslending sem tók
bíl á leigu í Þýskalandi. Við skil á bílnum á
flugvelli var maðurinn spurður hvort allt
væri í lagi og sagði hann svo vera.
Eftir heimkomu sá maðurinn að bílaleigan
hafði dregið út af kortinu hans um 115
þúsund krónur aðeins um klukkustund eftir
skil bílsins. Í bréfi, sem manninum barst
10 dögum síðar, sagði að um væri að ræða
áætlaðan viðgerðarkostnað vegna skemmda
aftan á bílnum. Á mynd sem fylgdi var
ómögulegt að sjá hvort um skemmd var
að ræða auk þess sem engin dagsetning
var á myndinni. Maðurinn leitaði til ENA
sem sendi málið út til Þýskalands. Þar sem
bílaleigan gat ekki fært sönnur á tjónið var
færslan bakfærð að fullu.
Í ársskýrslunni er þess jafnframt getið að
franskur ferðamaður, sem tók bíl á leigu á
Íslandi í ágúst í fyrra, hafi verið rukkaður
um 57 þúsund krónur vegna áætlaðs
kostnaðar við viðgerð á sprungu á afturljósi
bílsins. Honum fannst kostnaðurinn
ósanngjarn, leitaði til ENA í Frakklandi
sem sendi ENA hér málið.
Þegar ENA á Íslandi óskaði eftir reikningi
fyrir viðgerðinni hjá bílaleigunni kom í ljós
að hann var ekki nema 37 þúsund krónur.
Ferðamaðurinn fékk því endurgreiddar 20
þúsund krónur.
Heimir kveðst ekki vilja taka svo sterkt til
orða að reynt sé að svindla á ferðamönnum.
„Það er kannski tilhneiging til þess að
rukka meira en minna. Það er mikilvægt að
ganga eftir því að fá fullnægjandi sönnun
fyrir því að gert hafi verið við bílinn og að
kostnaðurinn hafi verið sá sem dreginn var
frá.
Að sögn Heimis koma á hverju ári upp
mál vegna kaupa á vöru á netinu milli
landa. „Við leiðbeinum neytendum í slíkum
málum eins og öðrum og takist neytendum
ekki að leysa þau við seljendur höfum við
milligöngu um þau.“ ibs@frettabladid.is
12
hagur heimilanna
KRÓNUR er hækkunin á almennu miðaverði hjá
Þjóðleikhúsinu frá árinu 2007. Nú kostar miðinn 4.300
krónur en kostaði 3.100 árið 2007.
1.100
Ferðamenn kvarta vegna
rukkana fyrir bílaviðgerðir
Evrópska samstarfið um neytendaaðstoð hófst árið
2002. Markmiðið er að aðstoða neytendur sem eiga í
deilum við seljendur vöru eða þjónustu yfir landamæri
innan EES-svæðisins. Neytendasamtökin annast
rekstur Evrópsku neytendaaðstoðarinnar á Íslandi,
ENA, samkvæmt samningi við innanríkisráðuneytið.
Rekstrarkostnaðurinn skiptist milli íslenska ríkisins og
framkvæmdastjórnar ESB, að því er segir á vefsíðu
Neytendasamtakanna. Aðstoðin er neytendum að
kostnaðarlausu.
ENA, EVRÓPSKA NEYTENDAAÐSTOÐIN
VIÐ LEIFSSTÖÐ Bílaleigubílum er oft skilað á flugvöllum
þegar ferðamenn eru að flýta sér í flug. Fái þeir síðar
reikning fyrir viðgerð er mikilvægt að sjá til þess að
bílaleigan geti fært sönnur á tjónið. FRÉTTABLAÐIÐ/GVA
Símaþjónustufyrirtækið Telenor er fyrst
til að bjóða fría netnotkun í snjallsíma
innan Evrópusambandsins og EES-
svæðisins gegn ákveðnum sólarhrings-
taxta. Ekki verður um nein föst mán-
aðargjöld að ræða eða binditíma, heldur
þarf einungis að greiða fyrir þjónustuna
þegar viðskiptavinurinn þarfnast hennar.
Sólarhringsgjaldið verður 99 sænskar
krónur. Haft er eftir fulltrúa Telenor að
margir myndu vilja nota smartsímann
sinn miklu meira á ferðalögum en hafi
áhyggjur af háum kostnaði.
■ Netið
Telenor býður fría netnotkun í snjallsíma
Neytendasamtökin í Danmörku vara við því að kveikt sé á símum og mynda-
vélar notaðar strax eftir að farið er með
þessi tæki úr kulda inn í hita vegna
hættu á rakaskemmdum. Hægt er
að koma í veg fyrir slíkar skemmdir
sé beðið eftir því að tækin séu
orðin jafnheit og umhverfið því
að þá á rakinn að hafa gufað
upp. Ekki á að geyma mynda-
vélar og síma í vösum sem verða
rakir af snjó eða rigningu. Forðast
á að geyma tækin þétt upp við
líkamann vegna þess að raki getur
komið í tækin af svita.
■ Bilanir
Huga þarf að myndavélinni og símanum í
kulda
Gísli Tryggvason, talsmaður neytenda, hefur ákveðið
að beita upplýsingarétti sínum, samkvæmt lögum í
þágu neytenda, til að fá matvælafyrirtæki til að upp-
lýsa neytendur um það hvaða vörur þeirra innihalda
iðnaðarsalt. Ákvörðunin er byggð á því að neytendur
eigi rétt á upplýsingum um innihald matvöru og hafi
þar að auki hagsmuni af slíkri vitneskju.
Talsmaður neytenda hefur því ákveðið að krefjast
þessara upplýsinga af þeim matvælafyrirtækjum sem
um ræðir ef fyrirtækin hafa ekki upplýst það sjálf á
morgun, föstudaginn 20. janúar.
■ Réttindi neytenda
Krefst upplýsinga um í hvað
iðnaðarsaltið var notað
islandsbanki.is | Sími 440 4000
Lærðu að ná yfirsýn yfir fjármál heimilisins, halda bókhald og finna
raunhæfar leiðir til sparnaðar með aðstoð Meniga.
Næstu námskeið verða:
Fimmtudaginn 26. janúar
Miðvikudaginn 1. febrúar
Allar nánari upplýsingar og skráning á islandsbanki.is.
Námskeið í Meniga
heimilisbókhaldinu