Reykjanes - 22.08.2013, Blaðsíða 12

Flott föt fyrir
flottar konur
Stærðir 38-58
Verslunin Belladonna
Skeifunni 8 • 108 Reykjavík • Sími: 517 6460 • www.belladonna.is
OPNUNARTÍMI
mánudaga - föstudaga 07:00-18:00
laugardaga 08:00-16:00
sunnudaga 09:00-16:00
Sigurjónsbakarí - Hólmgarði 2 - 230 - Reykjanesbæ
NÝ BÖKUÐ BRAUÐ ALLA DAGA
VERIÐ VELKOMIN
Í SIGURJÓNSBAKARÍ HÓLMGARÐI
Háar í mittið

Slim fit, stretch
á 12.900 kr.
Stærð: 34 - 56

Fleiri snið og efni
Buxur frá Danmörku,
Ítalíu og Hollandi

Laugavegi 178
(Bolholtsmegin)
Sími 555-1516
Opið virka daga
kl. 11 - 18,
laugard.
kl. 11 - 16

22. ágúst 201312
Gunnar Þórarinsson, Reykjanesbæ, formaður SSS:
Sameiginlegir hagsmunir og gagnkvæmur skilningur
Ritstjóri blaðsins Reykjanes óskar eftir svari við spurningunni, „Hvaða áhrif hefur sú ákvörðun að
loka Garðvangi í Garði á samstarf sveitar-
félaganna á Suðurnesjum? “
Samstarf sveitarfélaganna á Suðurnesjum
byggist á sameiginlegum hagsmunum og
gagnkvæmum skilningi eins og allt sam-
starf þarf að gera. Í slíku samstarfi felst m.
a. ákvarðanataka sem allir hlutaðeigendur
verða aldrei alltaf sammála um.
Sameiginlegir hagsmunir sveitarfélaganna
hér eru margvíslegir, t. d. í málaflokkum
eins og sorphirðu,
samgöngumálum
og menntamálum
svo að eitthvað
sé talið. Það sem
helst þarf að hafa
að leiðarljósi í sam-
starfi sveitarfélaga er annars vegar þjón-
ustan við íbúana og hins vegar útgjöld
sveitarfélaganna, þ. e. skattborgaranna, og
sú hagkvæmni sem þar er unnt að ná fram.
Sú ákvörðun stjórnar DS og bæjarstjórn-
anna í Reykjanesbæ og Vogum að nýta
heimildir ríkisins um 93 hjúkrunarrými
aldraðra sem sveitarfélögin er standa að
DS hafa á Hlévangi og Nesvöllum, upp-
fyllir þessi skilyrði. Breytt tilhögun mun
hafa í för með sér bætta þjónustu við vist-
menn og aðstandendur þeirra og útgjöld
viðkomandi sveitarfélaga og/eða ríkisins
verða lægri.
Grunnforsendan er sú að svo lengi
sem hagsmunir sveitarfélaganna á
Suðurnesjum liggja saman er þörf
fyrir samstarf þeirra innan Sambands
sveitarfélaga á Suðurnesjum.
Einar Jón Pálsson, Garði:
Garðmenn og Sandgerðingar ekki sáttir
Það er ekki að ástæðulausu að menn velti fyrir sér hvort það muni hafa áhrif á samstarf innan SSS ef af
lokun Garðvangs yrði. Nú er best að halda
því til haga að ég tel ekki að til þess komi
að Garðvangur loki enda er það vilji bæj-
arfulltrúa Garðs og Sandgerðis að starfsemi
verði þar áfram. Bæjarstjórnir sveitarfélag-
anna hafa fundað um málið og látið vinna
úttekt á þeirri stöðu sem komin er upp. Þá
hafa fulltrúar sveitarfélaganna fundað með
heilbrigðisráðherra um mögulega lausn á
stöðunni.
En til að svara því til hvaða áhrif þetta hefur
á samstarf innan
SSS þá er nokkuð
ljóst að Garðmenn
og Sandgerðingar
eru ekki sáttir við
framkomu fulltrúa
Reykjanesbæjar og
Voga í þessu máli eins og margoft hefur
komið fram. Við höfum hinsvegar náð að
vinna mjög vel saman innan stjórnar SSS á
þessu kjörtímabili og ég verð að segja að það
væri slæmt að sundrung yrði þar.
Ég hef borið mikið traust til bæjarfulltrúa
á Suðurnesjum enda unnið mikið með
þeim á liðnum árum. Þetta eru einstak-
lingar sem leggja mikið á sig til að vinna
fyrir sitt sveitarfélag og Suðurnesin öll. Nú
hefur kapp sumra þeirra fyrir uppbyggingu
í Reykjanesbæ komið niður á því sem unnið
hefur verið eftir hingað til, sem er að hafa
hjúkrunarheimili í hverju sveitarfélagi.
Það er ljóst að þegar trúnaðarbrestur
verður þá tekur tíma að vinna þann trúnað
til baka. Við verðum að sjá hver framvinda
mála verður á komandi vikum, ég mun
leggja mitt að mörkum til að leysa þetta
