Fréttablaðið - 05.02.2013, Qupperneq 16

5. febrúar 2013 ÞRIÐJUDAGUR| SKOÐUN | 16
Utanríkisráðherra skrifar
í Fréttablaðið á laugar-
dag sérstaka grein um
utanríkis stefnu Sjálf stæðis-
flokksins. Ekki það að ekki
megi gagnrýna stefnu
flokksins á um liðnum árum
og áratugum á sviði utan-
ríkismála en þá skal það
gert á grundvelli réttra frá-
sagna en ekki ímyndaðrar
atburðarásar.
Sjálfstæðisflokkurinn
hefur í gegnum söguna
verið sá flokkur sem leitt
hefur þær ríkisstjórnir sem eflt
hafa vestræna samvinnu á sviði
öryggis- og varnarmála, auk þess
að tryggja alþjóðasamstarf sem
stuðlað hefur að auknu viðskipta- og
athafnafrelsi. Engar stórar mikil-
vægar pólitískar ákvarðanir í utan-
ríkismálum okkar Íslendinga hafa
verið teknar án atbeina eða forystu
Sjálfstæðis flokksins. Má nefna
aðildina að Atlantshafsbanda laginu,
EFTA og Evrópska efnahags-
svæðinu. Þótt við utanríkisráð-
herra kunnum að vera sammála
því að mikilvægt sé að ljúka aðildar-
við ræðum við Evrópu sam-
bandið er ekki hægt að
saka Sjálfstæðisflokkinn
um að hafa komið því máli
í biðstöðu. Sá vandi er fyrst
og fremst heimabakaður
vegna langvarandi deilna
við ríkis stjórnarborðið en
einnig vegna kjarkleysis
stjórnar flokkanna tveggja
að taka ekki undir eðlilega
tillögu formanns og þáver-
andi varaformanns Sjálf-
stæðis flokksins, að haldin
yrði þjóðaratkvæðagreiðsla
áður en lagt yrði í umsóknar-
leiðangurinn. Það mátti hins vegar
ekki því tillagan kom frá hinum
agalega Sjálfstæðis flokki.
Utanríkisráðherra lætur að því
liggja að Sjálfstæðis flokkurinn,
með Geir Haarde í broddi fylk-
ingar, hafi ekki viljað samstarf við
Alþjóðagjaldeyrissjóðinn. Þetta
er ekki bara billegt heldur ómak-
legt því það var fyrst og fremst
Geir Haarde sem beitti sér fyrir
komu sjóðsins hingað til lands, líkt
og hann beitti sér af einurð fyrir
setningu neyðarlaganna. En það er
eftir öllu af ríkisstjórnar flokkunum
að gera sem minnst úr hlutverki
Geirs á þessum örlagatímum þegar
taka þurfti erfiðar ákvarðanir.
Miklir fyrirvarar
Hitt er betra að hafa fram vinduna
á hreinu þegar kemur að sam-
vinnunni við AGS. Í byrjun október-
mánaðar, nánar tiltekið kvöldið 5.
október 2008, fékk forsætisráð-
herra Ingimund Friðriksson seðla-
bankastjóra á fund ríkisstjórnar
til að útskýra í hverju samstarf við
Alþjóðagjaldeyrissjóðinn fælist.
Þá höfðu tveir ráðherrar ríkis-
stjórnarinnar uppi mikla fyrirvara
við komu sjóðsins hingað til lands.
Nokkuð stór orð féllu. Töldu þeir
reynslu alþýðu manna víða um heim
af sjóðnum hafa verið vonda og því
ætti Ísland að gjalda varhug við því
að fá Alþjóðagjaldeyrissjóðinn til
Íslands. Þessir tveir ráðherrar voru
Jóhanna Sigurðardóttir og Össur
Skarphéðinsson. Geir vildi aftur
á móti leita samvinnu við Alþjóða-
gjaldeyrissjóðinn og naut þar ára-
langrar reynslu sinnar af samstarfi
við sjóðinn úr fyrri störfum. Nýttist
sú reynsla vel við að móta samning,
nokkuð nýstárlegan miðað við það
sem alla jafna gilti hjá Alþjóða-
gjaldeyrissjóðnum, sem hentaði
íslenskum hagsmunum.
Vegna þessa kom m.a. Daninn
Paul Thomsen stuttu síðar til
landsins á vegum AGS og fór á fund
nokkurra ráðherra ríkisstjórnar til
að útskýra hvernig hugsanlegu sam-
starfi við sjóðinn gæti verið háttað.
Á þeim fundi miðjum snerist utan-
ríkisráðherra núverandi eins og
hendi væri veifað og taldi rétt að
ganga til samstarfs við sjóðinn. Það
var síðan gert góðu heilli.
Á þessum örlagaríku vikum
þurfti að taka erfiðar ákvarðanir.
