Reykjanes - 16.05.2013, Qupperneq 9
916. maí 2013
auður er ekki síst falinn í fólki sem í dag
fær ekki tækifæri til að vera virkt í dag-
legum störfum. Veitum fólki aðstoð til
að vera virkir þátttakendur og þannig
tryggjum við lífsgæði þeirra og það
mikilvægasta í lífinu, mannréttindi.
Skiptir þá engu hvort viðkomandi er
fatlaður, ófatlaður eða atvinnulaus.
-Einu sinni voru Sjálfstæðismenn með
kjörorðið Báknið burt. Erum við ekki
með allt of stórt bákn hjá ríkinu. Það
hlýtur að þurfa að taka kerfið í gegn og
leggja áherslu á atvinnuuppbygginu sem
skapa þjóðarbúinu verðmæti. Sammála?
Mikilvægast af öllu er að er að auka
verðmætasköpun í þjóðfélaginu. Það er
eina leiðin til að bæta lífskjörin, með
því að lækka skuldir og auka hér hag-
vöxt svo raunveruleg inneign verði fyrir
bættum lífkjörum. Við sjálfstæðismenn
höfum lagt fram trúverðuga stefnu í
atvinnumálum sem mun tryggja hag-
vöxt og bætt lífskjör í landinu á næstu
árum nái sú stefna fram.
Báknið er verkefni sem þarf að fara
yfir og skoða. Við sjálfstæðismenn höf-
um rætt þetta í áratugi. Alveg frá því
að ég var í stjórn SUS í gamla daga. Án
þess að taka upp hanskann fyrir hið
opinbera þá eru kröfur á ríki og sveitar-
félög sífellt að aukast og það kallar á
mannafla. Við eigum að skoða leiðir til
að minnka kerfið, gera það skilvirkara
og aukinn kostnaður við það komi þá
fram í bættri þjónustu.
Reykjanes þakkar Ásmundi kærlega
fyrir spjallið og óskar honum góðs
gengis á Alþingi.
S. J.
NúNa stjórNar
kVótiNN öllu
Lokadagur vetrarvertíðarinn-ar var þann 11. maí. Hérna á árum áður þá var þessi dagur
ansi hátt skrifaður hjá mörgum sjó-
mönnum, enda var þá oft á tíðum
mikið kapp um hver væri hæstur í
þeirri höfn sem báturinn var gerður
út frá. Í dag er þetta allt annað. Núna
stjórnar kvótinn öllu og kappinn í
dag snýst frekar um að koma með
sem mest aflaverðmæti. Þó er þessi
stemming um að fiska meira enn
báturinn við hliðina á ennþá við lýði.
Þegar ein vertíð klárast þá tekur
önnur við og núna í maí þá hófust
strandveiðarnar, og eru bátar í þeim
flokki gerðir út aðalega frá tveim
höfnum, Grindavík og Sandgerði.
Sandgerði er þó mun stærri hand-
færabær en Grindavík og reyndar
er Sandgerði með stærstu hand-
færahöfnum landsins.
Í Grindavík hafa alls 27 hand-
færabátar landað samtals 51 tonni
núna þegar pistillinn er skrifaður.
Ef nokkrir bátar eru skoðaðir og þá
óháð því hvort séu strandveiði bátar
eða ekki þá er t. d Sæfari GK 89 með
3,5 tn í 4, Jói Brands GK 3 tn í 4,
Hrappur GK 2,8 tn í 4, Garri GK 3,5
tn í 3 og Bára HF 2,5 tn í 4.
Í Sandgerði þá hafa alls 63 hand-
færabátar landað 101 tonni. Er þetta
gríðalegur fjöldi handfærabáta. Ef
skoðaðir eru nokkrir bátar og skiptir
þá ekki hvort þeir séu strandveiði-
bátar eða ekki, þá er t. d Abby GK
með 4,5 tn í 5, Alda KE 4,6 tn í 5,
Daðey GK 6,7 tn í 2. Dóri í Vörum
GK 2,1 tn í 4, Eyjólfur Ólafsson HU
4,2 tn í 3, Fagravík GK 2,3 tn í 4.