mál í sátt við aðra sveitarstjórnarmenn á
Suðurnesjum.
Ásgeir Eiríksson Vogum:
Lokun Garðvangs hefur ekki áhrif á samstarfið
„Ég hef nýverið tekið sæti í stjórn SSS fyrir hönd Sveitarfélagsins Voga og því ekki haft aðkomu að því máli
sem hér um ræðir. Fyrirhuguð lokun
Garðvangs mun að mínu mati ekki hafa
áhrif á samstarfið innan SSS, enda fjölmörg
hagsmunamál svæðisins alls sem þar eru
til úrlausnar hverju
sinni. Þrátt fyrir að
fulltrúa aðildar-
sveitarfélaganna
greini í þessu tilviki
á um leiðir að settu
marki er það eigi að
síður hagsmunir svæðisins og íbúa þess
sem ræður för hverju sinni. Í málefnum DS
rétt eins og öðrum málum mun stjórn SSS
hér eftir sem hingað til hafa sameiginlega
hagsmuni svæðisins að leiðarljósi og standa
vörð um þá.
Bryndís Gunnlaugsdóttir, Grindavík:
Auðvitað hefur þetta einhver áhrif
Dvalarheimili aldraðra á Suðurnesjum sem almennt gengur undir nafninu DS er
samstarfsverkefni Reykjanesbæjar, Sand-
gerðis, Garðs og Voga. Grindavíkurbær
er ekki aðili að því samstarfi og tók þar af
leiðandi ekki þátt í þeirri ákvörðun að loka
Garðvangi í Garði. Við fyrstu sýn ætti þessi
ákvörðun því ekki að hafa áhrif á samstarf
sveitarfélaganna
á Suðurnesjum.
En auðvitað hefur
þetta einhver áhrif.
Í samstarfi sveitar-
félaganna, sem er
mikið og fjölbreytt,
hefur ávallt verið stefnt að því að aðilar ræði
sig saman á niðurstöðu sem allir geta verið
sáttir við. Horfandi á þessa niðurstöðu utan
frá gefur í skyn að slíkt hafi ekki átt sér stað
í þessu máli og þá vakna þær spurningar
hvort slík vinnubrögð munu vera tekin upp
víðar í samstarfi sveitarfélaganna. Þ.e.a.s.
að í stað þess að ræða málin og reyna að
finna sameiginlega niðurstöðu þá sé farið
í atkvæðagreiðslu og aðilar ganga ósáttir
frá borði. Slík vinnubrögð geta aldrei verið
fyrirmynd af heilbrigðu og góðu samstarfi
sveitarfélaga á Suðurnesjum.
Ólafur Þór Ólafsson,Sandgerði:
Efast um að Garðvangi verði lokað
Fyrst verð ég að segja að ég efast um að Garðvangi verði lokað þó svo að fulltrúar Reykjanesbæjar og Sveitar-
félagsins Voga í stjórn DS telji það rétt skref.
Það er þörf á frekari uppbyggingu hjúkr-
unarrýma á Suðurnesjum og því þversögn
að það eigi að loka þeirri starfsemi sem
fyrir er þó vissulega sé þörf á því að vinna
að endurbótum á húsnæðinu. Við í smærri
sveitarfélögunum á Suðurnesjum getum
heldur ekki sætt okkur við þá stefnu að
öll uppbygging á
öldrunarþjónustu
eigi að fara fram í
Reykjanesbæ og að
stærsta sveitarfé-
lagið á svæðinu sé
tilbúið til að beita
aflsmunum til að skerða þjónustu og draga
úr atvinnutækifærum hjá nágrönnum
sínum. Ég held hins vegar að nú sé tíma-
bært að menn snúi bökum saman í þessu
máli í stað þess að vera að kýtast á milli
sveitarfélaga. Það þarf að sækja á ríkisvaldið
til að plássum á hjúkrunarheimilum fjölgi
á Suðurnesjum og það gerum við best með
því að standa saman í þessu máli sem og
öðrum. Ég trúi að fólk sýni þann þroska að
halda áfram að hlúa að því ágæta samstarfi
sveitarfélaga sem er á svæðinu, enda væri
annað óábyrgt og ekki í hag Suðurnesja-
manna. Það má heldur ekki gleyma því
að hér einungis verið að fjalla um eitt
verkefni af þeim fjölmörgu sem unnin
eru sameignlega af sveitarfélögunum
á Suðurnesjum.
Hefur lokun Garðvangs
áhrif á samstarfið?
Það hefur ekki farið framhjá íbúum Suðurnesja að ekki eru allir á sama máli hvort fyrir-
huguð lokun Garðvangs í Garði sé rétt
ákvörðun.Reykjanes leitaði til stjórn-
armanna hjá Samabndi sveitarfélaga
á Suðurnesjum og spurði hvort þetta
kæmi til með að hafa áhrif á samstarfið.
Auglýsingasíminn er
578 1190