Þótt eftiráspeki geti verið hvimleið
þá var sú ákvörðun að ganga til sam-
starfs við Alþjóðagjaldeyris sjóðinn
hárrétt, sem og setning neyðarlag-
anna. Reyndar hvorugt ákvarðanir
sem Vinstri-græn studdu. Þau mega
þó eiga það að þau fylgdu síðan
nokkuð fumlaust þeirri áætlun sem
fyrir lá í samskiptum Íslands við
AGS þegar þau voru komin í ríkis-
stjórn. Skuldlaus ríkissjóður árin
á undan ásamt þessum tveimur
ákvörðunum á örlagastundu voru
lykillinn að því að Ísland átti tæki-
færi til að komast sem fyrst út úr
erfiðleikum hrunsins.
Sagan mun síðan sýna og dæma
hvernig vinstri stjórnin nýtti tæki-
færin og tók ákvarðanir. Ljóst er
að sundrung og óskiljanlegur
stríðsrekstur ríkis stjórnarinnar
í mörgum mikilvægum mála-
flokkum er ofarlega í hugum
margra, bæði Samfylkingarfólks
og annarra. Sem betur fer eru nú
teikn á lofti að því muni linna og
uppbyggilegt samtal um fram-
tíðina geti átt sér stað. Þegar slíkir
jákvæðir tónar eru slegnir af nýrri
forystu stjórnmálaflokks er það
jafnframt forystumanna annarra
flokka að nálgast slíkt samtal af
heiðarleika og einlægni.
Össur og AGS
➜ En það er eftir öllu af
ríkisstjórnarfl okkunum að
gera sem minnst úr hlut-
verki Geirs á þessum örlaga-
tímum þegar taka þurfti
erfi ðar ákvarðanir.
UTANRÍKISMÁL
Þorgerður K.
Gunnarsdóttir
þingmaður og fyrrv.
varaformaður Sjálf-
stæðisfl okksins
Frá því ég var 5 ára var
ég staðráðin í því að verða
kennari. Kennari skyldi
ég verða! Þetta var ein-
faldlega drauma starfið
og það var nóg. Vorið 2011
útskrifaðist ég sem grunn-
skólakennari við Háskóla
Íslands og hóf störf sem
kennari haustið eftir.
Starfið stóð og stendur
enn algjörlega undir
væntingum. Það er gaman
og um leið mjög krefjandi
að fá að kenna ungum
snillingum, aðstoða þá
við að uppgötva og fræða
þá um allt milli himins og
jarðar. Svo ekki sé minnst
á það að fá útborgað! Nú
þarf ekki að bíða eftir
námslánum og/eða semja
við bankann um fram-
færslu. Fljótlega runnu
þó á mig tvær grímur, útborg unin
dugir tæplega fyrir mánaðar-
legum útgjöldum einhleypings í
Reykjavík.
Samkvæmt launatöflu Kenn-
arasambands Íslands frá mars
2012 eru grunnlaun umsjónar-
kennara 34 ára og yngri (með 12-19
nemendur í bekk) 294.634 krónur.
Af því er síðan tekinn skattur eins
og gengur.
Ég fór því á stúfana og kynnti
mér neysluviðmið velferðar-
ráðuneytisins. Ef miðað er við
einn full orðinn í „fjölskyldu“ á
höfuð borgarsvæðinu eru dæmi-
gerð heildarútgjöld án húsnæðis-
kostnaðar 223.031 kr. Inni í
þessum útreikningum er ekki
tekið til greina að margir eru að
greiða af námslánum sínum mán-
aðarlega í mörg ár. Líka kennarar.
Og nú spyr ég hvort þetta séu
ásættanleg laun? Er ásættanlegt
að þeir sem kenna, svo dæmi séu
tekin, forsetum, læknum, kenn-
urum, lögfræðingum, hjúkrunar-
fræðingum, sendiherrum og pró-
fessorum framtíðarinnar nái ekki
utan um mánaðarleg útgjöld?
Það finnst mér ekki ásættanlegt.
Illa launað draumastarf
KJARAMÁL
Fríða Margrét E.
Þorsteinsdóttir
grunnskólakennari
➜ Og nú spyr ég hvort þetta
séu ásættanleg laun?
Næsti fundur
á Akureyri
Golfskálinn Jaðri,
föstudaginn 8. febrúar
kl. 20:00.
Opinn fundur í kvöld
á Hótel Natura (Loftleiðir) kl. 20:00
Samtök útivistarfélaga, SAMÚT, efna til opins fundar í kvöld með
útivistarfólki og fulltrúum stjórnmálaflokkanna. Þar verða rædd
mál sem efst eru á baugi þessa stundina, m.a. frumvarp til nýrra
náttúruverndarlaga sem nú liggur fyrir Alþingi.
Á fundinum munu þessir fulltrúar svara nokkrum lykilspurningum.
» Björt framtíð Róbert Marshall alþingismaður
» Framsóknarflokkurinn Ásmundur Einar Davíðsson alþingismaður
» Samfylkingin Mörður Árnason alþingismaður
» Sjálfstæðisflokkurinn Guðlaugur Þór Þórðarson alþingismaður
» Vinstri grænir Álfheiður Ingadóttir alþingismaður
Að lokinni stuttri framsögu þingmanna verður opnað fyrir umræður og
spurningar úr sal.
Fundarstjóri verður Páll Benediktsson, fyrrum fréttamaður.
Allir velkomnir!Samtök útivistarfélaga - SAMÚT