Reykjanes - 22.08.2013, Blaðsíða 9
22. ágúst 2013 9
Keilir
– Iðandi náms
mannasamfélag
á Suðurnesjum
Reykjanes leitaði til Keilis til að fá mupplýsingar um starfsemina. Arnbjörn Ólafsson, markaðs-
stjóri, brást vel við og sendi svar.
Í haust hefur Keilir sjötta starfsár
skólans en á þessum tíma hefur sam-
félagið á Ásbrú vaxið frá því að vera
draugabær eftir brotthvarf hersins
í iðandi samfélag fræða, vísinda og
atvinnulífs. Á þessum tíma hafa yfir
1.500 manns útskrifast frá mismunandi
deildum Keilis og því ljóst að skólinn
er orðinn mikilvægur hluti samfélags-
ins á Reykjanesi og sér í lagi þeirrar
uppbyggingar sem hefur átt sér stað á
Ásbrú. Í haust hefja um 350 nemendur
nám í mismunandi skólum Keilis og er
það svipaður fjöldi og undanfarin ár. Í
heildina stunda að jafnaði hátt í 600
nemendur nám við Keili, bæði í staðn-
ámi á Ásbrú og Akureyri og í fjarnámi.
Skólinn skiptist í fjórar deildir
Háskólabrú, Íþróttaakademíu, Flug-
akademíu og tæknifræðinám. Háskóla-
brúin er bæði kennd sem hefðbundið
staðnám og í fjarnámi. Boðið er upp á
námið í samstarfi við Háskóla Íslands
og geta útskrifaðir nemendur hafið nám
við hvaða háskóla sem er á Íslandi en
um 85% þeirra hafa haldið áfram í
háskólanám. Háskólabrú Keilis hefur
þannig á skömmum tíma veitt fjöl-
mörgum aðilum nýtt tækifæri til náms.
Líkt og undanfarin ár býður Íþrótta-
akademía Keilis upp á hið eftirsótta ÍAK
einkaþjálfaranám, en sem nýlunda er
einnig boðið upp á nám í styrktar-
þjálfun. Árlega sækjast yfir hundrað
einstaklingar eftir því að komast í
námið en að jafnaði er einungis helm-
ingur þeirra samþykktir í námið. Í
haust býður Íþróttaakademían einnig
upp á nýtt leiðsögunám í ævintýraferða-
mennsku (Adventure Sport Certificate)
á vegum Thompson Rivers háskólans
í Kanada. Um er að ræða eins árs nám
með mikla áherslu á útivist og verklega
kennslu í íslenskri náttúru. Mikill áhugi
er fyrir náminu en einungis 18 nem-
endur komast að í hvert skipti.
Flugakademía Keilis hefur á
skömmum tíma skapað sér sess bæði
innanlands og erlendis með hágæða
kennsluvélum, samkeppnishæfu verði
og fagmannlegri kennslu. Boðið er
upp á bæði einka- og atvinnuflug-
mannsnám, auk náms í flugumferð-
arstjórn og flugþjónustu. Í haust hefst
einnig flugvirkjanám í samvinnu við
flugvirkjaskólann AST í Skotlandi en
þar er rekin elsta starfandi flugvirkja-
námsbraut í Evrópu. Flugvirkjanám
Keilis hefur farið afar vel af stað, en
um 120 einstaklingar sóttu um þau
28 pláss sem voru í boði. Fjölmargir
erlendir nemendur sækja flugnám hjá
Flugakademíu Keilis og fer sá hópur
vaxandi með ári hverju.
Keilir býður einnig upp á háskólanám
í tæknifræði í samstarfi við Háskóla
Íslands, en náminu er ætlað að mæta
þeim skorti sem er á háskólamenntuðu
starfsfólki í tækni- og hugverkagreinum
á Íslandi. Um 30 nemendur hófu nám í
tæknifræði í byrjun ágúst og bætast við
sambærilegan hóp sem stunda nám á
öðru og þriðja ári við skólann. Tækni-
fræðinámið hjá Keili er gott dæmi
um samstarf atvinnulífs, rannsókna,
frumkvöðla og menntunar á Ásbrú,
enda hafa nemendur unnið fjölmörg
hagnýt verkefni á undanförnum árum
og hafa nokkur sprotafyrirtæki orðið
til í kjölfarið, þ. m. t. GeoSilica Iceland
sem hefur vakið verðskuldaða athygli
undanfarið.
Ormsson Keflavík
Gerum vel við okkar viðskiptavini
Það er mikið og glæsilegt úrvaf af alls kyns rafmagnstækjum hjá Ormsson við Hafnargötuna í
Keflavík. Reykjanes leit einn morgun-
inn við í búðinni og hittum þarv fyrir
Atla. Hann sagði verslunina hafa verið
starfandi í rúm 6 ár. Þetta gengur mjög
vel. Það er mikil sala sagði Atli. Mest er
salan í þvottavélum, ísskápum og svo
í ýsmum smáum rafmagnstækjum.
Okkar markmið sqagði Atli er að gera
vel við okkar viðskiprtavini.
Atli sagði að sparidagarnir hjá
Ormsson hefðu komið gríðarlega vel
út. Mikið úrval er einnig í versluninni
af sjónvörpum og myndavélum.
Andri sagði að ef varan væri ekki
til í búðinni væri lítið mál að panta
hana frá höfuðstöðvunum í Reykjavík.
