Dagfari - 01.08.1966, Síða 2
AD BIFROST
IBORGARFIRDI 3.-4.SEPT.N.K
Svo sem menn minnast var efnt til siðasta lands-
fundar við Skjólbrekku við Mývatn haustið 1964.
Fundinn sóttu um 200 kjörnir fulltrúar hvaðanæva
af landinu og þótti hann takast með ágætum í alla
staði. Er þess að vænta að hernámsandstæðingar
um land allt leggist á eitt um að gera þann fund,
sem framkvæmdanefnd og miðnefnd samtakanna
boða nú til, enn þá glæsilegri. Húsnæði Samvinnu-
skólans að Bifröst býður upp á hin ákjósanlegustu
skilyrði til fundahalda og umhverfi staðarins er
hið fegursta.
Á þeim tveim árum sem liðin eru frá því sföasti
landsfimdur var haldinn hefur margt það gerzt á
vettvangi alþjóða- og innanlandsmála sem gefur
hernámsandstæðingum tilefni til að vega og meta
baráttustöðu sína og gera sér grein fyrir nýjum
viðhorfum heima og erlendis.
Fundurinn að Bifröst mun hefjast kl. 11 f.h.
laugardaginn 3. september. Verða þá kosnir
starfsmenn fundarins, lesin upp skýrsla fram-
kvæmdanefndar, reikningar lagðir fram og kosn-
ar nefndir. Að loknum hádegisverði, kl. 2, verða
fluttar framsöguræður um hina ýmsu þætti h'er-
stöðvastefnunnar og verkefni samtakanna næsta
starfstímabil. Áætlað er að fundarmenn skipti sér
siðan niður í hópa til þess að ræða nánar hina
einstöku málaflokka : þjóðernis- og fnenningarmál,
erlenda ásælni á sviði efnahagslíísins, herstöðv-
ar á íslandi í ljósi alþjóðamála og verkefni sam-
takanna. Verða þessir hópar jafnframt starfandi
nefndir um viðkomandi málaflokka. Framkvæmda-
nefnd væntir þess að þessi formbreyting á fund-
arhaldinu virki fundarmenn til almennari þátttöku
í umræðunum. Almennar umræður munu ekki hefj-
ast fyrr en á sunnudag, eftir að hinar útvíkkuðu
nefndir hafa skilað áliti. Fundinum mun svo ljúka
síðdegis á sunnudag.
Sérstök athygli skal vakin á því að á
la uga r da gs k vö ld i ð verður sameiginlegt
borðhald fulltrúa og að því loknu
verður flutt fjölbreytt dagskrá með
kvöldvökusniði.
Annars verður dagskrá landsfundarins send hér-
aðsnefndarmönnum og öðrum trúnaðarmönnum
samtakanna strax og frá henni hefur verið form-
lega gengið.
Seinni hluta ágústsmánaðar verður efnt til héraðs-
eða sýsluráðstefna á allmörgum stöðum úti á
landi til undirbúnings landsfundinum. Eru stuðn-
ingsmenn samtakanna eindregið hvattir til að sækja
þær, en þær verða nánar auglýstar síðar.
í lögum samtakanna segir, að héraðsnefndir hafi
" rétt til að senda einn fulltrúa með öllum réttind-
um fyrir hvern hrepp á starfssvæði sinu. Héraðs-
nefndir í kaupstöðum og þeim hreppum, sem hafa
fleiri en 1000 íbúa, hafa rétt til að senda einn
fulltrúa fyrir hverja þúsund íbúa og brot úr þús-
undi ",
F r a m k væ m da n e f n d heitir á alla hér-
aðsnefndarmenn og aðra áhugasama
stuð ni ng s m e nn samtakanna að velja
fulltrúa úr sínum hópi til þess að
s itja væntanlegan landsfund og stuðla
þannig að þvi að efla samtök her-
námsandstæðinga.
í þessu sambandi er sérstök nauðsyn
á að s tuð n i n gs m e nn samtakanna úti
um land hafi samband við skrifstofuna
í Mjóstræti 3 í Reykjavík, annað-
hvort bréflega eða í sima 24701.
Látum landsfundinn að Bifröst marka
upphaf nýrrar sóknar gegn herstöðva-
stefnunni og fyrir friðlýstu íslandi.
NAPPDRjETTI HERNÁMSANDSTÆDINGA.
Samtök hernámsandstæðinga hafa ákveðið að efna
til happdrættis í ágústmánuði til að standa straum
af kostnaði við landsfundinn að Bifröst og starfsemi
sinni á næsta starfstímabili.
Happdrætti hefur allt frá stofnun samtakanna ver-
ið helzta fjáröflunarleið þeirra, með því að félags-
gjöld eru engin. Hafa þau tvívegis áður efnt til
happdrættis, árin 1961 og 1964.
Happdrætti það, sem nú er efnt til, verður með
svipuðu sniði og hin tvö fyrri. Vinningar eru aðal-
lega málverk eftir ýmsa ágætustu listmálara þjóð-
arinnar, auk húsgagna eftir eigin vali. Miðar
verða senn sendir stuðningsmönnum ; er þess að
vænta að þeir bregðist nú sem endranær vel við og
tryggi samtökunum traustan fjárhagsgrundvöll
næsta starfstímabil, minnugir þess að árangursrik
barátta verður ekki háð án fjármuna. - Hver miði
kostar 100.00 kr.
Stuðningsmenn eru áminntir vim að gera skil í
happdrættinu sem fyrst, þar sem dregið verður í
því hinn 5. október.