Morgunblaðið - 12.02.2013, Blaðsíða 14
14 FRÉTTIRInnlent
MORGUNBLAÐIÐ ÞRIÐJUDAGUR 12. FEBRÚAR 2013
raestivorur.is
Stangarhyl 4, 110 Reykjavík, Sími: 520 7700
Við erum grænni
og elskum að þjónusta
Rétt magn af hreinlætisvörum sparar
pening – láttu okkur sjá um það
Hafðu samband og fáðu tilboð
Lionshreyfingin efnir til málþings í
Norræna húsinu þriðjudaginn 12.
febrúar kl. 16:30-18:30 undir heit-
inu Ólæsi á Íslandi. Allir eru vel-
komnir og aðgangur er ókeypis.
„Á málþinginu fjallar fagfólk um
þennan mikla vanda og leitar
lausna. Markmiðið er að vekja at-
hygli og kveikja áhuga, meðal
Lionsfélaga, fagfólks og almenn-
ings, svo við getum í sameiningu
bætt læsi Íslendinga, jafnt barna
sem fullorðinna,“ segir í frétta-
tilkynningu frá Lionshreyfingunni.
Fyrirlesarar á málþinginu verða
Steinunn Torfadóttir, lektor í lestr-
arfræði og sérkennslu við Háskóla
Íslands, Guðmundur D. Krist-
mundsson, dósent í íslenskukennslu
og lestrarfræði við Háskóla Íslands,
og Andri Snær Magnason rithöf-
undur.
Morgunblaðið/Sverrir
Ólæsi Málþingið verður í Norræna húsinu.
Málþing Lions um
ólæsi á Íslandi
Eins og síðast-
liðinn 12 ár
munu þingmenn
og ráðherrar
lesa passíusálma
sr. Hallgríms
alla daga föst-
unnar kl. 18 í
Grafarvogs-
kirkju.
Steingrímur J. Sigfússon
atvinnuvegaráðherra les 1. sálm-
inn á morgun, öskudag. Þorgerð-
ur Katrín Gunnarsdóttir les 2.
sálminn á fimmtudag og síðan
koma þeir hver á fætur öðrum.
Ragnheiður Elín Árnadóttir les
50. sálminn 27. mars næskom-
andi. Grafarvogskirkja hvetur
fólk til að líta inn á leiðinni heim
og hlýða á passíusálmana.
Þingmenn lesa
passíusálmana
„Hvaða gagn gera frjáls félaga-
samtök?“ er heiti málþings sem
fram fer í dag, þriðjudaginn 12.
febrúar, kl. 12:15-13:45 í Háskól-
anum í Reykjavík, fyrirlestrarsal
M101.
Ragna Árnadóttir, formaður Al-
mannaheilla, opnar þingið. Erindi
flytja Una María Óskarsdóttir,
Björn Þorsteinsson og Ketill B.
Magnússon. Fyrirspurnir verða að
loknum erindum.
Málþing í HR um
frjáls félagasamtök
STUTT
Kjartan Kjartansson
kjartan@mbl.is
Hluti fyrrverandi stjórnenda og
starfsmanna Skógræktarstöðvar-
innar Barra á Valgerðarstöðum í
Fellum stendur nú fyrir hlutafjár-
söfnun til þess að halda megi rekstri
stöðvarinnar áfram. Stjórn fyrir-
tækisins fór fram á gjaldþrotaskipti
í síðasta mánuði. Atvinnumálanefnd
Fljótsdalshéraðs hefur meðal ann-
ars lagt til að sveitarfélagið leggi til
hlutafé allt að fimm milljónum
króna.
„Ég er hóflega bjartsýnn ef við
fáum einhverja sem hafa áhuga á að
koma með hlutafé inn í reksturinn.
Það vantar ennþá eitthvað upp á af
loforðum en það er farið að saxast á
það. Við stefnum á að safna tuttugu
milljónum í hlutafé,“ segir Skúli
Björnsson, fyrrverandi fram-
kvæmdastjóri Barra.
Vonir þeirra standa til að geta
keypt birgðir og lausafé hins gjald-
þrota fyrirtækis og leigt húseign-
irnar af Byggðastofnun. Tólf manns
hafa starfað hjá Barra en takist að
koma starfseminni í gang á nýjan
leik gætu fjögur ársverk haldið sér
á Austurlandi til að byrja með.
„Áætlanir okkar gera ráð fyrir
lágmarksrekstri næstu þrjú árin.
Um leið og eitthvað bætist við verk-
efni bætast við störf,“ segir hann.
Haldi í þekkingu starfsfólksins
Barri hefur verið starfandi frá
árinu 1990 og var lengi með 40-50%
af landsframleiðslu plöntugeirans að
sögn Skúla. Eftir hrunið dró ríkið
hins vegar úr skógrækt og fyrirtæk-
ið náði ekki hlutdeild í útboðum.
Þegar svo var komið að Barri gat
ekki lengur staðið við skuldbinding-
ar sínar var fyrirtækið tekið til
gjaldþrotaskipta.
