Reykjanes - 16.05.2013, Page 8

8 16. maí 2013
Ásmundur Friðriksson þingmaður:
éG muN leGGja miG fram um
að ViNNa að HaGsmuNum
kjördæmisiNs af öllu afli
oG éG Gefst aldrei upp
Einn af nýju þingmönnunum á Alþingi er Ásmundur Friðriks-son, sem skipaði þriðja sæti á
lista Sjálfstæðisflokksins hér í kjör-
dæminu. Sjálfstæðisflokkurinn náði 4
þingmönnum hér í kjördæminu og eru
þrír þeirra af Suðurnesjum. Miðað við
fylgi flokksins á landsvísu er niðurstaða
kosninganna hér vel viðunandi.
Reykjanes ætlar að heyra aðeins í
nýjum þingmönnum héðan af svæðinu
og við byrjum á því að heyra hljóðið í
Ásmundi þingmanni.
-Heill og sæll Ásmundur og bestu ham-
ingjuóskir með þingsætið.
Hvernig líst þér á nýja vinnustaðinn og
öll formlegheitin sem fylgja starfinu?
Það er tilhlökkun að fá að takast
á við nýtt starf á þessum vettvangi.
Vinnustaðurinn er sá virðulegasti í
landinu og mikilvægt að við treystum
þá ímynd í verki. Umgjörðin, klæðnað-
ur þingmanna og fas er hluti af eflingu
virðingar í þinginu. Ég mun leggja til að
þingmenn klæðist jakkafötum, skyrtu
og bindi, það verði regla eins og var.
Formfesta, gamlir siðir og dyggðir eru
mikilvægustu atriðin sem við eigum að
halda í. Þá er ekki nóg að þingið bæti
ráð sitt, þjóðin verður að taka þátt í
endurreisn góðra samskipta og með
bættu hugarfari og framkomu mun
þjóðin og þingið ganga í takt að betra
samfélagi. Við erum öll sammála um
það.
-Niðurstaða kosninganna er sjö þing-
menn frá Suðurnesjum. Aldrei verið
önnur eins útkoma. Hvernig metur
þú þessa stöðu. Geta þingmenn unnið
saman að hagsmunum Suðurnesja þrátt
fyrir misjafnar pólitískar skoðanir?
Ég er ekki í vafa um að við get-
um unnið saman. Margir af mínum
bestu samstarfsmönnum hafa verið á
öndverðu meiði við mig í pólitískum
skoðunum. Hérna komum við aftur
að virðingunni. Við erum kosin til
að vinna að hagsmunum þjóðarinnar
og að sjálfsögðu erum við þingmenn
Suðurkjördæmis sem þarf á öflugum
og samtaka þingmannahópi til að ná
fram mörgum góðum málum. Þegar
að því kemur að vinna að verkefnum í
kjördæminu getum við öll lagst á árarn-
ar og tekið áralagið í takt. Þó okkur
greini á um leiðir er markmið okkar
allra að vinna að hagsmunum fólksins,
atvinnulífsins og bættum lífskjörum. Ef
við höfum viljann til þess mun sam-
starfið ganga vel. Ég mun leggja mig
fram um það.
-Segðu mér Ásmundur. Hvaðan kemur
þessi stjórnmálaáhugi þinn?
Ég byrjaði í Eyverjum, félagi ungra
Sjálfstæðismanna í Eyjum 1975 og
tók virkan þátt í félagsstarfinu. Varð
fljótlega formaður félagsins m. a. í
kosningunum 1982 þegar við feng-
um 6 af 9 bæjarfulltrúum. Við vorum
kappsamir ungir menn og mig minnir
að við höfum haldið 52 stjórnarfundi
frá áramótum fram að kosningum það
ár. Helsta kosningabomban í þeim
kosningum var að við sendum öllum
Eyjamönnum lítið sápustykki með
þeim skilaboðum að nú væri tími til
kominn að þvo af sér vinstri villuna í
bæjarstjórn. Það tókst. Ég var einnig á
þessum árum í stjórn Sambands ungra
Sjálfstæðismanna eð mörgu góðu fólki
sem ég starfa enn með í dag eins og
Geir H. Haarde, Vilhjálmi Egilssyni,
Árna Sigfússyni, Óla Birni Kárasyni og
fleira góðu fólki. Það var góður skóli.
Ég hef alla tíð verið sjálfstæðismaður
af gamla skólanum og lítið fyrir öfgar
í hvaða átt sem þær beinast.
-Ég sá í einhverju viðtali við þig að
þú segist ætla að setja þín fingraför á
þingmennskuna. Ertu að boða kjör-
dæmapot?
Ég hef í störfum mínum leitast við
að vinna með fólkinu og samfélaginu.
Það er eins og með vatnið, ég finn mér
léttustu leiðina að hverjum og einum.
. En til þess þarf samstarf við fleiri og
þess vegna legg ég ríka áherslu á sam-
starfsviljann. Ég verð og er sjáanlegur
og í sambandi við fólkið eins og áður,
er orðinn vinnusamur þingmaður sem
fólk er þegar byrjað að hafa samband
við. Ég kann því afar vel. Ef það er að
vera kjördæmapotari þá er ég það.
Nú hefur traust á Alþingi farið mjög
minnkandi á síðustu árum, sem hlýtur
að teljast slæmt. Hvernig sérðu fyrir
þér að hægt sé að vinna traustið upp
að nýju?
