Fréttablaðið - 11.02.2013, Blaðsíða 19

SAGA HANDA BÖRNUM
Sagnfræðifélag Íslands heldur hádegisverðarfund á morgun
undir heitinu Hvað er sögulegur skáldskapur? Dagný
Kristjáns dóttir, prófessor í íslenskum bókmenntum við
Háskóla Íslands, flytur erindið „Saga handa börnum“.
Erindið verður í fyrirlestrarsal Þjóðminjasafns Íslands
og hefst klukkan 12.05.
Ég fór að prófa mig áfram í matargerðinni eftir að elsta dóttir mín
greindist með fæðuóþol og
tók smám saman út allar
mjólkurvörur og minnkaði
bæði sykur og glúten. Nú
geri ég allt frá grunni og það
kemur allri fjölskyldunni til
góða,“ segir Oddrún Helga
Símonardóttir, sem heldur
úti matarblogginu heilsu-
mamman.com. Hún segir
breytingarnar ekki hafa kom-
ið á einni nóttu heldur hafi
tekið tíma að komast upp á
lag með að lesa um innihald
á pökkum og finna hentugar
uppskriftir. „Ég finn mikið
á netinu og í bókum og svo
verða líka til uppskriftir upp
úr tilraunamennsku, eftir
því hvað er til í ísskápnum.
Þetta nammi er sérstaklega
vinsælt á heimilinu.“
HOLLARA NAMMI
BREYTT MATARÆÐI Oddrún Helga Símonardóttir heldur úti matarblogginu
heilsumamman.com. Hér gefur hún lesendum uppskriftir að sælgæti.
Hampnammi gefur
góða orku í hversdags-
amstrinu, fullt af góðri
fitu, trefjum og kalki.

½ bolli hampfræ
½ bolli graskersfræ
(möluð )
½ bolli sesamfræ
1 bolli döðlur
1 bolli kókosmjöl
1 tsk. vanilludropar
5 msk. kakó
4 msk. kókosolía
2 msk. hnetusmjör, án
sykurs

Leggið döðlurnar í
bleyti í 30 mín. Hellið
vatninu af og maukið
með töfrasprota.
Bætið kókosolíunni
saman við ásamt
vanillu dropunum og
hnetusmjörinu.
Blandið öllum þurr-
efnunum saman í aðra
skál. Það er bæði hægt
að mala graskersfræin
með töfrasprota og í
matvinnsluvél.
Blandið öllu vel saman.
Leggið deigið á
bökunar pappír og
þjappið því niður, látið
kólna og skerið svo í
litla bita eða lengjur.
BOUNTYNAMMI
1 bolli döðlur
3 bollar kókos
¼ bolli kókosolía
½ bolli malaðar kasjú-
hnetur (má sleppa)
1 tsk. vanilludropar
3-4 msk. kókospálma-
sykur
150 g 70% súkkulaði

Leggið döðlurnar í
bleyti í 30 mín. Hellið
vatninu af og maukið
með töfrasprota.
Blandið kókosolíunni
saman við ásamt
vanillu dropunum. Ef
döðlurnar eru volgar
bráðnar kókosolían
strax og þá þarf ekki
að bræða hana sér-
staklega.
Blandið saman í aðra
skál kókos, kasjúhnetur
og kókospálmasykur.
Vinnið vel saman.
Kælið og hellið bræddu
súkkulaði yfir. Látið
kólna og skerið í litla
bita.
ORKURÍKIR MUNNBITAR
HEILSUMAMMAN Oddrún
Helga tók allar mjólkurvörur út
úr mataræði fjölskyldunnar og
minnkaði glúten og sykur eftir
að elsta dóttir hennar greindist
með fæðuóþol. Yngsti fjölskyldu-
meðlimurinn, Jónatan, nýtur
einnig góðs af.
MYND/VILHELM