Reykjanes - 22.08.2013, Blaðsíða 8
8 22. ágúst 2013
Að meðaltali 40
hundar daglega
sumarmánuðina
K9 Hundahótel er starfrækt að Flugvöllum 6 í Reykjanesbæ. Reykjanes leit við og átti stutt
spjall við Atla Þorsteinsson. Hann
sagði að hótelið hefði verið stofnað
árið 2004 á Vatnsnesveginum. Það var
þörf á stærra húsnæði og núverandi
húsnæði fórum við árið 2008. Hús-
næðið er 1000 fermetrar og sérhannað
fyrir þessa starfsemi.
Atli sagði nánast alltaf fullbókað
alla daga yfir sumarið. Að meðaltali
væru 40 hundar á hótelinu dag hvern.
Hann sagði yfirleitt gott samkomulag
milli hundanna enda væri þetta sér-
byggt hús, þannig að hægt væri að
hafa þá aðskilda. Atli sagði að lang-
flestir hugsuðu mjög vel um hundana
sína. Það eru allavega hundarnir sem
koma hingað í gistingu. Ég spurði Atla
hvort það væri aukning á hundum á
svæðinu og sagði hann svo vera.
Við veitum mjög góða þjónustu
sagði Atli. Flugfarþegar sem koma
með hundinn til okkar þá geymum
við bílinn og skutlum fólki í flug.
Sækjum svo fólkið og afhendum bíl-
inn og hundinn.
Á hótelinu er sér álma fyir ketti.
Einnig er starfandi hundasnyrtir hjá
okkur og er sú þjónusta mikið notuð.
Hundaskóli er einnig á okkar vegum.
Það er alveg á hreinu að þarna fer
vel um dýrin.
Glæsihattar í púttinu
Þau voru aldeilis flott á púttvell-inum einn daginn í síðustu viku. Allir skortuðu flottum höttum.
Reykjanes leit við og smellti nokkrum
myndum.
Lettar kynntu sér sjálfbæra
jarðvarmaorkunýtingu
Fulltrúar frá svæðisstjórn Riga í Lettlandi heimsóttu Grindavík nýlega. Tilgangur heimsóknar-
innar var að kynna sér sjálfbæra jarð-
varmaorkunýtingu á svæðinu og grænt
hagkerfi og hvernig aðkoma bæjarins
er að slíkum verkefnum. Svæðisstjórn
Riga vinnur að þróunaráætlun um
sjálfbæra orkunýtingu til ársins 2020 í
samræmi við stefnumörkun Evrópu-
sambandsins Euro 2020.
Róbert Ragnarsson bæjarstjóri tók
á móti fulltrúum Riga í Kvikunni,
ásamt Þorsteini Gunnarssyni upp-
lýsinga- og þróunarfulltrúa. Hann
kynnti þeim auðlindastefnu Grinda-
víkurbæjar, sýndi þeim sýningarnar í
Kvikunni og svaraði svo fjölmörgum
spurningum um auðlindanýtingu í
Grindavík og aðkomu bæjarins að
slíkum verkefnum.
(Heimasíða Grindavíkur)