Árbók Læknafélags Íslands - 01.01.1939, Page 38
38
og til þeirra, sem voru orðnir öryrkjar áður en þeir gátu
tryggt sér örorkulífeyri samkvæmt nýju lögunum.
Þangað til Lífeyrissjóður Islands tekur til starfa, er út-
hlutun ellilaunanna í höndum bæjar- og sveitarfélaganna,
enda er til þess ætlast, að þau leggi fram meginhluta þess
fjár, sem árlega er varið til ellilauna og örorkubóta.
Úthlutunin fer fram í 2 flokkum, þannig að í fyrra
flokknum eru aðeins þeir, sem komizt geta af með sem
samsvarar hálfum ellilífeyri eða minna, eins og hann verð-
ur, þegar Lífeyrissjóður hefur tekið til fullra starfa. Að-
eins þeir, sem ekki hafa næsta ár á undan notið almenns
framfærslustyrks, koma til greina í þessum flokki.
I hinum flokknum eru öll þau gamalmenni og öryrkjar,
sem ekki geta komizt af með sem svarar hálfum ellilífeyri,
eða sem hafa þegið almennan framfærslustyrk næsta ár
á undan.
Þeim skal úthluta allt að eðlilegum meðalframfærslu-
eyri einstaklings i hverju byggðarlagi og skal haga úthlut-
uninni svo, að þau þurfi ekki fyrirsjáanlega að njóta al-
menns framfærslustyrks ásamt eillilaununum eða örorku-
bótunum.
Það er gert ráð fyrir, að úthlutunin fari fram heima í
héraði í októbermánuði.
Þeir, sem samkvæmt lögum koma til greina við úthlut-
unina, eru gamalmenni eldri en 67 ára og öryrkjar, sem
yngri eru. Öryrkjar teljast í þessu sambandi aðeins þeir,
sem misst hafa varanlega meira en helming starfsorku
sinnar. Ennfremur koma þeir, sem undanfarið hafa notið
ellistyrks, til greina við úthlutunina þótt yngri séu en 67
ára og þó þeir hafi ekki misst hálfa starfsorku sína og
geta þannig komizt undir örorkuákvæðið. Þeir, sem þann-
ig koma til greina við úthlutun ellilauna og örorkubóta
verða því:
1. Gamalmenni eldri en 67 ára.
2. Þeir, sem notið hafa ellistyrks samkvæmt eldri lög-
um um ellistyrk, þó yngri séu en 67 ára.
3. Þeir, sem yngri eru en 67 ára, en hafa misst meir en
helming starfsorku sinnar.