Kópavogur - 12.04.2013, Side 10

10 12. apríl 2013
Dalvegi 4 - 201 Kópavogur
Hamraborg 14 - 200 Kópavogur
Sími: 564 4700
Opnunartími Dalvegi:
Mánudaga til föstudaga frá 6:00 til 18:00
laugardaga frá 6:00 til 17:00
sunnudaga frá 7:00 til 17:00
Hugsaðu um heilsuna
og veldu heilkorn
Hjartabrauð
Þitt hjartans mál...í hvert mál...
Ögmundur Jónasson, Vinstri-grænum
Ekki varð samstaða um að taka vísitöluna úr sambandi í upphafi
hruns eins og hugmyndir komu fram
um úr okkar ranni, né um almenna
niðurfærslu skulda. Var þá horfið til
þess ráðs að stórefla vaxtabótakerfið.
Á árunum 2011 til og með 2013 námu
vaxtabætur samtals rúmlega 44 millj-
örðum króna. Um þennan stuðning
hefur munað þótt það vilji gleymast í
umræðunni. Á árunum 2011 og 2012
var að jafnaði um 30% vaxtakostnaðar-
ins endurgreiddur úr ríkissjóði en allt
upp í 45% hjá tekjulægstu heimilunum.
VG hefur teflt fram þeirri hugmynd
að vaxtabætur verði greiddar í byrjun
árs með hliðsjón af höfuðstóli lána,
óháð því hvort viðkomandi hafi verið
fær um að greiða afborganir og þar
með vexti og þótt lán væru í frystingu.
Vaxtabætur geti þannig nýst til að
lækka höfuðstól.
Þá höfum við unnið að samkomu-
lagi við lífeyrissjóðina vegna lánsveða.
Vonir standa til að okkur sé að takast
að ná samkomulagi um niðurfærslu á
lánsveðum. Það er réttlætismál.
Allir verða að sitja við sama borð.
Hvað varðar 110% leiðina og leið-
réttingar vegna gengistryggðra lána,
þá er einn hópur sem enn stendur út
af og það eru viðskiptavinir fyrrum
Spron og Frjálsa fjárfestingarbankans.
Þeir voru settir undir regnhlíf þrotabúa
þessara banka, nú Dróma. Við vinnum
að því að greiða götu þessa fólks sem
engan veginn hefur fengið sanngjarna
úrlausn sinna mála.
Fjármálastofnanir litu á milljarða-
tugina sem fóru í niðurfærslu sam-
kvæmt 110% aðferðafræðinni sem
þegar orðið tap. Því miður eru margir
enn í vanda. Ljóst er að koma verður til
móts við það fólk á komandi tíð af rétt-
lætisástæðum en einnig af fjárhagslegri
nauðsyn.
Guðmundur Steingrímsson, Bjartri framtíð:
Við teljum það forgangsatriði að bæta lífskjör. Til þess þarf
fjölbreytt atvinnulíf sem borgar góð
laun, stöðugleika sem lækkar vexti
á lánum, lægra vöruverð með inn-
göngu í ESB og opnara samkeppn-
isumhverfi, betri leigumarkað, svo
fátt eitt sé nefnt.
Mörg heimili eiga í greiðsluvanda
vegna þess að lán eru of dýr á Íslandi.
Það er forgangsatriði að gera lánin
ódýrari, að komast út úr verðbólgu-
umhverfinu. Fram að því er hægt
að gera ýmislegt til að hjálpa fólki í
greiðsluvanda, s.s. greiða vaxtabætur,
hugsanlega setja þak á verðtryggingu,
leyfa inngreiðslum lífeyrissparnaðar
að renna að hluta til greiðslu höfuð-
stóls, beina fólki til Umboðsmanns
skuldara og í þau afskriftaúrræði sem
þar bjóðast, afnema stimipilgjöld svo
fólk geti skuldbreytt í hagstæðari lán
þegar þau bjóðast. Við erum opin fyrir
hugmyndum í þessum efnum og lítum
að sjálfsögðu á það sem forgangsmál
að koma fólki úr vandræðum.
Margrét Tryggvadóttir, Dögun
Að mati Dögunar er það algjört forgangsmál að leiðrétta skuldir
heimilanna. Sýnt hefur verið fram á
að margar leiðir eru færar til þess og
gerum við ekki upp á milli þeirra.
Ein er leið sem Hreyfingin lagði til á
sínum tíma þar sem hækkun á skuldum
heimila umfram verðbólgumarkmið
Seðlabankans eru teknar af skuldunum
og settar til hliðar í sérstakan skulda-
afskriftasjóð sem greiddur er upp á 20
árum.
Önnur leið er svokölluð skipt-
igengisleið sem felur í sér myntskipti
með upptöku annars gjaldmiðils
(erlends eða nýrrar krónu) þar sem
miklum eignum og skuldum er skipt
á mismunandi gengi. Slík aðgerð var
framkvæmd í Þýskalandi eftir seinni
heimstyrjöld og er grunnur þess sem
síðar var nefnt þýska efnahagsundrið.
Þá er einnig mögulegt fyrir ríkið að ná
þessu fé inn, ýmist með afslætti þegar
kemur að afléttingu "snjóhengjunnar"
eða skattheimtu á ógnarhagnað fjár-
málafyrirtækja en bankarnir þrír hafa
hagnast um yfir 200 milljarða frá hruni.
Allir sem skulda verðtryggð lán (sem
og gengislán hjá Íslandsbanka en þau
hafa ekki verið dæmd ólögleg) urðu
fyrir forsendubresti og hann ber að leið-
rétta, óháð því hvenær lán voru tekin
eða hvaða hópi skuldarinn tilheyrir. Til
að ráðast í þessar aðgerðir þarf kjark og
hann hefur Dögun.
Hákon Einar Júlíusson, Pírötum:
Langmikilvægasta verkefnið gagn-vart skuldavanda heimilanna er að
byggja hér upp peningakerfi sem virkar
með íslenskri krónu og íslenskum
markaði til frambúðar. Ég hef miklar
áhyggjur af því að ofuráherslan á
skyndilausnir í þessari kosningabaráttu
verði til þess að enn og aftur yfirsjáist
yfirvöldum að breyta peningakerf-
inu á þann hátt að það þurfi ekki að
hrynja til grunna með reglulegu milli-
bili. Píratar vilja aðstoða fólk í að leita
réttar síns samkvæmt lögum gagnvart
bönkunum og jafnvel má hjálpa fólki
að skuldbreyta yfir í óverðtryggð lán
í þeim tilfellum sem það er á annað
borð mögulegt, en það sem er miklu
mikilvægara, og virðist vera að gleym-
ast í þessari kosningabaráttu, er að við
þurfum langtímalausnir.
Enginn flokkur utan Pírata virðist
skilja að ekkert breyttist í grundvallar-
atriðum við peningakerfi Íslands eftir
hrun. Við viljum endurskoða gjörvallt
peningakerfið með það að markmiði
að hrun verði ekki og að verðtrygging
verði óþörf. Þá koma sérstaklega inn
hugmyndir um hliðargjaldmiðla.
Alþingiskosningar 2013
X2013
Fyrsta spurningin til flokkanna er:
Er það forgangsmál í þínum flokki að taka á skulda-
vanda heimilanna? Ef svo er, hvaða leið ætlið þið að
fara að því marki og hverjir eiga að njóta aðgerðanna?