Morgunblaðið - 09.07.2012, Síða 6

6 FRÉTTIRInnlent
MORGUNBLAÐIÐ MÁNUDAGUR 9. JÚLÍ 2012
– FULLT HÚS ÆVINTÝRA
REYKJAVÍK • AKUREYRI
ellingsen.is
Hjá Ellingsen færðu
vandaðan útivistarfatnað.
Jakkar, buxur, skór og
margt fleira.
Skúli Hansen
skulih@mbl.is
„Við styðjum það að vera þátttakendur í kerfinu en
við höfum ekki séð hvers vegna þessi óskaplegi flýt-
ir var nauðsynlegur og hvers vegna varð að hlaupa
framhjá því að þetta yrði tekið inn í EES samning-
inn og hvers vegna ekki mátti sjá drög að aðlög-
unartexta, sem hlýtur að liggja fyrir, um innleið-
ingu þessarar tilskipunar inn í EES samninginn,“
segir Pétur Reimarsson, forstöðumaður stefnumót-
unar- og samskiptasviðs Samtaka atvinnulífsins
(SA), aðspurður hvort sá flýtir sem var á setningu
laga um loftslagsmál hafi stafað af því að málið gæti
varðað háar upphæðir fyrir íslensk fyrirtæki, líkt og
ummæli Þuríðar Backman, þingmanns VG, í Morg-
unblaðinu sl. laugardag gáfu til kynna.
Spurður nánar út í þann flýti sem á málinu var
segir Pétur: „Við könnumst vel við það að
umhverfisráðuneytið lagði ofuráherslu á það að
þetta yrði samþykkt á þessum tíma.“ Þá segist
hann ekki hafa skilið þann flýti sem var á málinu.
„Þetta kom alltaf munnlegt frá umhverfis-
ráðuneytinu. Það var aldrei neitt skriflegt lagt
fram. Það var ekkert samráð haft við hagsmuna-
aðila við undirbúning frumvarpsins, ekkert samráð
um hvað væri í raun og veru í gangi, þannig að
menn mátu það þannig að leggja fram alla þessa
fyrirvara, sem höfðum um málið í umsögninni okk-
ar, í þinginu,“ segir Pétur.
Aðspurður hvort SA hafi ekki fengið neinn rök-
stuðning fyrir þessum flýti frá ráðuneytinu segir
Pétur svo ekki vera. „Við fengum aðeins einhver orð
um það að ESB legði svo mikla áherslu á að þetta
væri nauðsynlegt til þess að komast inn í einhverja
úthlutun en við fengum aldrei að sjá neitt um það
hvers vegna svo væri,“ segir Pétur og bætir við að
þeir hafi heldur ekki séð aðlögunartextann um inn-
leiðingu þessarar tilskipunar inn í EES samning-
inn.
Pétur bendir einnig á að síðasta sumar, á loka-
dögum þingsins, hafi verið samþykkt ákvæði sem
að skikkaði fyrirtæki til að sækja um losunarleyfi,
sem var fyrsti þáttur þessarar innleiðingar. „Við
tókum þátt í því þrátt fyrir að þetta hafi verið mjög
skrýtið, fyrirtækin fengu einhverja örfáa daga eftir
að lögin voru samþykkt til að sækja um þetta. Síðan
gerist hið sama núna, það er einhver algjör neyð og
fyrirtækin eiga að sækja um og gera eitthvað með
örfárra daga fyrirvara eftir að lögin voru samþykkt.
Þetta eru vond vinnubrögð,“ segir Pétur.
SA gagnrýna samráðsleysi
 Pétur Reimarsson segist ekki skilja þann flýti sem var á loftslagsmálinu  SA segja ekkert samráð
hafa verið við hagsmunaaðila við undirbúning frumvarpsins  Segja engin rök hafa verið færð fyrir flýti
Loftslagsmál
» Samtök atvinnulífsins styðja
það að Ísland sé þátttakandi í
kerfinu.
» Samtökin segja umhverfis-
ráðuneytið ekki hafa haft neitt
samráð við hagsmunaaðila
vegna málsins.
» Segjast ekki hafa fengið að
sjá hvers vegna sá flýtir sem
einkenndi málið var nauðsyn-
legur.
» SA gagnrýna harðlega
vinnubrögð ráðuneytisins.
Við höfum ekki séð hvers
vegna þessi óskaplegi flýtir
var nauðsynlegur.
Pétur Reimarsson
Íslenski safnadagurinn var haldinn í gær, en hann er hald-
inn ár hvert fyrsta sunnudag í júlí. Boðið var upp á fjöl-
breytta dagskrá í söfnum um allt land og ókeypis var inn á
flest söfn landsins.
Menningarmiðstöð Þingeyinga hlýtur Safnaverðlaunin
2012 fyrir áhugaverða nálgun við gerð nýrrar grunnsýn-
ingar í Safnahúsinu á Húsavík. Forseti Íslands afhenti
verðlaunin við hátíðlega athöfn á Bessastöðum í gær.
„Það var mikið fjör og mikil gleði á Bessastöðum. Þetta
er gríðarlegur heiður fyrir safnið og við erum mjög stolt af
verðlaununum,“ segir Sif Jóhannesdóttir, forstöðumaður
Menningarmiðstöðvar Þingeyinga.