Hafdís GK 3,6 tn í 4, Jói á Seli GK
3,1 tn í 4, Ragnar Alfreðs GK 2,8 tn í
3. Sella GK 1,9 tn í 3, Sigrún GK 2,1
tn í 5, Sæborg SU 6,8 tn í 2 og þar af
4,6 tonn í einni löndun.
Nesfiskur hóf starfsemi á
Hvammstanga í rækjuverksmiðju
sem Nesfiskur keypti. Til þess þá
hefur fyrirtækið sent til veiða togar-
anna Sóley Sigurjóns GK og Berg-
línu GK. Núna hafa tveir aðrir bátar
bæst við þennan rækjuhóp og eru
það Benni Sæm GK og Sigurfari
GK. Báðir þessir bátar eru að fara
til rækjuveiða í fyrsta skipti. Benni
Sæm GK landaði í Sandgerði 3,8
tonnum í einni löndun og Sigurfari
GK landaði þar einnig 9,8 tonnum
í 2 löndunum. Er ansi langt síðan
að rækju var landað í Sandgerði. Má
jafnvel segja að rækju hafi ekki verið
landað í Sandgerði síðan að veið-
ar á Eldeyjarrækju voru stundaðar
árið 1997 enn hafa síðan verið alfarið
bannaðar síðan árið 2001.
Í þónokkuð mörg ár þá var
rækjuverksmiðja í Sandgerði sem
hét Rækjuverksmiðja Óskars Árn-
assonar í Landakoti, og þar var
meðal annars pistlahöfundur að
vinna í vertíðir. Síðan að Eldeyjar-
rækjuveiðarnar voru stöðvaðar þá
hefur enginn rækjuvinnsla verið í
Sandgerði.
Sömuleiðis þá var Saltver í Njarð-
vík með rækjuvinnslu og var hún
meðal annars að vinna Eldeyjar-
rækju. Eftir að veiðarnar hrundu
þar þá var nú samt sem áður rækju-
vinnsla af og til eftir það og var þá
unnin t. d rækja af báti Saltvers sem
þá hét Erling KE.
Núverandi Erling KE er enginn
togbátur í dag enn búið er að breyta
honum alfarið í netabát og eftir
hrygningarstoppið þá var Erling KE
einn þriggja stórra báta sem hafa
verið á netaveiðum. Hinir tveir eru
Glófaxi VE í Vestmannaeyjum og
Saxhamar SH á Rifi. Erling KE hefur
verið að landa í Sandgerði og hefur
landað þar 104 tonnum í 7 róðrum.
Í Keflavík hefur Happasæll KE land-
að 25 tonnumí 3 róðrum og þar af
rúm 16 tonn í einni löndun. Aðrir
netabátar hafa ekki landað afla nema
í Grindavík þar sem Askur GK er
og hefur hann landað 11,4 tonnum
í 4 róðrum.
Í Grindavík þá hafa Gjögurstog-
bátarnir Vörður EA og Áskell EA
mokveitt, og núna í apríl þá settu
báðir bátarnir aflamet. Áskell EA
var með 520 tonn í 8 löndunum eða
65 tonn í löndun og Vörður EA var
með 578 tonn í 8 löndunum eða 72
tonn í löndun. Samtals gerir þetta
tæp 1100 tonn sem þessir tveir bátar
lönduðu í apríl.
Núna í maí þá hafa báðir bátarnir
líka fiskað vel og hefur Áskell EA
landað 124 tonnnum og Vörður EA
126 tonn báðir í tveim löndunum.
Gísli R.
Aflafréttir
Ási í ræðustól.
Ási í Herjólfsdal með Siggu konu sinni.
Ási í Vinnslustöð Vestmannaeyja 1979. Ási með Ásgeiri Hjálmarssyni.
Ási í Vestmannaeyjagosinu 1973.