Prentarinn - 01.11.2009, Side 13

hún bakaði og setti þær 'allar ásamt upp-
skriftum inn á Barnalandssíðuna.
Eftir að ég missti vinnuna hjá Morg-
unblaðinu leitaði ég að einhverri vinnu
sem hæfði minni menntun og reynslu.
Það gekk mjög hægt vegna þess að á
þeim tíma voru allar auglýsingastofur,
prentsmiðjur og hönnunarstofur sem
hanna ýmiss konar vefsíður að draga
saman seglin. Það endaði með því að
ég skráði mig á atvinnuleysisbætur
og eyddi mörgum stundum hjá systur
minni vegna þess að hún var í sumarfríi
á þeim tíma.
Þá tókum við systurnar okkur til
og ákváðum að opnaður skyldi stór,
aðgengilegur og flottur vefur fyrir kök-
urnar, uppskriftirnar og aðferðirnar.
Síðsumars árið 2008 hófst mikil vinna
við gerð heimasíðu í miklu samstarfi við
Ritari.is sem býður upp á vefhýsingu,
hönnun og ýmiss konar þjónustu tengda
fyrirtækjum. Éghafði hjálpað þeim tölu-
vert við hönnun nokkurra vefsíðna og
gat því leitað beint til þeirra. Allur frí-
tími minn og systur minnar fór í vefinn
og svo má ekki gleyma mömmu minni
sem aðstoðaði okkur með börnin.
Mikið efni var komið inn á vefinn og
hann var nánast tilbúinn. Erfiðasti part-
urinn var samt eftir - nafnið. Adörg nöfn
komu til greina og margar tillögur voru
ræddar en engin þeirra virtist henta.
Mig minnir að nafnið hafi verið um það
bil mánuð í fæðingu og var ákveðið að
nefna vefinn mömmur.is.
Fyrir hverja er vefurinn
hugsaður?
Vefurinn er hugsaður fyrir alla, börn,
konur og meira að segja karlmenn. Fyrst
um sinn var hann hugsaður fyrir mæður
sem hefðu gífurlegan áhuga á bakstri en
með tilkomu jólakortanna og annarra
tilefniskorta hefur notkun karlmanna
stóraukist. Við verðum einnig varar við
að stelpur, alveg niður í tólf til þrettán
ára gamlar, spyrja okkur og leita ráða
við bakstur.
Hvenær var vefurinn opnaður?
Heimasíðan var opnuð formlega í nóv-
ember 2008 og er eins árs í ár. Það
verður gríðarlegur fögnuður að hætti
mömmur.is.
Hvernig fékkstu þá hugmynd
að sækja um styrk til
Vinnumálastofnunar vegna
heimasíðuverkefnisins?
Ég mætti nokkrum sinnum þangað til
að fylla út skjöl og fá ráðleggingar, og
svo fékk ég mjög góða hugmynd. Um
jólin 2008 var mestu vinnunni við vef-
inn lokið, þá datt mér í hug að hanna
jólakort. Ég hef mikinn áhuga á tölvu-
hönnun, ég átti þau forrit sem ég þurfti
og eftir að hafa fengið góðar viðtökur
var það eina sem mig vantaði að fá ein-
hvern til að prenta fyrir okkur. Ég talaði
við Hans Petersen og þeir tóku vel í það!
Þetta voru hefðbundin ljósmyndajólakort
sem margir senda um jólin, ég fékk Hans
Petersen í lið með mér og áttum við gott
samstarf í þennan stutta tíma. Það sem
mér fannst verst við þetta samstarf var
að ég sá aldrei vöruna fullunna og vissi
eiginlega ekki hvernig til tókst. Hans Pet-
ersen sá nefnilega um sendingu og dreif-
ingu vörunnar. Vegna þess hversu gríð-
arlega góðar viðtökurnar voru ákvað ég
að gera þetta aftur að ári, en með aðeins
öðruvísi fyrirkomulagi. Ég ætlaði sjálf að
sjá um prentunina, bjóða upp á fjölbreytt-
ari línu jólakorta og reyna að vera ódýrari
en aðrir sem væru á þessum markaði.
Ég geymdi peninginn sem kom inn
vegna jólakortanna og keypti mér prent-
ara, brotvél og pappírsskera fyrir hann
um vorið. Þetta var stór, dýr og afkasta-
mikill prentari sem ég ætlaði að nota
fyrir næstu jól. En það var langt í næstu
jól svo ég fór að þreifa mig áfram og prófa
græjurnar. Einn daginn datt mér í hug að
útbúa afmælisboðskort vegna þess að ég
sá bara örfáar tegundir af þeim úti í búð.
Ég sagði starfsfólki Vinnumálastofnunar
frá hugmyndinni og var það mjög áhuga-
samt og benti mér á styrk sem veittur er
frumkvöðlum á atvinnuleysisbótum. Ég
sótti um styrkinn, sendi prufur af kort-
unum og viti menn, ég fékk styrkinn.
Auðvitað var sniðugt að nota vefinn til
þess að koma kortunum á framfæri því
þetta smellpassaði þar inn.
Hvernig var umsóknarferlið?
Eins og í flestum tilvikum í dag var sótt
um á heimasiðu Vinnumálastofnunar.
Síðan var ég boðuð á fund með for-
manni Vinnumálastofnunar Vesturlands
Grtnjólakort
og sýndi ég honum sýnishorn. Þetta fór
í gegnum einhverja nefnd og mér var
svo tilkynnt um það bil tveimur vikum
seinna að ég hefði hlotið styrkinn.
Hvaða kröfur voru gerðar til þín
vegna styrksins? Þurftir þú að
skila inn einhvers konar skýrslu
eða sýna fram á að verkefni
hefðu verið unnin?
Kröfurnar voru einfaldar. Eins og á við
um fólk sem þiggur atvinnuleysisbætur
mátti ég ekki vinna neina aðra vinnu
samhliða þessu verkefni. Fyrst þurfti ég
að sýna hvers konar kort ég átti við. I
miðju ferlinu, eftir þrjá mánuði, þurfti ég
að fara á fund og sýna hvernig verkefninu
miðaði. Ég skilaði skýrslu um gang mála
og fékk að fara á fund hjá Nýsköpunar-
miðstöð Islands í tengslum við verkefnið.
Núna er ég að leggja lokahönd á um það
bil 60 mismunandi gerðir af kortum og
vinna að undirsíðu á vefnum sem verður
bara tengd prentþjónustu, slóðin verður
www.kort.mommur.is. Ég fékk sex mán-
uði til þess að þróa vöruna og koma henni
í söluhæft form.
Hver eru framtíðaráformin fyrir
síðuna?
Núna er verið að leita að samstarfs-
aðilum vegna þess að það er dýrt að
halda svona vef uppi. Það þarf að vinna
nýtt efni, taka myndir, vinna myndirnar
fyrir vefinn og halda þessu gangandi.
Auðvitað áformum við að auka þjónustu
vefsins til að fá meira áhorf, en þetta er
bara á teikniborðinu enn sem komið er.
Helsta markmið okkar er að gera síðuna
eins skemmtilega og auðvelda í notkun
og hægt er.
prentarii
www.fbm.is
B