Fjarðarpósturinn - 01.06.1984, Blaðsíða 2

2
FJARÐARPÓSTURINN
Þríburar þreyta bílpróf
Að taka bílpróf er að öllu jöfnu ekki talið fréttnæmt. En þegar hafn-
firskir þríburar taka bílpróf samtímis og undir leiðsögn eins og sama öku-
kennara hlýtur það að vera svo einstakur atburður að fréttnæmur sé.
„Ég tel að þetta séu einu íslensku þríburarnir sem allir hafa bílpróf,“
sagði Úlfar Haraldsson, ökukennari systkinanna.
Á meðfylgjandi mynd eru talið frá vinstri: Úlfar Haraldsson, ökukenn-
ari, Ásgeir Gylfason, Hildur Gylfadóttir og Jón Trausti Gylfason.
Fjarðarpósturinn óskar systkinunum til hamingju með bílprófið og
vonar að akstur í umferðinni verði þeim til ánægju.
Lúðrasveit Hafnarfjarðar
fær kostaboð um
hljómplötuútgáfu
Lúðrasveit Hafnarfjarðar hefur nýlega borist boð um að leika inn á hljóm-
plötu sem dreift yrði á þýskan markaó. Það er þýskur tónlistarmaður sem
stendur að þessu boði, en hann hefur tvívegis komið hingað til lands og
kynnst leik islenskra lúðrasveita. Allt bendir til að Lúðrasveitin þekkist
þetta kostaboð og bregði sér í upptöku með haustinu. Lagaval yrði þá
væntanlega miðað við bæði íslenskan og þýskan markað.