Spennandi samhengi
Í rökstuðningi dómnefndar kemur fram að við gerð sýn-
ingarinnar sé valin sú leið að draga upp mynd af sögu
byggðarinnar í samspili manns og náttúru í stað hefð-
bundinnar aðgreiningar á menningu og náttúru. Menning-
arminjar og náttúrugripir séu þannig sett í nýtt og spenn-
andi samhengi.
Dómnefndin telur einnig að sýningarrýmið sé hag-
anlega nýtt, þannig að sýningargripir og textar veki for-
vitni gesta. Sérkennum svæðisins og náttúrunýtingu séu
gerð góð skil, en á textaspjöldum eru frásagnir heimafólks
sem gefa trúverðuga mynd og bregða ljósi á sögu svæð-
isins á tímabilinu 1850-1950.
„Sýningin er mjög falleg og áhugaverð. Hún hefur feng-
ið mikla athygli frá bæði íslenskum og erlendum gestum.
Sýningartextarnir eru t.a.m. allir unnir út frá persónu-
legum heimildum. Það var mikið vandað til verka í und-
irbúningsvinnu sýningarinnar og við fengum til okkar
mikla fagmenn sem gerðu mikið fyrir sýninguna,“ segir
Sif, en sýningin hefur staðið yfir frá árinu 2010.
Dómnefndin telur að í sýningunni „Mannlíf og náttúra –
100 ár í Þingeyjarsýslum“ sé sleginn nýr og hressilegur
tónn í sýningargerð safna. Um leið og hefðbundnir ramm-
ar hafi verið víkkaðir út byggist sýningin á traustum
grunni sem hefur myndast fyrir tilstuðlan ötuls söfn-
unarstarfs í rúm sextíu ár.
Þrjú söfn hlutu tilnefningu
Þrjú söfn hlutu tilnefningu til Safnaverðlaunanna 2012.
Menningarmiðstöð Suður-Þingeyinga fyrir endurnýjun á
grunnsýningu í Safnahúsinu á Húsavík, Listasafn Einars
Jónssonar fyrir innihaldsríka heimasíðu vel tengda hlut-
verki safnsins og markmiðum, Þjóðminjasafn Íslands fyrir
Handbók um varðveislu safnkosts. pfe@mbl.is
„Þetta er gríðarlegur
heiður fyrir safnið“
 Menningarmiðstöð Þingeyinga hlaut Safnaverðlaunin
sem forseti Íslands veitti við athöfn á Bessastöðum í gær
Morgunblaðið/Golli
Viðurkenning Sif Jóhannesdóttir, forstöðumaður Byggðasafns Suður-Þingeyinga, veitti verðlaununum viðtöku.
Safnahús Dómnefndin telur að í sýningunni sé sleginn
nýr og hressilegur tónn í sýningargerð safna.
„Ég minni á þá staðreynd að það er
alllangt síðan það var sett reglugerð
um að á sölustað bæri að gefa upp
upprunaland á grænmeti, þannig að
verslanir eiga að gefa upp hvaðan
varan kemur,“ segir Jóhannes Gunn-
arsson, formaður Neytendasamtak-
anna, aðspurður út í fullyrðingar
Georgs Ottóssonar, formanns Sölu-
félags garðyrkjumanna, í Morgun-
blaðinu sl. laugardag, þess efnis að
það sé kannski verið að selja inn-
flutta tómata í kössum frá Sölufélagi
garðyrkjumanna.
Að sögn Jóhannesar er að sjálf-
sögðu verið að vísa til þess að um sé
að ræða íslenska tómata ef verslun
setur erlenda tómata í kössum frá
Sölufélagi garðyrkjumanna án þess
að vísa nánar til uppruna tómatanna.
„Þetta er lögbrot og ég geri kröfu til
þess að heilbrigðiseftirlit sveitar-
félaga fylgi því eftir að ekki sé verið
að svindla á þessu,“ segir Jóhannes
og bætir við að upplýsingar um upp-
runa grænmetis séu mikilvægar og
að þær tryggi að neytendur hafi
frjálst og upplýst val.
Hafa heyrt af þessu áður
Aðspurður hvort Neytenda-
samtökin hafi heyrt dæmi um þetta
áður segir Jóhannes svo vera. „Þetta
er ekki nýtt og við höfum verið að
minna verslanir á þessar reglur um
upprunaland. Ef við fáum kvartanir
til að mynda frá neytanda sem telur
að verið sé að selja erlenda vöru sem
íslenska, eða ef það vantar uppruna-
land, þá sendum við ávallt viðkom-
andi verslun erindi þar sem við
minnum á þessar reglur og að þeim
beri að fara eftir,“ segir Jóhannes.
Hann segir ástandið varðandi
upprunamerkingar hafa skánað eftir
að hinar nýju reglur voru settar fyrir
nokkrum árum en það séu þó alltaf
einhverjir sem reyni að komast
framhjá reglunum. „Áður en þessar
reglur komu þá vantaði mjög mikið
upp á að það væri yfirleitt verið að
gefa upp upprunaland viðkomandi
grænmetis enda var þá ekki verið að
brjóta lög. Það var mikill skortur á
slíkum upplýsingum,“ segir
Jóhannes. skulih@mbl.is
Ber að upplýsa
um upprunaland
 Krefst þess að reglum sé framfylgt
Ljósmynd/Úr safni Neytendasíðunnar
Upprunamerkingar Verslunum ber
að merkja uppruna grænmetis.