Læknablaðið - 15.08.1980, Blaðsíða 10
174
LÆKNABLADIÐ
LÆKNAFÉLAG ÍSLANDS
CODEX ETHICUS
Sidareglur lækna
samþykktar á aðalfundi 1978
Samkvæmt lögum Læknafélags íslands eru Alþjóðasiðareglur lækna lagðar til
grundvallar þeim Codex Ethicus, sem það setur meðlimum sínum.
Með þessum Codex staðfesta læknar:
1. Að hlutverk þeirra er verndun heilbrigði og barátta gegn sjúkdómum.
2. Að starfi þeirra fylgir ábyrgð gagnvart einstaklingum og samfélagi og að þeir geta
því aðeins vænzt trausts, að þeir geri sér far um að uþpfylla þær siðferðilegu kröfur,
sem þekking, tækni og félagslegt hlutverk leggja þeim á herðar á hverjum tíma.
Codex Ethicus er ætlaður læknum til leiðbeiningar og stuðnings í daglegu starfi.
CODEX ETHICUS
I. Almenn ákvæði
1. Hlutverk Iæknis er að stuðla að heilbrigði
einstaklinga og samfélags. Hann skal rækja
starf sitt án manngreinarálits, af vand-
virkni og samvizkusemi. Hann skal leitast
við að hjálpa heilbrigðum til að varðveita
heilsu sína og sjúkum til að öðlast hana að
nýju.
2. Læknir skal leitast við að byggja starf sitt
á rannsóknum, ráðleggingum og aðgerð-
um, sem byggja á fræðilegum niðurstöðum
eða viðurkenndri reynslu.
Læknir skal gæta ýtrustu varkárni við
ávísun lyfja, einkum þeirra, sem geta orðið
sjúklingum ávanalyf. Hann skal við ákvarð-
anir taka tillit til fjárhags sjúklings og
samfélags. Hann skal varast erfiðar rann-
sóknir eða aðgerðir, ef ætla má, að þær
veiki andlegan og líkamlegan þrótt sjúk-
lingsins meira en nemur því gagni, sem
hann hefur af þeim.
3. Lækni ber að viðhalda þekkingu sinni og
endurnýja hana. Hann skal reyna að full-
nægja þeim staðalkröfum, sem starfsgrein
hans lýtur á hverjum tíma. Læknir skal líta
á fræðslustarf sem ljúfa og sjálfsagða
skyldu og kosta kapps um að miðla
þekkingu sinni sem víðast til lækna og
læknanema, annarra heilbrigðisstétta og
til alls almennings.
4. Það er meginregla, að lækni er frjálst að
hlýða samvizku sinni og sannfæringu.
Hann getur, ef lög og úrskurðir bjóða ekki
annað, synjað að framkvæma læknisverk,
sem hann treystir sér ekki til að gera eða
bera ábyrgð á eða hann telur ástæðulaust
eða óþarft.
5. Lækni er ósæmandi að takast á hendur
nokkra sýslu, er skerði sjálfstæði hans sem
læknis.
Framkvæmi hann læknisverk undir áhrif-
um lyfja eða annarra efna, sem slæva
dómgreind hans og athygli, telst hann
sekur um misferli.
6. Læknir skal kynna sér ákvæði laga stéttar-
félags um störf hans og þar á meðal þær
alþjóðlegu yfirlýsingar og samþykktir, sem
Læknafélag íslands hefur samþykkt eða
gerzt aðili að. Upplýsingar samkvæmt
grein þessari skulu jafnan vera fyrir hendi
á skrifstofu L.í.
7. Geri læknir tilraunir með ný lyf, rannsókn-
ir, aðgerðir eða önnur læknisstörf skal
hann jafnan hafa velferð einstakra sjúk-
linga í huga. Hann skal taka tillit til
ákvæða Helsinkiyfirlýsingarinnar í þessu
efni.
8. Lækni er skylt að veita sjúklingi nauðsyn-
lega læknishálp í viðlögum, nema hann
hafi fullvissað sig um, að hún verði þegar
veitt af öðrum.