Kópavogur - 12.04.2013, Side 2

2 12. apríl 2013
Belladonna á Facebook
Skeifunni 8 • 108 Reykjavík • Sími: 517 6460 • www.belladonna.is
Við eigum allt
frá undirkjólum
til yfirhafna
Stærðir 40-58
Vertu þú sjálf- vertu
BELLA DONNA
Borgarafundur í beinni
Borgarafundur með frambjóð-endum til Alþingiskosninga í suðvesturkjördæmi verður á rás
2 , mánudaginn 22. apríl.
Fundurinn verður einnig sendur út
í mynd á vef ríkisútvarpsins ruv.is. og
er hefst hann klukkan 19:30.
Starfshópur um
bókasafn skipaður
Starfshópur um framtíðarskipan Bókasafns Kópavogs hefur verið
skipaður.Honum er ætlað að skoða
,, hvort ástæða sé til þess að breyta
áherslum safnsins og staðsetningu
útibús í ljósi mikilla umskipta sem
orðið hafa á upplýsingamiðlun með
tilkomu síbreytilegrar upplýsinga-
tækni, stækkunar bæjarins og hvort
æskilegt sé að safnið veiti bæjar-
búum fjölbreyttari þjónustu en nú
er” eins og segir í fundargerð.
Starfshópinn skipa:
Páll Magnússon formaður
Guðrún Pálsdóttir
Steingrímur Hauksson
Hrafn Andrés Harðarson
Arna Schram
Þörf á aukum
mannafla í þjón-
ustudeild aldraðra
Félagsmálaráð Kópavogs lýsir yfir áhyggjum sínum af biðlistum eftir
dag- og kvöldþjónustu í þjónustu-
deild aldraðra sem rekin er í samstarfi
við Heilsugæsluna. Ráðið telur mik-
ilvægt að starfsmönnum þar fjölgað
verði um eitt viðbótarstöðugildi.
Fulltrúar í félagsmálaráði bók-
uðu á fundi á dögunum að við gerð
næstu fjárhaghagsáætlunar þurfi að
hafa í huga fjölgun í hópi aldraðra og
bregðast við með auknum mannafla
í þjónustunni.
Kópavogsdagar haldnir í tíunda sinn:
Ber uppá 58 ára afmæli bæjarins
-skráning viðburða hefst í næstu viku
Kópavogsdagar, menningarhá-tíð Kópavogs, verða haldnir 4. til 11. maí. Þetta er í tíunda
sinn sem hátíðin er haldin. Allir þeir
sem vettlingi geta valdið eru hvattir til
að vera með viðburð á menningarhá-
tíðinni. Miðpunktur hátíðarinnar
verður sem fyrr á menningartorfunni.
Karen Elísabet Halldórsdóttir er
formaður lista- og menningarráðs og
var spurð nánar útí viðburðinn. Fyrst
var hún innt eftir mikilvægi hátíðar
sem þessarar:
,,Kópavogsdagar er árleg menn-
ingarhátíð Kópavogs og er haldin
núna í 10. sinn og verða ýmsir við-
burðir 4.- 11. maí sem tengjast því
afmælisdegi Kópavogs sem er 11. maí
og verður bærinn 58 ára í ár. Mark-
mið hátíðarinnar er meðal annars að
gefa bæjarbúum kost á því að kynnast
og sjá afrakstur menningarstarfsins í
Kópavogi. Bærinn heldur úti kraft-
miklum menningarstofnunum, og
söfnum, svo sem Gerðarsafni, Salnum,
Náttúrufræðistofu Kópavogs, Tónlist-
arsafni Íslands og Bókasafni Kópa-
vogs.
Allar þessar stofnanir eru á sama
reitnum á Borgarholtinu og á Kópa-
vogsdögunum verða þær allar með
uppákomur sem gefa bæjarbúum
nasaþef af því mikla starfi sem þar
fer fram allan ársins hring. Ég veit
reyndar að bæjarbúar hafa verið dug-
legir við að sækja söfnin heim og njóta
þess sem þau hafa upp á að bjóða en
stundum verðum við líka að halda eins
konar uppskeruhátíð.” segir Karen.
,,Börn hafa gaman af
menningarviðburðum”
-Verður hátíðin með svipuðu móti
og í fyrra eða verður bryddað uppá
nýjungum?
,,Við ætlum að halda áfram með
Ormadaga þetta árið sem lukkaðist
afar vel í fyrra. Tilgangur Ormadaga
er að vekja áhuga barna og ungmenna á
listum sem og að kynna fyrir þeim þær
stofnanir sem bærinn rekur á Torfunni.
