Morgunblaðið - 17.05.2013, Blaðsíða 15

FRÉTTIR 15Innlent
MORGUNBLAÐIÐ FÖSTUDAGUR 17. MAÍ 2013
Lára Halla Sigurðardóttir
larahalla@mbl.is
„Við vildum hafa samræmd viðbrögð
þannig að það kæmust ein og sömu
skilaboðin til allra foreldra,“ segir
Þröstur Freyr Gylfason, formaður
foreldrafélags Grandaskóla. Eftir at-
vik sem átti sér stað í Vesturbænum á
þriðjudaginn, þar sem maður nam
stúlku á ellefta aldursári á brott á leið
hennar heim úr skóla og er talinn hafa
brotið gegn henni, sendu formenn
foreldrafélaga grunnskóla Vestur-
bæjar sameiginlegan tölvupóst til for-
eldra í hverfinu. Í bréfinu er farið yfir
stöðu mála og foreldrar barna í hverf-
inu hvattir til að ræða málin í róleg-
heitum við börn sín.
Fólkið lætur sig málið varða
„Þetta er okkar samfélag, þetta
snertir okkur öll,“ segir Þröstur. „Við
höfum auðvitað áhyggjur, þetta er
mjög alvarlegur atburður.“
Hann segir formennina hafa fengið
fjölmargar hringingar í kjölfar tölvu-
póstsins. „Fólk lætur sig þetta varða
og veltir fyrir sér hvernig best er að
bregðast við,“ segir Þröstur. „For-
eldrar og forráðamenn barnanna í
hverfinu vilja bregðast sem réttast
við.“
Formennirnir hafa nú þegar óskað
eftir upplýsingafundum með lögreglu
þar sem foreldrar, kennarar og aðrir
sem láti sig málið varða séu velkomn-
ir. „Ég held að samfélagið allt láti sig
þetta varða,“ segir Þröstur. Mark-
miðið með slíkum fundi sé að fá ráð
frá lögreglunni. „Við viljum einnig fá
tækifæri til að spyrja spurninga milli-
liðalaust.“
Þá velta foreldrarnir einnig fyrir
sér hvort möguleiki sé á að auka sýni-
leika lögreglunnar eftir að skólanum
lýkur, líkt og á morgnana fyrir utan
grunnskólana. „Við þurfum að vinna
með samfélaginu, þá fáum við mesta
virkni,“ segir Þröstur einnig.
Forvarnirnar skipta máli
„Við viljum einnig að handhægt og
aðgengilegt upplýsingaefni sé til stað-
ar fyrir foreldra, kennara og alla sem
svona mál getur varðað,“ segir Þröst-
ur. Hann segir foreldrafélögin hafa
kallað eftir efni, sem varðar viðbrögð
við aðstæðum sem þessum, þegar
ókunnur einstaklingur gefur sig að
barni „Það eru forvarnirnar sem
skipta mestu máli,“ segir Þröstur. „Í
því liggur að fræða börnin um hvað
eigi að gera í svona aðstæðum.“
Í tilkynningunni koma fram stuttir
og hnitmiðaðir punktar þar sem for-
eldrum er meðal annars bent á að
segja börnum sínum að tala ekki við
ókunnuga og veita umhverfi sínu at-
hygli ef þau upplifa hættu.
Þröstur segir þessar leiðbeiningar
komnar frá fagfólki, en hann vilji sjá
slíkar leiðbeiningar í formlegri útgáfu.
Maðurinn sem nam stúlkuna á
brott situr nú í gæsluvarðhaldi. Í yf-
irheyrslum lögreglu hefur maðurinn
borið fyrir sig minnisleysi. Tekin
verður dómskýrsla af stúlkunni í dag.
Engin vitni hafa gefið sig fram.
Samhugur meðal for-
eldra í Vesturbænum
 Hugmyndir um að auka sýnileika lögreglu eftir skólatíma
Morgunblaðið/Júlíus
Lögregla Foreldrar vilja funda með
lögreglu vegna málsins.