Skúli segir að ef það takist að
koma rekstrinum aftur í gang standi
til að fara af stað með þróunarverk-
efni sem felst í ræktun á jarðarberj-
um og öðrum berjaplöntum sem hafi
hingað til verið fluttar inn. „Við er-
um að leita eftir áhugasömum að-
ilum til þess að halda þessu áfram
til þess að glata ekki þekkingunni úr
fyrirtækinu og áratugareynslu
starfsmanna af ræktun. Hún er fljót
að fara ef starfsfólkið tvístrast,
starfsemin byggist mikið til á þeirra
reynslu,“ segir hann.
Reyna að fá Barra til
að dafna á nýjan leik
Hlutafjársöfnun til að endurreisa reksturinn fyrir austan
Skógrækt Frá Tumastöðum í Fljótshlíð þar sem Skógræktarstöðin Barri hef-
ur haft gróðrarstöð. Hún verður áfram lokuð jafnvel þó að takist að afla nýs
hlutafjár til þess að hefja rekstur Barra á ný fyrir austan á Valgerðarstöðum.
Gangi skipasmíðar ekki upp þarf að
snúa sér að einhverju öðru. Athafna-
maðurinn Regin Grímsson fram-
leiddi svonefnda Gáskabáta á árum
áður, fór síðan út í húsabyggingar og
reynir nú fyrir sér við smíði á tjald-
vögnum.
„Bankinn hvatti mig til að hætta
að smíða báta og fara að byggja hús
þar sem við værum ekki lengur fiski-
menn heldur bankafólk,“ segir Reg-
in. Hann segist hafa trúað fulltrúum
bankans og heilbrigðisvottorðum
virtra, erlendra matsfyrirtækja um
ágæti íslenska hagkerfisins en síðan
setið uppi með tvö hús og atvinnu-
laus. Til að hafa eitthvað að gera hafi
hann snúið sér að því að smíða kaj-
aka. „Það var mjög gaman að fara
með kajakana út á land og veiða en
þá vantaði mig gistingu á staðnum og
ákvað þess vegna að smíða mér tjald-
vagn.“ Hann segist hafa beitt sömu
aðferð og þegar hann var í bátasmíð-
inni. Þá hafi hann skoðað gömlu trill-
urnar og betrumbætt þær, komið
með trefjaplast og gert þær mun
hraðskreiðari. „Ég nálgaðist tjald-
vagnana með svipuðu hugarfari og
hannaði þá með okkar veðurfar og
vegi í huga. Það er tjaldvagninn Einn
léttur.“
Fyrsti vagninn var tilbúinn sum-
arið 2011 og hefur Regin haft hann til
eigin nota síðan. Hann smíðaði annan
eins tjaldvagn en viðurkennir nú að
þeir hafi verið of flottir, „of 2007“
eins og hann orðar það. Mikið hafi
verið í þá lagt með alls konar íhlutum
eins og loftpúðafjöðrun, hitakerfi og
springdýnum frá Ragnari Björns-
syni. Fyrir vikið hafi þeir verið of
dýrir, kostað um 2,5 milljónir króna,
og því hafi hann sleppt öllum auka-
hlutum í þriðja vagninum, sem kosti
um 1,5 milljónir króna. Hann sé því
mun ódýrari og sambærilegur í verði
og innfluttir vagnar. „Síðan er ekkert
mál að bæta við aukahlutum eftir
efni og ástæðum,“ segir Regin.
Vatnsþéttur
Að sögn Regins er nýi tjaldvagn-
inn, sem er um 280 kg, sérstakur að
því leyti að hægt er að flytja á honum
allt að 500 kg fjórhjól með einföldum
hætti. „Ég hef til gamans sagt að það
mætti hengja á hann utanborðs-
mótor og sigla á honum til Vest-
mannaeyja,“ segir Regin og vísar til
þess að vagninn sé byggður eins og
bátur, sé bæði vatns- og rykþéttur.
„Þetta eru tvö stykki án samskeyta,“
áréttar hann.
Rýmið í tjaldvagninum er um 12
fermetrar, tvö svefnrými, þurrkrými,
eldhús og setustofa, en nánari lýsing
á honum er á heimasíðu Regins
(einnlettur.is). Hann segist geta
smíðað vagna eftir pöntunum og það
taki um sex vikur að búa til einn
vagn. „Ég er sannfærður um að það
er markaður fyrir svona vagna í ýms-
um útfærslum,“ segir hann.
Ljósmynd/Regin
Einn léttur Tjaldvagninn getur flutt allt að 500 kílóa fjórhjól.
Úr bátasmíði í
smíði tjaldvagna
Björn Ingimarsson, bæjarstjóri Fljótsdalshéraðs, seg-
ir að tillaga atvinnumálanefndar um að leggja Barra
til hlutafé verði væntanlega tekin fyrir í bæjarráði í
næstu viku.
Hann telur líklegt að það verði skoðað alvarlega að
sveitarfélagið hafi aðkomu að málinu.
„Það er mikilvægt að þessi starfsemi haldi áfram
með einum eða öðrum hætti. Þarna hafa menn bæði
unnið við hefðbundna trjáplönturækt og þróunarstörf
sem væri synd að sjá hverfa,“ segir Björn.
BÆJARSTJÓRINN
Björn Ingimarsson
„Synd að sjá hana hverfa“