Tölvumál - 01.11.1982, Page 11

11
TÖLVUNEFND MINNIR A TILVERU SÍNA OG SKRÁNINGARLAGANNA
Tölvunefnd hefur að undanförnu birt auglýsingu í dagblöðuin,
þar sem vakin er athygli á ákvæði í lögum um kerfisbundna
skráningu á upplýsingum, er varða einkamálefni.
Samkvæmt lögunum, segir i auglýsingunni, er öllum þeim, sem
annast tölvuþjónustu fyrir aðra, óheimilt að varðveita eða
vinna úr upplýsingum um einkamálefni, sem falla undir tiltekin
sérákvæði laganna, nema að fengnu starfsleyfi Tölvunefndar.
Þeir, sem hafa með tölvuþjónustu í einhverri mynd að gera,
þurfa að kynna sér þessi ákvæói skráningarlaganna og hlutverk
Tölvunefndar i þvi sambandi.
PRÓFESSOR í TÖLVUNARFRÆÐI
í fjárlögum fyrir árið 1982 var gert ráð fyrir stofnun pró-
fessorembættis i tölvunarfræði við Háskóla Islands og 1. sept-
ember siðastliðinn var dr. Oddur Benediktsson skipaður fyrsti
prófessorinn i nefndum fræðum.
Stofnun embættis prófessors i tölvunarfræói hefur verið á
döfinni i nokkurn tima og hefur Skýrslutæknifélagið hvatt
til að úr yrði og bent á að stofnun sliks embættis væri ein
af mörgum forsendum þess að Islendingum takist að ná tökum
á tölvutækninni og þeim kostum, sem henni geta fylgt, ef vel
tekst til.
Dr. Odd Benediktsson, prófessor, þarf vart að kynna félags-
mönnum. Oddur hefur lengi tekið virkan þátt i störfum Skýrslu-
tæknifélagsins. Hann sat i stjórn félagsins 1975-1979 og
var formaður 1977-1979.
Jón Þór Þórhallsson.