Addi Afi hefur landað 64 tonnum
Í fyrra þá var mikið makrílæði í Keflavík og keflavíkurhöfn var yfirfull af fólki sem var að veiða
makríl af bryggjunni. Fjóla GK var
t.d að veiðum inní höfninni þá. Núna
í ár þá þarf að hafa ansi mikið fyrir
þessum litla fiski. Veiði í Faxaflóa er
mjög léleg samanborið við árið 2012.
Svo til allir bátarnir héðan fór vestur
á Hólmavík til þess að stunda veiðar
þar enn mokveiði var á makrílnum
enn reyndar aðeins í tæpar tvær
vikur. Þeir bátar sem fóru þangað
voru t.d Reynir GK sem fékk um 25
tonn í 5 löndunuim og þar af 15 tonn
á einum degi í tveim löndunum þar
sem að önnur lönduninn var rúm 9
tonn. Örninn GK 25 tonn í 6 og þar
af 7,8 tonn í einni löndun. Fjóla GK
17 tonn í 3. Óli Gísla HU 21 tonn í
5, Pálína Ágústdóttir GK 25 tonn í 7
og Svala Dís KE 20 tonn í 6, mest 7
tonn í róðri. Happasæll KE fór líka
vestur enn gekk nú frekar illa og var
einungis með 7 tonn í 4 róðrum.
Það vekur nokkra athygli enn
minnsti báturinn héðan sem fór
vestur Addi Afi GK gekk lang best af
bátunum og hefur landað 64 tonnum
í 14 róðrum, mest 6,7 tonn í einni
löndun. Addi Afi GK kom líka lang-
fyrstu vestur og það gaf honum smá
forskot á hina bátanna.
Hópsnes GK var aflahæstur í júlí
með um 160 tonn, enn heldur er nú
erfitt hjá þeim núna í ágúst því þeir
hafa einungis landað 20 tonnum í 6
róðrum, lentu í bilun og brælu sem
stoppaði þá í rúma 3 daga. Aftur á
móti þá hefur Óla á Stað GK og Þór-
kötlu GK gengið vel enn báðir þessir
bátar eru komnir á beitningavél og
hefur Óli á Stað GK landað 43 tn í
7 og þar af 11,1 tonn í einni löndun.
Þórkatla GK er með 38 tonn í 6 og
þar af 10,6 tonn í einni löndun. Una
SU sem Stakkavík gerir út Baldur er
skipstjóri er á rær frá Djúpavogi á
bölum og hefur landað 22 tonnum
í 7 róðrum.
Daðey GK er með 32 tonn í 6
róðrum. Dóri GK hefur hafið veiðar
eftir rúmlega mánaðarstopp og er
með 25 tonn í 5. Muggur KE er á
skagaströnd og er með 25 tonn í 6.
Þar er líka Dúddi Gísla GK sem var
að hefja veiðar eftir stopp í tæpa tvo
mánuði og er með 25 tonn í 5.
Sædís Bára GK er á færum frá
Skagaströnd og hefur gengið vel,
hefur landað 13 tonnum í tveim
róðrum. Guðrún KE er með 12
tonn í 3.
Enginn netabátur hefur landað og
enginn dragnótabátur. Nokkrir Þor-
bjarnarlínubátarnir eru farnir af stað
og er t.d Sturla GK búinn að landa 28
tonnum á Skagaströnd og Ágúst GK
12 tonn. Reyndar þegar þessi pistill
var skrifaður þá voru þetta tölurnar
sem voru á Fiskistofu og getur vel
verið að það vanti afla uppá. Allir
Vísisbátarnir eru stopp núna.
Rækjuveiðar við Eldey voru
bannaðar fyrir 16 árum síðan enn
höfðu verið mikill atvinnuvegur og
þónokkuð margir bátar stundað þær
veiðar þegar þær voru leyfðar. Í ár
þá voru veiðarnar leyfðar aftur og
má segja að sú úthlutunn hafi verð
ansi hljóðlát. Einn bátur hóf veiðar
á Eldeyjarrækjunni í júlí og var það
Jón Gunnlaugs ST, landaði hann um
25 tonnum í júlí. Nesfisksbátarnir
Siggi Bjarna GK, Benni Sæm GK og
Sigurfari GK , sem og Askur GK frá
Grindavík munu fara á þær veiðar
núna í ágúst. Það sem vekur hvað
mesta athygli við þessar veiðar er
að allur aflinn sem veiðist er ekinn
í burtu og unninn annarstaðar á
landinu. t.d allur aflinn af Nesfisks-
bátunum er ekinn til Hvammstanga
þar sem Nesfiskur er með rækjuverk-
smiðju. Einnig eru bátarnir núna
mun stærri heldur enn var þegar að
Eldeyjarrækjuveiðarnar voru leyfðar.
Nefna má nokkra báta sem stunduðu
veiðarnar hérna á árum áður. Þor-
steinn KE, Guðfinnur KE, Knarranes
KE, Hjördís GK, Fengsæll GK, Ólafur
GK, Sveinn Guðmundsson GK,
Glaður KE og Baldur KE svo dæmi
séu tekinn. Bátarnir voru reyndar
mun fleiri enn þeira verða ekki allir
taldir upp hérna.
Vörður EA er kominn aftur á trollið
og landaði 74 tonnum í einni löndun.
Gísli R.
Aflafréttir