Fjarðarpósturinn - 01.06.1984, Page 11

FJ ARÐARPÓSTURINN
11
Hvert er fyrirkomulag deildar-
keppninnar?
„Það eru 12 lið í deildinni og
spiluð tvöföld umferð, heima og
heiman. Fjögur efstu liðin fara í
lokakeppni, eitt lið fellur beint,
næst neðsta og þriðja neðsta fara i
keppni um sín sæti í deildinni.
Sjálf lokakeppnin er mun ein-
faldari en heima. Eftir að útséð er
um hvaða fjögur lið eru efst, fara
fram undanúrslit. Lið númer eitt og
tvö spila við lið þrjú eða fjögur.
Undanúrslitin ráðast í þremur
leikjum. Sigurvegararnir mætast
síðan í úrslitakeppni með sama
fyrirkomulagi, úrslit ráðast í
þremur leikjum.
Þetta fyrirkomulag felur í raun-
inni í sér tvær keppnir, annars
vegar deildarkeppni þar sem sigur-
vegarinn verður deildarmeistari,
fær verðlaun og þátttökurétt í
Evrópukeppni. Hinsvegar loka-
keppnin þar sem keppt er um
sænska meistaratitilinn, en hann
gefur rétt til Evrópukeppni meist-
araliða.
Þetta er mjög gott fyrirkomulag
bæði fyrir leikmenn og áhorf-
endur, og vel mætti taka það til
athugunar á íslandi, þar sem loka-
keppnin hefur verið gersamlega
mislukkuð. Hún er bæði of sein,
dregst á langinn og mjög fáir áhorf-
endur endast til að fylgjast með.
Sjöfn og Kristján.
Lokakeppnin hér er meira í ætt við
úrslitaleiki í ensku bikarkeppn-
inni.“
Hver er gæðamunurinn á „All-
svenskunni“ og ísl.deildarkeppn-
inni?
„Stærsti munurinn er sá að það
eru 12 áþekk lið sem keppa í
sænsku deildinni — ekki sú staða
sem er í ísl. deildinni að eitt til tvö
lið standa upp úr. Þessu til sönn-
unar þarf ekki annað en líta á loka-
stöðu deildarinnar tvö síðustu ár,
þar sem 2-4 stig skilja milli efsta liðs
og neðsta. Það gefur auga leið að
þessu fylgir meiri spenna og leik-
menn verða alltaf að vera í topp-
formi og sýna sínar bestu hliðar, ef
sigur á að nást.
Þar fyrir utan eru í sænskum
handbolta fjöldinn allur af mönn-
um í háum gæðaflokki og nokkuð
um heimsklassaleikmenn. Enda er
uppbyggingin frá yngstu flokkun-
um mjög góð og markviss allt þar
til leikmenn geta spilað í meistara-
flokkunum. Þessi þáttur hefur
farið töluvert fyrir ofan garð og
Ungur aðdáandi fær eiginhandar-
áritun.
neðan heima, uppbyggingin þar er
meira tilviljunarkennd“.
Andrés, nú hefur þú átt hvern
stórleikinn á fætur öðrum og Svíar
hafa látið þau orð falla að ef þú
værir sænskur værirðu í þeirra
landsliðshópi. Hvernig stendur á
því að þú ert ekki í islenska lands
liðinu?
„Ég tel að þetta sé í fyrsta lagi
spurning um peninga áf hálfu
H.S.Í. það kostar of mikið að taka
heim marga leikmenn erlendis frá.
Svo eiga Islendingar ágæta línu-
menn í dag, þar fremstan Þorgils
Óttar. Annars vegar virðist ekki
tíðkast að taka heim fólk frá öðrum
löndum en Þýskalandi, einhverra
hluta vegna.“
Nú ertu þú stjarna hér í Eskil-
stuna. Er það öðruvísi en að vera
stjarna heima?
„Þó mér hafi gengið vel og hafi
átt ágæta leiki, þá má ekki gleyma
því að í klúbbnum er „Geir Hall-
steinsson" Svía, Bobban Anders-
son, skærasta handboltastjarna
Svía fyrr og síðar.
Annars er það næstum eingöngu
jákvætt að vera einn af bestu
mönnum liðsiiis, þar sem handbolti
er aðalíþróttin hér í Eskilstuna.
Iþróttamönnum sem vel gengur er
sýnd virðing í umgengni og þeir fá
fyrirgreiðslu á öllum sviðum.
Heima er hinsvegar enginn munur á
íþróttamönnum og öðru fólki, sem
náttúrulega er sjálfsagt mál, en sú
fyrirgreiðsla sem maður fær hér
léttir mjög mikið ástundun æfinga
og keppni.“
Hvenær fá Hafnfirðingar aftur
að sjá þig á handboltavellinum?
„Ég get ekkert um það sagt þar
sem óvíst er hvenær námi mínu hér
lýkur.“
En Andrés, ein samviskuspurn-
ing í lokin. Hvaða félag verður fyrir
valinu þegar heim er komið?“
„Eins og staðan er í dag má
reikna með að ég fari í gamla félag-
ið og ljúki mínum ferli þar. Áður en
þið setjið punktinn aftan við við-
talið vil ég senda mínar bestu kveðj-
ur til vina og vandamanna.“
Og þar með er því komið til skila
og hér er punkturinn.
(A nna Magnúsdóttir og Þórir Jóns-
son sendu Fjaröarpóstinum þetta
viðtal frá Svíþjóð og fcerum við
þeim bestu þakkir fyrir).
Samvinnubankinn hefur aukið þjónustusvið sitt
og sér nú um kaup og sölu á ferða- og
námsmannagjaideyri. Þar er einnig hægt að opna
innlenda gjaldeyrisreikninga auk þess sem bankinn
veitir alla þjónustu varðandi VISA-greiðslukort.
ERIEND
\TÐS
Hafnarfirði