Ég að hluta til svaraði spurningunni
hér á undan en því til viðbótar tel ég
mikilvægast að við förum varlega í
langa loforðalista. Það hafa verið mín
skilaboð í undirbúningi prófkjörs og
kosninga. Þess vegna er best að lofa
fáu í upphafi en bæta við loforðalistann
þegar við förum að efna og standa við
loforðin sem gefin voru. Það þarf líka
ferskleika og jákvæðni í samskiptum
við fólkið í landinu. Það er gaman að
vera Íslendingur og við eigum svo mik-
ið af tækifærum. Þess vegna sóttist ég
eftir því að fara á þennan vettvang og
fá að vera þátttakandi í því að leiða
þjóðina inn í tíma framfara og bættra
lífkjara. Ef við förum þessa vegferð
saman, stétt með stétt þar sem þarfir og
vonir fólksins fara saman með öflugu
atvinnulífi þá fer vel og við öll eignast
sjálfstraustið að nýju og virðingin eykst
í samfélaginu. Virðing okkar fyrir hvort
öðru og ekki síst þjóðþinginu. Þetta er
samstarfsverkefni okkar allra.
-Í gegnum tíðina hefur Sjálfstæðisflokk-
urinn nánast alltaf verið með yfir 30%
fylgi. Nú náðist það takmark ekki. Er
það liðin tíð að flokkurinn geti reiknað
með slíku fylgi?
Ég held að þær skoðanir sem ég og
fleiri sjálfstæðismenn af gamla skól-
anum trúum á eigi samleið með meira
en 40% þjóðarinnar. Sjálfstæðismenn
eru í öllum flokkum og við þurfum þá
heim. Við eigum að horfa í eigin barm
og spyrja okkur sjálf, hvað get ég gert
í því. Hvað get ég gert til að fá fleiri til
að kjósa flokkinn? Það er margt sem ég
heyrði og upplifði í kosningabaráttunni
sem við sjálfstæðismenn verðum að
fylgjast með og passa okkur á að sitja
ekki eftir í startblokkunum þegar aðrir
hlauparar eru komnir í mark. Unga
fólkið í flokknum á að hætta að hugsa
um hvar og hvenær það geti keypt
brennivín. Það á að bera ábyrgð á því
að flokkurinn vinni kapphlaupið um
unga fólkið og færa flokkinn nær því.
Hugsjónir og markmið flokksins eru
ungu fólki að skapi en það vantar að
brúa bil með tengingu við þá veröld
upplýsinga og tölvutækni sem við hinir
erum ekki færir um. Þar liggur ábyrgð
ungliðanna í flokknum að vinna kapp-
hlaupið um unga fólkið. Ég treysti þeim
til árangurs á þeim vettvangi.
-Kjördæmið er stórt og það kostar mik-
inn tíma og akstur að sinna því. Eins
og fram hefur komið eruð þið þrjú af
Suðurnesjum. Enginn búsettur í Árnes-
sýslu eða Vestmannaeyjum. Hvernig
sérðu fyrir þér að sinna öllu kjördæm-
inu?
Ég er þegar byrjaður á því og hlakka
verulega til verkefnisins. Ég er svo
heppinn að vinnan mín hverju sinni
er áhugamálið mitt og ég er þegar byrj-
aður að hitta fólk og leggja drög að
heimsóknum, fundum og verkefnum
sem ég er byrjaður á og ætla að vinna
að. Ég keyrði 30. 000 kílómetra frá því í
nóvember fram að kosningum og ég er
rétt að byrja. Ég skemmti mér konung-
lega og er þakklátur öllu því góða fólki
sem tók á móti mér og sagði mér frá því
hvað það væri að gera. Ég sagði frá því
á Kiwanisfundi fyrir skömmu hvað ég
hafi upplifað skemmtilegar heimsóknir
í kjördæminu og ég fann hvað við erum
ríkt land af mannauð og tækifærum.
Flest tækifæri framtíðarinnar liggja á
landsbyggðinni og þau eru öll í okkar
kjördæmi, í sjávarútvegi, landbúnaði,
ferðaþjónustu, ylrækt, nýsköpun og
uppbyggingu byggða á endurnýtan-
legri orku. Ég vil leggja hönd á plóg
að nýta þau tækifæri sem bjóðast og
sinna þeim verkefnum sem fólkið felur
mér sama hvar í kjördæminu það er,
hvenær sem er.
-Ég hef tekið eftir því að málefni öryrkja
og eldri borgara eru þér hugleikin. Hef-
ur þú trú á að hægt verði að bæta kjör
þessara hópa?
Það væri til lítils að hafa áhuga á
málefnum fatlaðra og aldraða ef ég
teldi ekki að hægt væri að bæta kjör
þeirra. Fatlaðir og aldraðir eiga ekki
margar leiðir til að bæta kjör sín eins
og við „ófatlaða fólkið“. Við verðum
að endurskoða tekjutengingar þessara
hópa og mikilvægast er að auka virkni
þeirra sem geta tekið þátt í atvinnulíf-
inu á hefðbundnum vinnustöðum. Ég
mun leggja mitt á vogarskálina til að
þetta verði að veruleika.
Þátttaka í uppbyggingu Íslands er á
ábyrgð okkar allra. Þar er engin undan-
skilin, fatlaður eða ófatlaður. Vannýttur Göngutúr árið 1969.