Dagskrá: tímarit um þjóðfélagsmál - 01.01.1946, Side 36

30
DAGSKRÁ
útgerðin færast í svipað horf að
meira eða minna leyti og verður
þá byggt á aldagömlum venjum
sjómanna um hlutaskipti.
Sjálfsagt munu bæir og sveit-
arfélög taka meiri þátt í útgerö
hér eftir en verið hefur og er
sennilegt að það verði bæði með
sjálfstæðum rekstri þeirra og
þátttöku í útgerðarfélögum. Hitt
er sennilegast að einstaklingar
muni jafnhliða gera út og reka
frystihús og slíkar stofnanir
jafnhliða félagssamtökum al-
mennings. En þeir munu þar
verða að semja sig að háttum
keppinautanna eins og kaup-
félögin hafa hvarvetna utan
Reykjavíkur tekið forystu í
verzlunarmálunum og kennt
kaupmannastéttinni betri háttu
en henni voru áður eiginlegir.
Héreftir verður atvinnurekand-
inn eins og smákaupmaðurinn
úti á landi að keppa við samtök
fólksins.
íslendingar bera'djúpa virð-
ingu fyrir framtaki og mann-
dómi og þeir elska sjálfstæði og
athafnafrelsi. Hins vegar hefur
aldalöng barátta við kúgun gert
þeim yfirdrottnun og ofbeldis-
kenndan fjárdrátt ógeðfelldan.
Með vaxandi menntun og víð-
sýni er það að verða þjóðinni
eiginlegt að hafa jafna óbeit á
hnefarétti og yfirgangi sem
þrælslund og dáðleysi. Mér virð-
ast því allar líkur benda til þess
að íslendingar muni bráðlega
aðhyllast að mestu leyti það
form og fyrirkomulag sem gerir
allt í senn að glæða félagsskyn
og þegnskap og örva framtak og
dáð almennings, eyða tortryggni
og ríg og hindra arorán og fé-
flettingu. Þannig má byggja upp
samfélag frjálsra manna á
grundvelli jafnréttis og bræðra-
lags.