Reykjanes - 07.02.2013, Síða 10

7. febrúar 201310
Baráttumál mitt:
Bæta fjáRhag heiMilanna og efla atVinnUlífið
Vilhjálmur Árnason úr Grinda-vík hlaut mjög góða kosningu í prófkjöri Sjálfstæðismanna
. Hann náði 4. sæti og er örugglega á
leiðinni að verða þingmaður eftir kosn-
ingarnar í apríl.
Reykjanes leitaði til Vilhjálms og
spurði hann hvert verði hans fyrsta
baráttumál til að koma í gegn á Alþingi.
Það er augljóst: Að bæta fjárhag
heimilanna með eflingu atvinnulífsins.
Það er stóra verkefnið sem bíður
verðandi alþingismanna. Ég hef kynnst
stöðu heimilanna af eigin raun og sem
lögreglumaður. Sjálfur þekki ég mikið
af fólki sem berst í bökkum. Þá voru
skilaboðin skýr til okkar frambjóðenda
í nýafstöðnu prófkjöri. Það er ljóst að
núverandi ríkisstjórn er ekki á réttri leið,
sé litið til vilja kjósenda. Stjórnarskráin
kom til að mynda aldrei til tals. Þá virtist
fólk áhugalítið um aðild Íslands að ESB.
Enn fremur töldu fáir það forgangsmál
að breyta núverandi fiskveiðistjórnunar-
kerfi. En flestir þeirra sjálfstæðismanna
sem urðu á vegi mínum um kjördæmið
vildu ræða um atvinnumálin og skulda-
stöðu heimilanna.
Því hlýtur það að teljast nokkuð
augljóst að verkefnið snýst um að auka
svigrúm og val fólksins í landinu. Sú
stefna er einmitt partur af hinu svo-
kallað einstaklingsfrelsi sem er ein af
grunnstefnum Sjálfstæðisflokksins. Til
þess að þetta sé framkvæmanlegt verða
fjölskyldurnar að búa við fjárhagslegt
svigrúm og losna undan því skuldafang-
elsi sem mjög margir, sérstaklega fólk
úti á landi, býr við. En þá er spurningin
hvernig við förum að því?
Ég tel okkur Sjálfstæðismenn búa yfir
þeirri þekkingu sem til þarf. Grund-
völlurinn að bættum hag felst í aukn-
ingu ráðstöfunartekna heimilanna
og ríkissjóðs. Það mun ekki ganga ef
stjórnvöld halda áfram að leggja stein
í götu atvinnulífsins líkt og hefur við-
gengist hér sl. fjögur ár. Því hlýtur það
að vera borðleggjandi að hér þarf að efla
atvinnulífið með hugmyndaauðgi að
leiðarljósi. Enn fremur þarf að nýta þau
fjölmörgu atvinnutækifæri sem hér eru
til staðar, ég gæti t. d. nefnt ferðaþjón-
ustuna og fullnýtingu sjávarafurða sem
dæmi. Þá verðum við einnig að leggja
þunga áherslu á álverið í Helguvík. Við
verðum að standa með atvinnulífinu
og skapa því lífvænlegar aðstæður með
lægri álögum og frelsi til athafna. Ef
stjórnmálamenn sammælast um þessa
stefnu mun atvinnulífið taka kipp. Þá
fyrst verður raunhæft að minnka vægi
verðtryggingar, tryggja stöðugleika,
afnema gjaldeyrishöftin og lækka skatta.
Öflugt atvinnulíf mun afla heimilun-
um auknum ráðstöfunartekjum sem er
forsendan að bættum hag heimilanna
og velsæld allra landsmanna.
Ljóst er að hér þarf að fara í raunveru-
legar aðgerðir sem gerir fólki kleift að
búa áfram í híbýlum sínum. Tryggja þarf
sanngjarna lausn í skuldamálum heim-
ilanna og auka fjárhagslegt sjálfstæði
sem og öryggi fjölskyldna í landinu. Það
eitt og sér mun blása fólki von í brjóst
til framtíðar.
Þótt verðtryggingin sé til vansa mun
afnám hennar eitt og sér ekki leysa allan
vandann sem fylgir fjárhagi heimilanna.
Raunar tel ég, að verið sé að slá ryki í
augu fólks með því að fullyrða að svo sé.
