Reykjanes - 14.11.2013, Blaðsíða 4

4 14. nóvember 2013
Þú skalt vera góð fyrir­
mynd og tölum saman
um Jólainnkaupin!
„Börn og unglingar eiga ekki auð-velt í dag, en hvers vegna er það svo? Eflaust er það vegna þess að
við ætlumst til of mikils af þeim. Ekki
eru það börnin sem eru óþroskuð,
heldur eru það við hin fullorðnu sem
þurfum að uppfylla ákveðnar skyldur í
uppeldi og þroska barna. Andlegur og
sálrænn þroski barna og ungmenna
er mjög mikilvægur þáttur í öllu upp-
eldi. Mikilvægt er að búa þau sem best
undir framtíðina. Foreldrum ber að
senda þeim skýr skilaboð þannig að
„nei“ í dag þýði ekki „já“ á morgun.
Nái þau góðum árangri í daglegu lífi,
til dæmis í samskiptum við jafnaldra
og fullorðna eða málnotkun, eru þau
sjálfkrafa hvött til þess að læra meira
og mynda enn sterkari löngun til þess
að vera góð í því sem þau taka að sér.
Einnig ber kennurum að hugsa betur
um velferð barna, sérstaklega þeirra
sem eru „eftir á“. Þeir eiga að bjóða
tækifæri sem efla sjálfstraust í gegnum
námsárangur og brýna fyrir börnum
að gefast ekki upp of snemma. Nem-
endur sem eiga í námserfiðleikum
geta ekki fylgt hraða bekkjarins. Það
hefur óneitanlega áhrif á sjálfsálit
þeirra með þeim afleiðingum að þau
upplifa sig útundan, einangruð og
óverðskulduð. Þessi börn fá oft ekki
tækifæri til að þroskast. Það er á
ábyrgð kennarans og fölskyldunnar að
sjá um að allir nemendur fái menntun
við hæfi. Hlutverk hans er því einkar
mikilvægt í hversdagslífi barna og
fyrir framtíð þeirra“.
Nú er árið senn á enda og jólin eru
rétt handan við hornið. Fjölskyldur
vilja hittast um jólahátíðina og njóta
þess að vera saman. Sameinast við
matarborðið með ömmu og afa og við
jólatréð með allar gjafirnar.
Nú eru erfiðir tímar á mörgum
heimilum og því ætti fólk að skipu-
leggja sig vel fyrir jólin og hugsa vel
um það í hvað á að verja peningunum
og hvaða jólagjafir á að kaupa. Gjaf-
irnar þurfa heldur ekki að vera dýrar
til að gleðja. Þá er ágætt ráð að kaupa
gjafirnar fyrir 15. desember ef þær
eru greiddar með greiðslukorti því
það borgar sig ekki að fresta gjald-
daganum langt fram á næsta ár og
eiga þá varla pening fyrir mat handa
börnunum okkar.
Ræðið það innan fjölskyldunnar
hversu miklu þið ætlið að eyða í
jólagjafir og jólamatinn. Og mikið
væri nú gaman að sjá það að Stöð
2 opnaði á jóladagskrá sína í sjón-
varpinu fyrir þá sem minna mega sín
um jólin. Þeir sem ekki geta leyft sér
mikið í mat og gjöfum, gætu þá a. m.
k. notið skemmtilegrar jóladagskrár
í sjónvarpinu.
Fyrr en varir verða jólin liðin og
kaldur veturinn tekur við. Förum
strax að hugsa til vorsins og betri
tíðar. Sjáum tækifærin og treystum
á sjálf okkur. Það koma nýjar fréttir
á hverjum degi um landið sem við
byggjum. Sumir dagar eru erfiðir og
aðrir skemmtilegir. Förum inn í alla
daga með bros á vör.
Þjóðfélagið okkar er ekki nógu fjöl-
skylduvænt. Fullorðið fólk vill fá að
njóta samvista við börnin sín eftir að
venjulegum vinnudegi lýkur öðruvísi
en að vera dauðuppgefið og útslitið og
eiga svo auk allra annarra verka, sem
bíða, eftir að hjálpa til við heimanám.
Þarna þurfa skólarnir að koma inn
með meiri þjónustu svo fjölskyldur
geti notið samvista í frítímum sínum
á uppbyggjandi og skemmtilegan hátt.
Öruggt og ástríkt heimili og skilnings-
ríkir foreldrar eru öllu ungviði mik-
ilvæg. Þú skalt vera góð fyrirmyndi.
Birgitta Jónsdóttir Klasen
Heilsumiðstöð Birgittu
Samstöðu þarf með
sveitarfélögum á Suðurnesjum
Haraldur Líndal Haraldsson hagfræðingur flutti okkur eldri borgurum skýrslu á
fjömennum fundi Félags eldri borgara
á Suðurnesjum 31. október. Hún fjall-
aði um hjúkrunarheimilið Garðvang
og hjúkrunarrými á Suðurnesjum.
