Fjarðarpósturinn - 13.09.2007, Blaðsíða 2
Bergmann í Bæjarbíói
Á laugardaginn kl. 16 sýnir Kvik -
myndasafn Íslands mynd Ingmars
Bergmanns, Kvöldmáltíðargestirnir
(Nattvärdsgästerna) frá 1962. Á
köldum sunnudegi um vetur, messar
presturinn Tomas í lítilli sveitakirkju yfir
örfáum sóknarbörnum sínum, á sama
tíma og hann á í mikilli sálarnauð
vegna efasemda um trúarsannfæringu
sína. Eftir messu reynir hann að
hughreysta sjómann sem er heltekinn
af kvíða, en getur einungis rætt um
þann vanda sem, hann presturinn, á í
með samband sitt við Guð.
Kennslukonan, Marta, býður prestin -
um ást sína sem huggun fyrir að hafa
misst trúna. En presturinn hafnar
þessu boði hennar jafn ákveðið og
hún tjáir honum ást sína
Á þriðjudaginn kl. 20 sýnir Kvik -
myndasafnið mynd Ingmars Berg -
manns, Þögnina (Tysnaden) frá
1963. Þessi þriðja mynd „Guðs -
trílógíu“ Bergmans um fjarveru Guðs,
þögn hans og áhrif þess á tilfinningar
og tengsl fólks sín á milli var ein af
umdeildustu myndum sem hann
gerði, enda voru viðbrögðin við sýn -
ingu hennar í Hafnarfjarðarbíói eftir því
en megin inntak myndarinnar er fjar -
vera Guðs, þögn hans, og áhrif þess á
tilfinningar og tengsl fólks í millum.
Hér á landi tókust menn á um það
hvort myndin fjallaði um guðlausan og
kærleikslausan heim eða einberann
sorann.
Nýjar sýningar í Hafnarborg
Portrett í mannhafinu
Í dag kl. 17 verður opnuð í Hafnar borg
sýning á ljósmyndum bandaríska
listamannsins Denis Masi. Í ljós -
mynda röðum sínum er Denis Masi að
rannsaka uppákomur og viðburði þar
sem fólk hópast saman af einhverju
tilefni í leit að sameiginlegri upplifun.
En hann skrásetur ekki þessa viðburði
sem fréttaljósmyndari, heldur nálgast
hann viðfangsefnin sem myndlistar -
maður.
Bið
Í dag kl. 17 verður opnuð í Hafnarborg
sýning á verkum listakonunnar Aðal -
heiðar S. Eysteinsdóttur. Viðfangsefni
sýningarinnar er fólk á biðstofu. Aðal -
heiður leikur sér með afgangs efni og
fundna hluti og endurgerir úr þeim
eftirminnileg augnablik úr eigin lífi, fólk
á förnum vegi, vinir eða hlutirnir sjálfir
verða kveikjan að skúlptúrum og
lágmyndum.
2 www.fjardarposturinn.is Fimmtudagur 13. september 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
„Menningarmálanefnd Hafnarfjarðar var
kölluð saman til aukafundar á þriðjudaginn
vegna gríðar legra góðra móttöku sem hafnfirska
gamanmyndin Astrópía hefur hlotið. Ákvað
menningamálanefndin að byggður skyldi veg -
leg ur bíósalur í Hafnarfirði og yrði hann nefndur
Astrópía til heiðurs velgengni hafnfirsku lista -
mannanna sem stóðu að myndinni. Er mark -
miðið með opnun bíósalarins að auðvelda Hafn -
firðingum að sjá Hafnfirskar kvikmyndir og
aðrar íslenskar kvikmyndir.“ Nei, því miður er þetta bara tilbún -
ingur ritstjórans, en mikið væri gaman ef hægt væri að flytja svona
fréttir. Ég set þetta fram til að vekja athygli á þeim fjölda listamanna
sem býr í Hafnarfirði og verkum þeirra. Það er sagt um okkur Hafn -
firðinga að við séum svo ánægðir með okkur og því er undarlegt
hvað við hömpum listamönnunum okkar lítið. Hvar er frægðar -
strætið með listamannanöfnunum? Hvar er tónlistarhúsið fyrir alla
snillingana okkar? Hvar eru opnu listasöfnin fyrir alla myndlista -
mennina okkar? Hvar eru götusviðin fyrir ungu tónlistar mennina
okkar? Eru verk samtímalistamanna bæjarins sjáanleg í opinberum
byggingum bæjarins? Hvar eru listamannasamtök Hafnarfjarðar?
Hafnarfjarðarbær er meira en brandarar og boltar.