Menn verða að líta á þetta mál í víðara
samhengi. Það eina sem verðtrygging
gerir er að hækka lánin til framtíðar,
en það gerist þegar verðbætur leggjast
ofan á höfuðstól verðtryggðra lána. Til
að mynda, ef farið væri í þá aðgerð að
þurrka út verðtrygginguna með einu
pennastriki sæti fólk í sömu súpunni.
Af hverju? Jú, húsnæðislán eru orðin
mjög há í dag og þau myndu ekki lækka
við slíkt afnám. Það myndi þýða að al-
menningur yrði enn að glíma við háa
greiðslubyrði og of lágar tekjur. Liggur
það því ljóst fyrir að meira þarf að koma
til, því slíkt afnám verðtryggingar mun
hvorki lækka lánin, né auka tekjur fólks.
Hér þarf því að skapa réttar aðstæður
sem gera stjórnmálamönnum kleift að
afnema verðtryggingu, auka tekjur fólks
og leiðrétta lán.
Þá eru fjölmörg brýn mál sem bíða
einnig lausnar og hafa þau flest áhrif á
hag fjölskyldunnar. Grunnþjónustuna
verðum við að efla til muna og ekki má
gleyma hópum sem oft vilja gleymast
líkt og öldruðum og öryrkjum sem hafa
mátt þola miklar skerðingar.
ákVeðin steMning yfiR VeiðUM Bátanna
Janúar mánuðu er búinn að vera ansi rysjóttur. Hann byrjaði með blíðu sem varði vel í miðjan mánuð.
Síðan komu nokkrir brælukaflar og að
lokum þá gerði gott veður til róðra síð-
ustu daganna í mánuðinum. Gríðarleg-
ur fjöldi báta hefur verið þá á sjó útaf
Sandgerði og þegar allt er talið saman
þá eru þetta hátt í 50 bátar sem hafa
verið á sjó þegar best gaf frá Sandgerði.
Ekki er nú hægt að segja að mokafli
hafi verið hjá bátunum en veiði hefur
rysjótt og flestir bátanna hafa náð góð-
um róðrum. Hjá Smábátunum þá er Óli
á Stað GK með 83 tn í 18, mest rúm 7
tonn. Gísli Súrsson GK er með 81 tn í
14 og náði fullfermi í lok janúar þegar
að báturinn landaði tæpum 11 tonnum.
Þórkatla GK er með 71 tn í 13, Auður
Vésteins SU 75 tní 15, mest tæp 8 tonn.
Dóri GK 70 tn í 15, mest rúm 7 tonn.
Daðey GK 71 t ní 12 og þar af 18 tonn
í tveim síðustu róðrum sínum í janúar.
Bergur Vigfús GK 62 tn í 14, Dúddi
Gísla GK 55 tní 11, Von GK 67 tn í 12
og báturinn kom með fullfermi í lok
janúar eða rúm 11 tonn, allt eru þetta
beitningavélabátar. Hjá balabátnum þá
er Muggur KE með 52 tn í 11 og mest
8 tonn í róðri. Sæborg SU 49 tn í 14.
Hópsnes GK 44 tn í 13 og mest tæp 9
tonn í róðri. Sædís Bára GK en þetta
er fyrsta línuvertíð bátsins sem kom
nýr til eigenda sinna í fyrra. Báturinn
er með 46 tn í 14 róðrum og mest tæp
7 tonn í róðri. Pálína Ágústdóttir GK
44 tní 16, Steini GK 36 tní 11.
Af minni smábátunum þá má nefna
að Addi Afi GK er með tæp 40 tn
í 11 róðrum. Birta Dís GK 14 tn í 4,
Diddi KE 13 tn í 5. Ekki eru margir
handfærabátar á veiðum í janúar en í
Sandgerði er Lilja BA og hún hefur róið
langmest allra handfærabáta á landinu
eða 14 róðra og landað 8,3 tonnum.
Afli dragnótabátanna var mjög
slakur framan af janúar en var orðin
ágætur undir lokin. Benni Sæm GK
var með 111 tonn í 22 róðrum, mest
tæp 14 tonn. Örn KE er með 99 tn í
21. Sigurfari GK 108 tn í 21 og mest
tæp 15 tonn í róðri. Arnþór GK 61 tní
18. Siggi Bjarna GK 99 tn í 22 og mest
tæp 14 tonn í róðri. Aðalbjörg RE sem
landaði í Sandgerði var með 52 tn í 14
róðrum og Njáll RE 41 tn í 18.