Skýrslan staðfestir það sem við eldri
borgarar höfum í raun vitað að það
vantar mikið á að aldraðir sjúkir á
Suðurnesjum hafi átt kost á dvöl á
hjúkrunarheimilium þegar þeir hafa
ekki getað verið heima hjá sér vegna
sjúkleika. Langir biðlistar siðustu ár
bera vott um hve þörfina er mikil
fyrir fjölgum hjúkruarrýma hér á
Suðurnesjum.
Helstu niðurstöður og tillögur Har-
aldar L. Haraldssonar hljóma kunnug-
lega þar segir meðal annars :
“Verulega hefur hallað á íbúa
Suðurnesja hvað varðar hjúkrunar-
þjónustu við aldraðra þegar borinn er
saman fjöldi hjúkrunarrýma í hverju
heilbrigðisumdæmi. ”
“Einnig hallar verulega á Suðurnesin
þegar framlög úr Framkvæmdasjóði
aldraðra eru borin saman á milli heil-
brigðisumdæma. ”
“Það er mat skýrsluhöfundar að
full þörf sé á áframhaldandi rekstri
allra núverandi hjúkrunarheimila á
Suðurnesjum þrátt fyrir að nýtt hjúkr-
unarheimili með 60 rýmum verði
opnað á næsta ári í Reykjanesbæ. ”
Loka orð Haraldar eru: “Með hlið-
sjón af framanrituðu er mikilvægt að
sveitarstjórnarmenn á Suðurnesjum
marki sér sameiginlega stefna í
heilbrigðis og öldrunarmálum fyrir
Suðurnes. Þannig að ákvarðanir sem
teknar verða í náinni framtíð
verði með hagsmuni
Suðurnesja að leiðarljósi.
”
Fundir Félags eldri borgara á
Suðurnesjum 4. og 31. október sam-
þykktu og löggðu til við sveitarfélögin
á Suðurnesjum að best sé að þjón-
usta við eldri borgara á Suðurnesja-
menn verði á ábyrgð sveitarfélaga.
Þannig fari saman stjórn og ábyrgð
á fjármálum auk þess sem samvinna
auðveldar frekari uppbyggingu og
fjölgun hjúkrunarrýma. Til þess að
tryggja samstöðuna geri sveitar-
félögin á Suðurnesjum með sér
formlega samkomulag um stjórn
skipuð fulltrúm allra sveitarfélaga á
Suðurnesjum. Stjórnin skipuleggur
þjónustu við eldri borgar og gerir
áætlanir um uppbyggingu og rekstur
hjúkrunarheimila á Suðurnesjum.
Engin þörf á að útvista
þjónustu til Reykjavíkur
Fram hefur komið tillaga að vista út
rekstri hjúkrunarheimilisins á Nes-
völlum og hugsanlega Hlévangs til
Sjómannadagsráðs Reykjavíkur. Við
sjáum ekki nauðsýn þess að stjórnun
hjúkrunarheimila verði í Reykja-
vík. Þjónusta á hjúkrunarheimilum
í Reykjanesbæ og Garði hefur verið
orðlögð fyrir gæði og ekki hefur verið
kvartað yfir þjónusta við íbúa hjúkr-
unarheimila á Garðvang í Garði eða
Hlévangi Reykjanesbæ. Það er því með
öllu óskiljanlegt og skortir öll rök fyrir
því að Hrafnistu í Reykjavík verði falin
stjórnun á hjúkrunarheimillum hér á
Suðurnesjum. Fundarmenn voru mjög
andvígir þessum áformum og kom
fram hugmyndir um að mótmæla
þessum flutningi á ábyrgð á stjórnun
hjúkrunarheimila til Reykjavíkur, með
því að safna undirskriftum meðal íbúa
á Suðurnesjum.
Enn og aftur teljum við að farsælast
að hjúkrunarheimilin verði á ábyrgð
og stjórnað af Suðurnesjamönnum í
framtíðinni enda er stefnt að því að
sveitarfélögin taki yfir alla þjónustu
við eldri borgara í framtíðinni.
Tryggjum okkur
áhyggjulaust ævikvöld
Mig langar til þess að tala við ykkur
um stöðu okkar sem eldri erum og
höfum skilað ævistarfi okkar eins og
það er oft sagt á hátíðar stundum en
þá heyrist oft sagt að tryggja verði
okkur áhyggjulaust ævikvöld. Félagar
eldri borgara um allt land taka virkan
þátt í fjölbreyttu starfi eins og við á
Suðurnesjum. Við höfum ekki lagt
upp laupana heldur tökum aukinn og
virkan þátt í starf og leik, okkur til upp-
örvunar og skemmtunar. Rannsóknir
hafa stafest að því lengur sem við erum
virk í félagsstarfi því betur höldum við
getu okkar til sjálfbjargar, andlega og
líkhamlega. Nú á tímum er stöðug
verið að leita eftir hagræingu á sem
flestum sviðum. Það er stöðugt verið að
mæla í krónum og aurum kostað sem
ríki eða sveitarfélag hafa af þjónustu
við sjúka aldraðra.
