Reykjanes - 21.02.2013, Blaðsíða 6

6 21. febrúar 2013
ný tækifæri
á reykjaneSi!
Frá 2009 hefur almennt verið lítið um verkefni fyrir byggingar-iðnaðinn á Reykjanesi sem og
annar staðar.
Nú er hins vegar að skýrast myndin
og eru öll teikn á lofti að markaðurinn
sé að taka aðeins við sér hvað lítil og
meðalstór verkefni varðar.
Síðastliðna mánuði hafa verið birt
fleiri útboð en oft áður og tilkynningum
um framkvæmdir er að fjölga stöðugt
frá ýmsum aðilum bæði opinberum sem
einkaðilum.
Þetta er afar jákvætt og um leið skap-
ast fjölmörg tækifæri samfara auknum
verkefnum.
Flugstöðin og tengd fyrirtæki á flug-
stöðvarsvæðinu við flugstöð Leifs Ei-
ríkssonar er okkar álver hér á svæðinu
og hefur birt framkvæmdalista yfir ver-
kefni sem þeir ætla í á næstunni. Land-
helgisgæslan er að bjóða út stórt verk
í raflagnabreytingum í mannvirkjum
hjá sér auk þess er töluvert um fram-
kvæmdir á Ásbrú og er þar stöðugt að
fjölga fyrirtækjum.
Framkvæmdir við íþróttarmannvirki
í Grindavík eru að fara í gang, hjúkr-
unarheimili í Reykjanesbæ er í gangi,
fiskverkunarhús er í byggingu í Sand-
gerði og margt fleira.
Þetta er allt jákvætt og mun skapa ný
tækifæri og ný störf sem ekki veitir af.
Þegar álverið í Helguvík fer af stað þá
er líklegt að kreppunni á Íslandi eins og
við þekkjum hana sé lokið. Einhvern
tíma tekur að ná spjótum okkar aftur
en það mun takast. Þessi fjárfesting er
það stór að hún hefur áhrif á allt landið
en ekki bara Reykjanesið þótt þar séu
mestu áhrifin.
Með þeirri aukningu sem tilkynnt er
í ferðamannaiðnaði og um leið aukinni
flugumferð þá ættu að skapast tækifæri
til að hefja byggingu nýs flugskýlis á
Keflavíkurflugvelli.
Áætlanir eru um að rífa flugsskýli 885
sem er stærsta flugskýlið á Keflavíkur-
flugvelli sem er barn síns tíma. Um leið
skapast tækifæri til að byggja nýtt. Þar
er tækifæri til að tengja það Reykjanes-
brautinni þannig að þarna gæti á svæð-
inu bæði verið flugsskýli fyrir viðhald
og vöruhótel. Þarna mætti halda að væri
góða staðsetning fyrir slíka starfssemi
og sennilega eitt besta flughlaðið.
Eitt er þó sem við þurfum að byrja að
snúa okkur einnig að hér á svæðinu. Það
eru verkefnin sem tengjast Norðurslóð-
um og þá nánar tiltekið siglingaleiðum
sem eru að opnast norður fyrir, olíuleit
á Drekasvæðinu og gullgröftur á Græn-
landi sem örfá dæmi um það umfang
sem er að fara í gang þarna á þessu svæði
fyrir norðan. Þeir á Akureyri og Húsavík
finna fyrir þessum auknu umsvifum
og eru að undirbúa sig af fullum krafti
fyrirþá framtíð sem skapast í tækifærum
vegna Norðurslóðaverkefna sem svo
eru oft nefnd.
Við erum hér með alþjóðaflugvöll
sem hefur tvær 10.000 feta flugbraut-
ir, stórt svæði, mannvirki sem gætu
hugsanlega nýst, svo erum við með
góða höfn í Helguvík og stórt svæði
sem væri hægt að nýta í þessi verkefni
sem geymslustað.
Ekki skal loka fyrir það að ef vel tekst
til á næstu árum að ná þarna í verkefni
þá þarf klárlega að byggja vöruhús og
ýmsa aðstöðu vegna þessara verkefna.
Hefja þarf þá undirbúningsvinnu sem
þarf til að sækja þessi verkefni fast og
ákveðið.
Í fjölmiðlum fyrir nokkru var getið
um að þeir sem eru að byrja olíuleit á
Drekasvæðinu ætla að koma sér fyrir á
Húsavík. Klárt er að þessir aðilar eru að
hugsa öll þessi atriði á viðskiptalegum
grunni og hafa tengt Vaðlaheiðargöngin
í þessa jöfnu sína þar sem þá styttist
tíminn til Akureyrar sem verður nýtt
til fullnustu þegar að kemur.
Þeir fyrir norðan eru búnir að vinna
í þessum verkefnum í nokkur ár enda
eru þeir nær þessum markaði. Hugsum
samt út fyrir boxið. Það er ólíklegt að
byggður verði upp samskonar flugvöllur
þar og er hér. Til að setja í samhengi
stærðina á umskipunarhöfn sem þyrfti,
þá þarf svæði jafnstórt og Reykjanesið
til samanburðar. Þannig að ljóst er að
við munum ekki vinna að slíku það
gera aðrir.
Hinsvegar getum við boðið fram alla
aðstöðu hér, og jafnvel gæti hér hentað
að vera með bækistöð fyrir þyrlur eins
og hefur komið fram hjá utanríkisráð-
herra.