Vilja upplýsingafund
» Stúlka á ellefta aldursári var
numin á brott af manni á fer-
tugsaldri þegar hún var á leið
heim úr skóla.
» Formenn foreldrafélaga
grunnskóla Vesturbæjar sendu
tilkynningu til foreldra barna í
hverfinu.
» Þeir óska eftir upplýs-
ingafundi með lögreglu og
upplýsingaefni fyrir foreldra og
kennara.
Félagið Göngum saman var
stofnað 13. september 2007 í
þeim tilgangi að styrkja íslensk-
ar grunnrannsóknir á brjósta-
krabbameini. Sama haust veitti
félagið rannsóknarstofu dr. Jór-
unnar Erlu Eyfjörð prófessors
fyrsta styrkinn vegna rannsókna
á brjóstakrabbameini og áhrifum
BRCA2-erfðavísisins.
Gunnhildur Óskarsdóttir, for-
maður Göngum saman, sagði að
félagið hefði styrkt grunnrann-
sóknir á brjóstakrabbameini á
hverju ári síðan, þar á meðal
rannsóknir á ættgengi og ætt-
lægni sjúkdómsins. „Vísinda-
menn um allan heim eru að
skoða þessa þætti og við Íslend-
ingar getum lagt okkar af mörk-
um,“ sagði Gunnhildur.
En hvað þykir henni um það
að fólk sem er með stökkbreytt
BRCA2-gen sé
látið vita af því,
líkt og Kári
Stefánsson, for-
stjóri Íslenskrar
erfðagreiningar,
vill?
„Ég held að
maður þurfi að
hugsa það til
enda áður en
slíkra upplýs-
inga er aflað,“ sagði Gunnhildur.
„Það að fá þessar upplýsingar
getur bæði valdið ótta og sett
viðkomandi í mikinn vanda. Ef
ég fer í erfðapróf og í ljós kem-
ur að ég er með þetta gen hvað
ætla ég að gera?“ Gunnhildur
taldi að það gæti verið erfitt,
t.d. fyrir unga konu sem ekki
hefur eignast börn, að fá slíkar
upplýsingar.
GÖNGUM SAMAN STYRKIR RANNSÓKNIR Á BRJÓSTAKRABBA
Málið þarf að hugsa til enda
Gunnhildur
Óskarsdóttir
utilif. is
FRÍTT Í SUNDHJÁ ÍTR MEÐ ÖLLUMSUNDFÖTUMMEÐAN
BIRGÐIR
ENDAST
Konur, sem allar hafa fengið krabbamein og voru á fundi í endurhæfingar-
og stuðningsmiðstöðinni Ljósinu í gær, voru flestar á því að þær hefðu vilj-
að fá að vita af því ef þær væru í meiri hættu en aðrir að fá krabbamein
vegna erfða. Erna Magnúsdóttir, forstöðumaður Ljóssins, sagði að ein kon-
an hefði sagt að hún hefði alls ekki viljað fá slíkar upplýsingar ung að aldri
og eiga svo von á krabbameini alla ævi.
Skoðanir voru mjög skiptar meðal kvennanna í Ljósinu um hvort þær
hefðu viljað látað taka af sér brjóstin, þrátt fyrir að sumar vissu af fleiri
dæmum um einstaklinga í fjölskyldu sinni sem höfðu fengið krabbamein.
„Þetta er mjög flókið mál og greinilega mjög skiptar skoðanir um það,“
sagði Erna. „Konurnar sögðu að það virtist sem það þyrfti þjóðaratkvæða-
greiðslu um hvort það mætti fara í svona persónulegar upplýsingar um
fólk og láta það svo vita af þessum erfðaþætti.“
Margir hafa tjáð sig undanfarna daga um þörfina fyrir yfirvegaða og
vandaða umræðu um hvort upplýsa eigi fólk um aukna áhættu vegna erfða.
Skiptar skoðanir