Árbók Læknafélags Íslands - 01.01.1939, Page 14
14
neitt, sem lýtur að hagsmunamálum hans sem læknis eða
stéttarinnar í heild, nema hann fái til þess samþykki
stjórnar félagsins. Akvæði þetta tekur einnig til annara
læknafél. (lokal-), þó aðeins að því leyti, er samningar
þeirra snerta stéttina sem heild. Sé um vafamál að ræða,
skal það borið undir stjórn L. I. Þetta gildir jafnt hvort
um er að ræða samninga við einstaka menn, félðg eða
fyrirtæki. Ber stjórninni að hraða sem mest afgreiðslu
slíkra mála, og afgreiða þau eigi síðar en 7 til 14 dögum
eftir að málið barst henni í hendur. Stjórninni skal og
skylt að leiðbeina og aðstoða eftir föngum við slíka
samninga og þá einnig skerast í leikinn, ef hún fær vitn-
eskju um, að hagur eða réttur einhvers félaga sé fyrir
borð borinn.
Þá ber stjórninni og að vara opinberlega við stöðum
eða embættum, er hún telur að einhverju leyti varhuga-
verð eða óaðgengileg fyrir lækna.
Enginn félagsmaður má starfa fyrir utanfélagslækni
né vinna hjá fyrirtæki, sem hefur í sinni þjónustu utan-
félagslækni. Þó getur stjórnin veitt undanþágu frá þessu
ákvæði, ef hún telur mikið við liggja eða almennings heill
varða. Skal hún leggja það undir næsta aðalfund til sam-
þykkis.
Ekki má neinn félagsmaður heldur sækja um stöður eða
embætti, nema þau hafi verið auglýst til umsóknar og það
með minnst 4 vikna fyrirvara.
10. gr. — Félagið hefur reglur um framkomu lækna sín
í milli (Codex ethicus) og eru allir félagsmenn skyldir að
hlýða þeim.
11. gr. — Nú telur stjórnin, að einhver félagi hafi gert
sig brotlegan gegn codex ethicus, lögum félagsins eða að-
hafst eitthvað, sem ekki þykir stéttinni samboðið, og skal
hún þá, að athuguðu máli, skýra hinum brotlega frá áliti
sínu og leita umsagnar hans og málsbóta. Ef stjómin nú,
að því fengnu, telur að ekki sé um alvarlegt brot að ræða,
en hins vegar sannað, að læknirinn hafi í einhverju brot-
ið í bág við félagsheit sitt eða læknisskyldur, þá skal hún
í kyrrþey gefa honum áminningu og bróðurlega benda hon-