Ég velti fyrir mér hvort að ekki sé
kominn tími til þes að mæla í krónum
og aurum hvað félagar í félögum eldri
borgara hafa með virku félagsstari sínu
létt undir fjárhagslega með því opin-
bera. En það vandast nú málið þegar
við getum ekki lengur hjálpa okkur
sjálf og verðum að fá aðgang að hjúkr-
unarheimilum. Eldri borgara vilja þó
vera sem lengst heima hjá sér. Kannanir
hafa staðfest það.
Skýrsla Haraldar L Harlandssonar
staðfestir að hér á Suðurnesjum er
ástandið einna verst á landinu og í
dag vantar mikið á að þörfinni fyrir
hjúkrunarheimili sé fullnægt og
biðlistar eru langir. Nú verðum við
að hugsa til framtíðar þar sem eldri
borgurum á Suðurnesjum sem þurfa
dvöl á hjúkrunarheimilum að halda
fjölgar ört. Gert er ráð fyrir að sex árum
eftir að hjúkrunarheimilið á Nesvöllum
verður komið í rekstur verði líkur til
þess að milli 40 til 50 sjúkir eldri borg-
arar verði á biðlista eftir þjónustu á
hjúkrunarheimilum ef ekkert verður að
gert. Það á því að vera hlutverk sveitar-
félaga á Suðurnesjum að hafa forystu
um að hefja nú þegar undirbúning að
byggingu hjúkrunarheimilis fyrir 60
til 80 íbúa.
Samstaða sveitarfélagaanna er nauð-
sýnleg þegar sótt er um fjármagn til rík-
isins fyrir byggingu hjúkrunarheimila.
Það hefur ekki tekist að samhæfa áætl-
anir um framíðar skipulag og áætlanir
í málum eldri borgara á Suðurnesjum
og víst er að það er ástæðan fyrir því
hverning komið er eins og raun ber
vitni og hefur verðið staðfest í skýrslu
Haraldar.
Til þess að sveitarfélaögin verði
samstíga um okkar mál minnum við
enn á og leggjum til að mynduð verði
formleg stjórn allra sveitarstjórna.
Stjórnin skipuleggur þjónustu við
eldri borgar og gerir áætlanir um upp-
byggigu og rekstur hjúkrunarheimila
á Suðurnesjum.
Að lokum vil ég segja að við eldri
borgarar á Suðurnesjum teljum eðlilegt
og sjálfsagt að haft verði samráð við
okkur þegar teknar eru ákvarðnanir
um skipulag á okkar málum.
Stefnum öll saman að því að tryggja
okkur áhyggjulaust ævikvöld.
Eyjólfur Eysteinsson, formaður
Félags eldri borgara á Suðurnesjum.
Á ábyrgð sveitarfélaga
Fundur Félags eldri borgara á Suðurnesjum haldinn 31. október 2013
Beinir því til Sveitarfélaga á Suðurnesjum að þjón-usta við eldri borgara á
Suðurnesjamenn verði á ábyrgð
sveitarfélaganna. Þannig fari saman
stjórn og ábyrgð á fjármálum auk
þess sem samvinna auðveldar frek-
ari uppbyggingu og fjölgun hjúkr-
unarrýma.
Til þess að tryggja samstöðuna
geri sveitarfélögin á Suðurnesjum
með sér formlega samkomu-
lag um stjórn skipuð fulltrúum
allra sveitarfélaga á Suðurnesjum.
Stjórnin skipuleggur þjónustu
við eldri borgar og gerir áætlanir
um uppbyggigu og rekstur hjúkr-
unarheimila á Suðurnesjum
Eldri borgarar mótmæla
Fundur Félags eldri borgara á
Suðurnesjum 31.október 2013
Fram hefur komið tillaga um að
vista út rekstri hjúkrunarheimil-
isins á Nesvöllum og hugsanlega
Hlévangs til Sjómannadagsráðs
Reykjavíkur. Við mótmælum því að
stjórnun hjúkrunarheimilanna verði
í Reykjavík. Farsælast er að hjúkr-
unarheimilin verði áfram á ábyrgð
og stjórnað af Suðurnesjamönnum,
enda stefnt að því að sveitarfélögin
taki yfir alla þjónustu við eldri borg-
ara af ríkinu á næstu árum.
Þjónusta á hjúkrunarheimilum í
Reykjanesbæ og Garði hefur gengið
vel og íbúar almennt ánægðir og
þeim liðið vel þar. Það er því með
öllu óskiljanlegt og skortir öll rök
fyrir því að Hrafnistu í Reykja-
vík verði falin stjórnun á hjúkr-
unarheimillum hér á Suðurnesjum.
Gera þarf rekstrareininguna á Garð-
vangi hentugri með uppbyggingu og
endurbótum, en síðastliðin ár hefur
húsnæðið og þyngd sjúklinga kallað
á meira starfsfólk,sem er að mestu
leyti orsök hallareksturs þar.