Við sem foreldrar erum stundum rög
við að taka krakkana okkar á lista- og
viðburðasýningar þar sem að við gefum
okkur að þeim leiðist og einhverra
hluta vegna kunni þau ekki ,,haga sér”
inn á menningarstofnunum. Fyrir vikið
förum við sjálf jafnvel sjaldnar á lista-
og menningarviðburði.
Ég tel að þetta sé mikill misskiln-
ingur því að börn hafa afskaplega
gaman af menningarviðburðum og
okkar reynsla er að þeim virkilega líður
vel inná slíkum viðburðum, við þurfum
bara að venja þau við þá. Í fyrra
komu hundruð barna á Ormadaga
þar sem þau hlustuðu heilluð á tónlist
í Salnum og í Tónlistasafni Íslands,
tóku þátt í listasmiðjum og kynntust
Náttúrufræðistofu og Bókasafninu á
annan veg en áður.
Ljóðlist í strætó og
sundlaugum
-En hver er reynsla menningarráðs
af síðustu hátíðum? Hvernig hefur
aðsóknin verið?
,,Reynsla okkar af undangengnum
hátíðum virkilega góð. Þessi hátíð sem
og aðrir hlutir í okkar góða samfélagi
hefur þurft að taka tillit til minnkandi
fjármagns. Hins vegar hefur skertari
fjárhagur kennt okkur að gera hlutina
á annan máta og í raun alls ekki síðri.
Við höfum einvalafólk í hverju horni
sem leggur sig ár hvert fram um að
gera hátíðina sem mesta og besta.
Aðsóknin á Kópavogsdaga í fyrra var
til fyrirmyndar og við sjáum á hverju
ári auknar aðsóknartölur sem og fjöl-
breytni verkefna sem taka þátt.
Margir vellukkaðir atburðir voru á
síðasta ári en af þeim sem bærinn stóð
sérstaklega að var til dæmis þegar við
settum verðlaunaljóð sigurvegaranna í
grunnskólakeppninni um Ljóðstaf Jóns
úr Vör á flot í sundlaugum Kópavogs
sem og í tiltekna strætisvagna. Þetta ýtti
ennfrekar undir áhuga á ljóðalistinni
og þeirri einstæðu keppni sem Ljóð-
stafurinn er, sem og vakti aðferðin
mikla athygli.”
-Verður umfangið svipað og í fyrra?
,,Kópavogsdagar eru síbreytilegir
og því til marks eru þeir enn í mótun.
Við erum núna að safna viðburðum á
síðuna okkar og því á enn margt eftir
að koma í ljós. En já umfangið er svipað
og í fyrra” segir Karen að lokum.
25 styrkir afhentir til menningarmála
-fjölbreytt verkefni styrkt
Kópavogsbær veitti nýverið 25 einstaklingum, hópum og sam-tökum styrki úr lista- og menn-
ingarsjóði fyrir samtals tæplega tíu
milljónir króna. Ármann Kr. Ólafsson
bæjarstjóri og Karen E. Halldórsdóttir,
formaður lista- og menningarráðs, af-
hentu styrkina við hátíðlega athöfn í
Gerðarsafni, listasafni Kópavogs.
Hæsti styrkurinn nemur 1,5 millj-
ónum króna og rennur hann til Björns
Thoroddsen tónlistarmanns sem haldið
hefur árlega Jazz- og blúshátíð í Salnum
í Kópavogi. Tónlistarhátíð unga fólks-
ins, sem haldin hefur verið í Kópavogi
undanfarin sumur, fékk veglegan styrk
sem og Töfrahurðin, sem er tónlistar-
fræðsla fyrir leik- og grunnskólabörn
í Kópavogi.
Af öðrum verkefnum má nefna
danssmiðju fyrir börn og unglinga,
hádegistónleika í Salnum, skrásetningu
örnefna og kennimerkja í Kópavogi,
ritun sögu hernámsáranna í Kópavogi,
uppsetningu leiksýningar um fjölskyldu
í Kópavogi, gerð kvikmyndar og tón-
leikana "Mozart við kertaljós" í Kópa-
vogskirkju.
Að auki fá einstakir listhópar rekstr-
arstyrki.Þar á meðal eru Kvennakór
Kópavogs og Karlakór Kópavogs,
Myndlistarfélag Kópavogs, Sögufélag
Kópavogs og Ritlistarhóp Kópavogs.
Stutt og laggott
Frá afhendingu menningarverðlauna Kópavogs
Auglýsingasíminn er 578 1190
Netfang: auglysingar@fotspor.is.