Fjarðarpósturinn - 27.10.1983, Síða 2
2
FJARÐARPÓSTURINN
??? BÆJARBÚAR SPYRJA ???
Hvaö er að f rétta
af löxunum í Læknum?
Einn áhugasamur spyr:
Hvað er að frétta af löxunum
sem settir voru í Lækinn sl. sumar?
Hvaða áform eru uppi um fiski-
rækt í Læknum?
Björn Ólafsson, gjaldkeri Stang-
veiðifélags Hafnarfjarðar:
„Stangveiðifélagið setti 15 laxa í
Lækinn sl. sumar. Því miður urðu
2 eða 3 laxar veiðiþjófum að bráð
en sem betur fer tókst að ná til
þeirra sem það gerðu og nú er fylgst
mjög vel með Læknum og þeim
fiskum sem þar eru. Þeir hafa
dafnað mjög vel og er nú verið að
vinna að áframhaldi þessarar til-
raunar.
Samningar hafa tekist milli
bæjaryfirvalda og Stangv.félagsins
um að rannsókn fari fram á lífríki
Lækjarins og hvað gera þurfi til
þess að hann verði fiskgengur og
„fiskheldur“.
Höfum við fengið Jón Kristjáns-
son, fiskifræðing, til þessa verks.
í ljós hefur komið að Lækurinn
er alls ekki eins mengaður og áður
var haldið og gefur ýmsa mögu-
leika til fiskiræktar. Þær lagfær-
ingar sem gera þarf hafa því tiltölu-
lega lítinn kostnað í för með sér.
Við höfum því fullan hug á að
setja seiði og fiska í Lækinn í mun
meira mæli þegar rannsóknum og
nauðsynlegum framkvæmdum er
lokið.
Við væntum samstarfs við alla
Hafnfirðinga um þetta verkefni og
vonum að áður en Iangt um líður
geti bæjarbúar glaðst yfir því að
Lækurinn hafi fengið nýtt hlutverk
og þar megi sjá margan vænan lax-
inn stökkva.“
Hvað verður
um Siggubæ?
Hafnfirðingur spyr: Hvaða
áform eru uppi um varðveislu litla
bæjarins við Hellisgötu, sem
Sigríður heitin Erlendsdóttir arf-
leiddi Hafnarfjarðarbæ að á sínum
tíma?
Einar I. Halldórsson, bœjarstjóri:
Samkvæmt Miðbæjarskipulagi á
þessi bær að hverfa. Hann þrengir
mjög umferð um götuna og því er
ekki gert ráð fyrir því að hann verði
til frambúðar á þessum stað. Hvað
snertir erfðaskrá frú Sigríðar
Erlendsdóttur var þar um skilyrði
að ræða sem bæjaryfirvöld hafa
enn ekki tekið afstöðu til.
vinsamlegast athugid....
Undir þessu heiti munu birt-
ast ábendingar og varnaðarorð
til bæjarbúa frá ýmsum stofn-
unum bæjarins og öðrum aðil-
um sem telja sig hafa erindi í
þennan dálk. Hér er það Raf-
veita Hafnarfjarðar sem beinir
orðum sínum til bæjarbúa.
Þegar rafmagnið fer
Þegar vetur gengur í garð
leiðir maður hugann að því
hvernig veturinn muni verða.
Síðasti vetur var nokkuð
óvenjulegur. Þá var mikið um
illviðrahrinur með snjókomu og
ísingu, sem oft gengur fljótt yfir
og komu þær yfirleitt í kjölfar
veðurs, sem bar með sér seltu,
sem settist á einangra háspennu-
lína og orsakaði það yfirslátt
þegar illviðri skall á. Þetta olli
óvenjumörgum rekstrartrufl-
unum á raforkuflutningi til
okkar. Auðvitað vonum við að
þessi vetur verði betri en sá síð-
asti, en samt er betra að vera við
öllu búin.
Ef rafmagn fer af, er allt gert
sem unnt er til þess að koma því
á aftur. Til þess að það megi
takast á sem stystum tíma geta
notendur veitt mikilvæga
aðstoð með því að nota ekki
síma nema brýna nauðsyn beri
til.
Alltof margir nota símann til
að leita frétta varðandi straum-
leysið og veldur það yfirálagi á
símakerfinu svo að það verður
óvirkt. Rafveitan getur t.d.
þurft að hafa símasamband við
Landsvirkjun, Rafmagnsveitu
Reykjavíkur, Rafmagnsveitur
ríkisins og getur þurft að kalla
út starfsfólk til bilunarleitar og
viðgerða.
Yfirálag á símakerfinu hefur
oft valdið miklum töfum hjá
Rafmagnsveitunni við að bæta
úr straumleysi og óvirkt síma-
kerfi veldur íbúunum erfiðleik-
um ef nauðsyn ber til að ná
sambandi við lögreglu, slökkvi-
lið, læknavakt eða sjúkrabíl.
Þá er mikilvægt að notendur
hafi rofa fyrir tæki og flest ljós
í ,,slökktri“ stöðu þegar
straumur er settur á aftur. Of
mikið álag við innsetningu getur
valdið því að það taki verulega
lengri tíma að koma straumi á
að nýju.
Dagheimili St. Jósefssystra.
í byggingu er dagheimili á vegum St. Jósefssystra á spítalalóðinni. Óskað
hefur verið eftir 700.000 kr. byggingarstyrk frá Hafnarfjarðarbæ.
Fólk á sýningu.
Mikill fjöldi Hafnfirðinga var viðstaddur opnun sýningar á málverkagjöf
Ingibjargar Sigurjónsdóttur og Sverris Magnússonar til Hafnfirðinga.