Hafnfirðingar styðja bæjarstjórn sína til metnaðarfullra verka,
verka sem við bæjarbúar getum verið hreykin af. Hafnfirðingar
munu ekki hreykja sér af miðbæ troðfullum af háhýsum né ljótum,
metnaðarlausum fjölbýlishúsum út um allan bæ. Byggingarlist er
líka list og tími til kominn að verðlauna hönnuði og bygg ingar -
meistara fyrir metnaðarfullar byggingar í skipulagi og útliti.
Guðni Gíslason
www.hafnarf jardark i rkja. is
1. Launakönnun
Hafnarfjarðarbæjar 2007.
Lýðræðis- og jafnréttisfulltrúi
kynnti niðurstöður launakönnunar
Hafnarfjarðarbæjar 2007 sem
ParX vann. Lýðræðis- og jafn -
réttis nefnd vísar málinu til kynn -
ingar í bæjarráði.
Lýðræðis- og jafnréttisnefnd
fagnar þeim árangri sem náðst
hefur í baráttunni við kynbundinn
launamun hjá Hafnarfjarðarbæ en
kynbundinn launamunur mælist
nú 6% með kennurum og 9% án
kennara en mældist árið 2001 8%
með kennurum og 12% án
kennara. Nefndin leggur þó
áherslu á að áfram verði unnið
með markvissum hætti að því
markmiði að útrýma kynbundnum
launamun hjá bænum með öllu.
1. Heilsdagsskóli, staðan
Lagt fram yfirlit yfir stöðuna í
heilsdagsskólum bæjarins.
Enginn biðlisti er í fimm skólum
og unnið er að úrvinnslu í þremur.
2. Hjallastefnan - starfsleyfi
vegna reksturs barnaskóla við
Hjallabraut
Lagt fram bréf dags. 30. ágúst
þar sem Barnaskóla Hjalla -
stefnunnar er veitt viðurkenning
sem sjálfstætt reknum grunnskóla
í samræmi við lög er gilda um
grunnskóla, reglugerðir settum á
grundvelli þeirra og aðalnámskrá
grunnskóla.
Fulltrúi VG leggur fram
eftirfarandi fyrirspurn: „Óskað er
eftir þeim gögnum sem fram voru
lögð vegna umsóknar um við ur -
kenningu Hjalla brautar ein ing ar
grunn skólans við hlið leikskólans
Hjalla í Hafnarfirði í samræmi við
2. grein reglugerðar númer
320/2007.
Enn fremur er óskað eftir yfirliti
yfir rekstrarkostnað og meðal -
rekstrarkostnað grunnskóla í
Hafn arfirði per nemanda frá árinu
2002-2006.
Víðistaðakirkja
Sunnudagurinn 16. september
Sunnudagaskólinn kl. 11
Skemmtileg stund
fyrir börn á öllum aldri
Messa kl. 13.00
Kór Víðistaðasóknar syngur létta
söngva undir stjórn Úlriks Ólasonar.
Kyrrðarstundir
á miðvikudögum kl. 12.00
Súpa og brauð í safnaðarheimilinu á eftir.
Opið hús fyrir eldri borgara
á miðvikudögum kl. 13.00
Spil, spjall og kaffiveitingar
Foreldrastundir
á fimmtudögum kl. 13.00
Gefandi samvera fyrir heimavinnandi foreldra.
www.vidistadakirkja.is
Verið velkomin
Bragi J. Ingibergsson,
sóknarprestur
Sunnudaginn 16. september
Guðsþjónusta kl. 11
Prestur: sr. Þórhallur Heimisson
Ræðuefni: Konur í Nýja testamentinu
Organisti Guðmundur Sigurðsson
Barbörukórinn syngur
Allir velkomnir
Þorvarður Fannar
og Jón Árni í
áskorenda flokk
Þorvarður Fannar Ólafsson í
skákdeild Hauka kom engum á
óvart og sigraði áskorendaflokk
ásamt Jóni Árna Halldórssyni
með 7 vinninga af 9 mögulegum.
Þeir tryggðu sér þar með
þáttökurétt í landsliðsflokki að
ári. Þetta er í annað sinn á þremur
árum sem Þorvarður vinnur sér
þáttökurétt í landsliðsflokki.
Þorvarður tefldi mjög vel og
örugglega í mótinu og var vel að
sigrinum komin.
Sverrir Örn Björnsson og
Stefán Freyr Guðmundsson tóku
einnig þátt og var Sverrir allan
tímann í toppbaráttunni en slæmt
tap í næstsíðustu umferð gerði
vonir hans um sigur að engu.
Sverrir lenti í fjórða sæti með 6
vinninga. Stefán náði sér aldrei á
strik eftir tvö töp í fyrstu fjórum
umferðunum, en kemur án efa
sterkari til leiks í næsta móti.
www.ratleikur.blog.is