En þetta kemur ekki og leggst á
borðið hjá okkur við þurfum að hafa
okkur eftir þessu.
Nú þurfum við að bretta upp ermarn-
ar og hefjast handa af fullum krafti.
Til upplýsinga er hér vefslóð mjög
athyglisverð fyrir áhugasama um norð-
urslóðir.
www. arcticportal. org
Samtök atvinnurekenda á Reykjanesi
munu beita sér í þessu máli og vinna
með öllum aðilum er vilja koma þessum
verkefnum farveg.
Guðmundur Pétursson
Formaður
mjög góð netaveiði
Mjög góð netaveiði er búinn að vera núna það sem af er febrúar og bátar hafa náð
að koma með ansi góða róðra. Flestir
bátanna hafa verið að veiðum utan við
garðskaga og útaf stafnesinu. Það kem-
ur kanski ekki á óvart að Erling KE sé
hæstur bátanna hérna á suðurnesjunum
því hann er eini stóri netabáturinn sem
gerður er út hérna. Er báturinn búinn
að landa 173 tonnum í 12 róðrum og
mest komið með 36 tonn að landi. Þórs-
nes SH frá Stykkishólmi hefur landað í
Sandgerði 93 tonnum í 3 róðrum, mest
53 tonn í róðri. Grímsnes BA er með 74
tonn í 11 og mest rúm 12 tonn. Maron
HU 58 tonn í 10 og mest tæp 16 tonn
í róðri. Happasæll KE 58 tonn í 9. Sæ-
grímur GK 41 tonn í 4 og mest 14,5
tonn í róðri. Sunna Líf KE 18 tonn í 8.
Birta SH sem hefur landað í Keflavík
og Sandgerði hefur landað 25 tonn í 9.
Í Grindavík eru þrír netabátur og
er Askur GK hæstur þar með 32 tonn
í 7 róðrum og mest 9 tonn í róðri.
Hraunsvík GK er með 27 tonn í 7 og
Gullfari HF 15 tonn í 8.
Togarnir hafa fiskað vel og hefur
Sóley Sigurjóns GK landað 238 tonn í
2 löndunum og mest 121 tonn eftir um
6 daga á veiðum. Berglín GK er með
192 tonn í 2 löndunum. Í Grindavík
eru gjögursbátarnir, Vörður EA er með
138 tonn í 2 löndunum og Áskell EA
73 tonn í 2.
Veður hefur verið ansi rysjótt til veiða
fyrir smábátanna enn þeir hafa fiskað
mjög vel þegar gefið hefur á sjó. Addi
Afi GK kom t. d drekkhlaðin til Sand-
gerðis með tæp 9 tonn og var það allt
þorskur. Stóru smábátarnir hafa verið
að flakka á milli Sandgerðis og Grinda-
víkur. Gísli Súrsson GK er með 53 tn í 8
og mest 9 tonn. Von GK 50 tonn í 6 og
hefur tvisvar komist í 11 tonn í einuim
róðri. Dúddi Gísla GK 45 tn í 8, Daðey
GK 45 tn í 9. Þórkatla GK 40 tn í 8. Óli
á Stað GK 36 tonn í 6. Dóri GK 29 tonn
í 6, Bergur Vigfús GK 30 tonn í 4.
Pálína Ágústdóttir GK 26 tonn í 6 og
er þetta síðasti aflinn sem Pálína landar
eftir veiðar á línu með bölum en setja
á í bátinn beitningavél sem fylgdi með
bátnum þegar hann var keyptur í nóv-
ember í fyrra. Muggur KE 36 tonn í 5 og
mest 9 tn. Hópsnes GK 37 tn í 9. Sæborg
SU 30 tn í 6. Örninn GK 32 tonn í 7.
Guðrún Petrína GK 24 tonn í 5, Steini
GK 22 tonn í 6 og mest komið með 7
tonn að landi og var þá lestin full og öll
kör á dekki. Sædís Bára GK 24 tonn í
7. Maggi Jóns KE 20 tonn í og mest 5,7
tonn sem fengust á 26 bala eða hátt í
220 kíló á bala.
Að sögn sjómannanna þá er fiskur
gríðarstór og algjörar beljur eins og
þeir segja sjálfir. Það hefur skapað smá
vandamál í vinnslu og t. d kom Sæborg
SU með 6,3 tonn á einunigs 24 bala eða
260 kíló á bala. Þar var mjög stór fiskur
og í næsta túr á eftir þá fóru þeir á Sæ-
borgu SU nokkuð langt út eða 15 til 18
mílur til þess að komastí smærri fisk.
Nokkrar landanir hafa verið hjá
frystitogurunum og var Gnúpur GK
með 268 tonn , hafði togarinn komið
til millilöndunar í janúar og var samtals
aflin úr túrnum sem var í 31 dag 664
tonn og aflaverðmætið 183 milljónir
króna. Hrafn Sveinbjarnarsson GK var
með 371 tonn eftir 2 vikna túr og var
ýsa og ufsi uppistaða aflans eða um 98
tonn af hvoru. Gísli R.
Aflafréttir
Auglýsingasíminn er 578 1190 - Netfang: auglysingar@fotspor.is.