Morgunblaðið - 27.07.2012, Page 22
Indónesísk lögreglukona skoðar uppstoppaða
Súmötru-tígra sem lagt var hald á í vöruhúsi ná-
lægt Jakarta í vikunni sem leið. Í húsinu fundust
alls fjórtán uppstoppaðir Súmötru-tígrar sem
eru í mikilli útrýmingarhættu í Indónesíu. Áætl-
að er að innan við 400 slíkir tígrar lifi í náttúr-
unni á Súmötru. Fækkun tígranna er einkum
rakin til ólöglegra veiða og eyðileggingar á
kjörlendi þeirra, regnskógunum.
AFP
Í mikilli hættu vegna ólöglegra veiða
Fjórtán uppstoppaðir Súmötru-tígrar fundust í vöruhúsi í Indónesíu
22 FRÉTTIRErlent
MORGUNBLAÐIÐ FÖSTUDAGUR 27. JÚLÍ 2012
Aurora. AFP. | 24 ára Bandaríkjamaður, sem
var handtekinn fyrir að myrða tólf manns og
særa 58 í skothríð í bænum Aurora í Colo-
rado í vikunni sem leið, er sagður hafa sent
böggul til geðlæknis í háskólanum þar sem
hann var við nám. Bandarískir fjölmiðlar
segja að í bögglinum hafi verið glósubók og
teikningar sem lýsi því hvernig maðurinn
ætlaði að fremja fjöldamorð.
Fjölmiðlunum ber ekki saman um hvenær
böggullinn kom í skólann í pósti, hvort það
var nógu snemma til að hægt hefði verið að
afstýra skotárásinni. Fox News hefur eftir
ónafngreindum heimildarmanni í lögreglunni
að böggullinn hafi borist Háskólanum í Colo-
rado 12. júlí og ekki verið opnaður fyrr en
nokkrum dögum eftir að fjöldamorðið var
framið 20. júlí. „Inni í pakkanum var glósu-
bók þar sem því var lýst í smáatriðum hvern-
ig hann ætlaði að drepa fólk. Í henni voru líka
teikningar sem sýndu hvað hann ætlaði að
gera, teikningar af fjöldamorðinu,“ sagði
heimildarmaðurinn.
Láti skynsemina ráða
Fox News hefur þó eftir öðrum heimildar-
manni í lögreglunni að ekki hafi verið staðfest
að böggullinn hafi komið í skólann í pósti áð-
ur en fjöldamorðið var framið. Dagblaðið The
Denver Post segir að böggullinn hafi borist
skólanum nokkrum dögum eftir skotárásina.
Ennfremur hefur verið skýrt frá því að
maðurinn hafi keypt öflugan riffil eftir að
hafa fallið á mikilvægu munnlegu prófi í há-
skólanum 7. júní. Maðurinn hafði fengið sér-
stakan styrk frá ríkinu fyrir nám í
taugalíffræði en hætti námi án skýringa
þremur dögum eftir prófið.
Barack Obama Bandaríkjaforseti sagði í
ræðu í fyrradag að hann vildi beita sér fyrir
aðgerðum, sem byggðust á „heilbrigðri skyn-
semi“, til að koma í veg fyrir fleiri fjöldamorð
með öflugum árásarvopnum. Hann lagði þó
ekki til neinar breytingar til að herða byssu-
löggjöfina. „Ég tel að þorri byssueigenda
myndi samþykkja að við ættum að gera allt
sem mögulegt er til að koma í veg fyrir að
glæpamenn og flóttamenn geti keypt vopn,“
sagði forsetinn. Hann bætti við að kanna
þyrfti hvort menn væru á sakaskrá áður en
þeir gætu keypt byssur. Skv. núgildandi lög-
um ber byssuverslunum í Colorado að gera
þetta og fjöldamorðinginn mun ekki hafa
verið á sakaskrá.
Hafði varað við fjöldamorðinu í Aurora
Fjöldamorðingi sagður hafa sent geðlækni í háskóla böggul þar sem hann hafi lýst drápunum
Obama hvetur til aðgerða til að koma í veg fyrir skotárásir án þess að leggja til lagabreytingar
AFP
Sorg Kveikt á kertum við minningarathöfn í
Hollywood um þá sem létu lífið í Aurora.
Bogi Þór Arason
bogi@mbl.is
Gu Kailai, eiginkona fyrrverandi
frammámanns í kínverska kommún-
istaflokknum, hefur verið ákærð fyr-
ir morð á breska kaupsýslumannin-
um Neil Heywood. Henni var lýst
sem „Jackie Kennedy Kína“ þegar
mestur völlur var á henni og eigin-
manni hennar, en hún á nú yfir höfði
sér dauðadóm verði hún fundin sek
um morðið.