Það eru ekki margir bátar frá
Suðurnesjum sem stunda netaveiðar en
þeir bátar sem stunda þær eru flest allir
litlir bátar. Tveir stærstu netabátarnir
hérna eru Erling KE og Grímsnes BA (
gamli Happasæll KE ). Erling KE hefur
gengið ansi vel og með aflahæstu neta-
bátum á landinu. Var báturinn með 267
tonn í 25 róðrum, mest tæp 26 tonn í
róðri. Grímsnes BA var með 108 tn í
18 mest rúm 14 tonn. Aðrir netabátar
voru Happasæll KE sem var með 71 tn
í 17. Sægrímur GK 58 tn í 10, Maron
HU 54 tní 19. Askur GK er einn örfárra
netabáta sem eru í Grindavík og var
með 53 tn í 15 róðrum, Hraunsvík GK
var með 25 tn í 13 róðrum. Sunna Líf
KE sem var eini netabáturinn sem réri
frá Sandgerði allan mánuðin var með
36 tn í 15 róðrum og kom mest með
rúm 7 tonn að landi.
Vetrarvertíðin hófst formlega núna
í janúar og þrátt fyrir að hún skipi ekki
jafn mikin sess og gerði á árum áður
þá er nú samt ákveðin stemming yfir
veiðum bátanna og ekki laust við að
smá keppninsskap sé hjá mörgum sjó-
manninum. En hvernig var þetta t. d í
janúar árið 1980. Ég tók saman fjölda
línu og netabáta sem réru frá höfn-
unum þremur og allt eru þetta bátar
sem eru stærri en 10 BT. Í Grindavík
þá voru 16 netabátar og 9 línubátar. Í
Sandgerði þá voru 9 netabátar og 26
línubátar og í Keflavík voru 9 netabátar
og 11 línubátar.
Fyrst ég er komin aftur í tímann
þá koma hérna nokkrar aflatölur. Í
Grindavík þá var t. d Hafberg GK með
84 tn í 11 róðrum. Höfrungur II GK 100
tn í 13 róðrum. Jóhannes Gunnar GK
89 tn í 9 róðrum. Vörður ÞH 152 tonn
í 11. Hópsnes GK 145 tn í 13. Allir á
netum. Oddgeir ÞH var með 60 tn í 16
róðrum. Máni GK 52 tn í 12. Þorbjörn
GK 39 tn í 9. Vörðunes GK 57 tn í 13.
Allir á línu.
Í Sandgerði var Víðir II GK með 37
tn í 6 róðrum. Hólmsteinn GK 48 tn
í 16. Arney KE 103 tonn í 12. Þorkell
Árnasson GK 39 tn í 14. Allir á netum.
Freydís ÓF 63 tonn í 13, Freyja GK 364
136 tonn í 21 róðrum. Bergþór GK 114
tonn í 21 róðrum. Sæborg KE 64 tn í
15. Hvalsnes KE 64 tn í 17. Bára VE 41
tn í 12. Sóley KE 47 tonn í 15. Fram KE
45 tn í 16. Allir á línu.
Í Keflavík var Vatnsnes KE með 58
tn í 14 róðrum, Binni í Gröf KE 68 tn
í 14 róðrum. Happasæll KE 46 tn í 13.
Sigurbjörg KE 54 tn í 13. Skagaröst KE
47 tn í 12. Allir á línu Svanur KE 47
tn í 17. Pétur Ingi KE 92 tn í 11. Allir
á netum.
Eins og sést þá er gríðarleg breyting
á bátum héðan og helst eru fleiri smá-
bátar, en þrátt fyrir þessa breytingu þá
án efa eru bátarnir núna árið 2013 að
veiðum á sömu miðum og þarna í janú-
ar árið 1980. Og að lokum má geta þess
að þessi pistill er tileinkaður Þorbjörgu
sem er dyggur lesandi pistlanna og ein
öflugasta beitningakona landsins og
þótt veiðar væri leitað.
Gísli R.
Aflafréttir