Bandaríski lögmaðurinn Ed
Byrne, sem starfaði með Gu Kailai í
nokkur ár, sagði að hún væri „mjög
aðlaðandi, gædd miklum persónu-
töfrum og bráðfyndin“. „Fólk lýsti
henni og eiginmanni hennar sem
Jack og Jackie Kennedy Kína.“
Gu hefur einnig getið sér orð fyrir
að vera mjög metnaðarfull og föst
fyrir. Hún nam lögfræði við Pek-
ingháskóla, hóf lögmannsstörf árið
1987 og stofnaði síðar eigin lög-
mannastofu. Hún naut mikillar virð-
ingar fyrir störf sín og varð fyrsti
kínverski lögmaðurinn til að fara
með sigur af hólmi í mikilvægu áfrýj-
unarmáli fyrir bandarískum dóm-
stólum árið 1997 þegar hún gætti
hagsmuna nokkurra kínverskra
fyrirtækja. Hún lýsti þessari reynslu
sinni í tveimur bókum sem rokseld-
ust í Kína.
Hún hætti þó störfum og lokaði
lögmannastofunni árið 2001 þegar
eiginmaður hennar var orðinn mjög
valdamikill og útlit var fyrir að hann
yrði einn af voldugustu mönnum
Kína.
Fjölmiðlar í Kína segja að Gu hafi
verið ákærð fyrir morð að yfirlögðu
ráði á Neil Heywood sem fannst lát-
inn á hótelherbergi í Kína í nóvem-
ber. Kínverska fréttastofan Xinhua
sagði í apríl að Gu og sonur hennar
hefðu átt í deilu við Heywood vegna
„fjárhagslegra hagsmuna“.
„Jackie Kennedy Kína“ ákærð
Metnaðarfullt par Gu Kailai með
manni sínum þegar allt lék í lyndi.
Eiginkona fyrrverandi frammámanns í kommúnistaflokknum á yfir höfði sér
dauðadóm Gu Kailai hefur verið ákærð fyrir morð á breskum kaupsýslumanni
Hælisleitendum hefur fjölgað mjög
í Danmörku í ár og þeir hafa ekki
verið jafnmargir í mörg ár. Í fyrra
sóttu 3.936 manns um hæli í Dan-
mörku og umsækjendurnir í ár eru
þegar orðnir 3.108, að sögn Politi-
ken. Blaðið hefur eftir lögreglu-
yfirvöldum að búist sé við því að
alls sæki rúmlega 6.000 manns um
hæli í Danmörku á öllu árinu. Flest-
ir umsækjendurnir koma frá Sóm-
alíu og hælisleitendum frá Sýrlandi
hefur einnig fjölgað.
Borgaralegu flokkarnir segja að
hælisleitendunum hafi fjölgað
vegna þess að stjórn vinstriflokk-
anna hafi sýnt of mikla linkind í
málefnum flóttamanna. Stjórnar-
flokkarnir neita þessu, segja að
engu hafi verið breytt í þessum efn-
um og hælisleitendum hafi einnig
fjölgað í öðrum löndum Norður-
Evrópu vegna efnahagskreppunnar
í Suður-Evrópu, m.a. Grikklandi.
Hælisleitendum
hefur stórfjölgað
DANMÖRK
Bo Xilai, eiginmaður Gu Kailai,
hefur verið sakaður um spill-
ingu og talið er að honum sé
haldið í stofufangelsi. Mál hans
virðist vera þáttur í harðri
valdabaráttu fyrir væntanlega
uppstokkun í forystusveit
flokksins í haust. Bo átti sæti í
stjórnmálaráði flokksins, æðstu
valdastofnun hans, og búist
hafði verið við að hann yrði
skipaður í fastanefnd ráðsins
sem tekur allar lykilákvarðanir í
kínverskum stjórnmálum.
Fallið er hátt
HÖRÐ VALDABARÁTTA
Lögmenn fjöl-
skyldna þeirra
sem biðu bana í
fjöldamorðunum
í Noregi fyrir ári
mótmæltu því í
gær að hljóð-
upptaka af loka-
yfirlýsingu
fjöldamorðingj-
ans hefur verið
birt á netinu.
Þýskur notandi setti upptökuna á
Youtube og sagðist hafa fengið
hana frá stjórnmálamanni í norska
Framfaraflokknum sem fjölda-
morðinginn var í um tíma.
Dómstóll í Ósló hafði bannað birt-
ingu hljóð- eða sjónvarpsupptakna
á 45 mínútna langri lokayfirlýsingu
fjöldamorðingjans, en heimilað
birtingu textans.
NOREGUR
Upptöku á loka-
yfirlýsingu mótmælt
Fórnarlambanna
minnst í Ósló.
Lögreglumenn voru kallaðir út til
að koma á lögum og reglu við hrað-
banka í Ipswich á Englandi í fyrra-
dag eftir að hann byrjaði að dæla út
helmingi meiri peningum en við-
skiptavinirnir báðu um. Til rysk-
inga kom milli borgarbúa sem
þyrptust að bankanum þegar þeir
fréttu að hann dældi út „ókeypis
peningum“ vegna tæknigalla og
lögreglumenn héldu fólkinu í skefj-
um á meðan starfsmenn bankans
lagfærðu gallann. Hermt er að um
30 manns hafi hagnast á tæknigall-
anum en ekki var ljóst hversu mikl-
um peningum bankinn tapaði.
ENGLAND
Hraðbanki dældi út
„ókeypis peningum“