Monitor - 16.05.2013, Qupperneq 18

18 MONITOR FIMMTUDAGUR 16. MAÍ 2013
Hver er Svavar?
Ég er 20 ára strákur sem býr í Fossvoginum. Ég hef æft fót-
bolta frá því ég man eftir mér og hef gríðarlega mikinn áhuga á
tónlist og tísku.
Hvernig myndir þú lýsa stílnum þínum?
Ég hef aldrei verið þessi týpa sem fylgir alltaf tískunni. Ég
reyni alltaf að finna mér föt sem mér finnst þægilegt að vera
í og sem klæða mig vel. Ég er mjög mikið fyrir flotta jakka og
þá sérstaklega þá sem eru frekar gamaldags og finnst gaman
að gefa gömlum fötum nýtt líf. Þegar ég fer í fín föt finnst mér
gaman að leika mér með slaufu-/bindisvalið þegar ég er með
til dæmis sokka eða vasaklút í stíl. Mér finnst mjög gaman að
eiga flotta skó og hef ég örugglega oftast eytt mánaðarlaunun-
um mínum í skókaup.
Hvar kaupir þú helst fötin þín?
Mér finnst langskemmtilegast að versla í útlöndum og þá
sérstaklega í Svíþjóð og Danmörku. Uppáhaldsbúðirnar mínar
þar eru WoodWood, H&M, Weekday og Urban Outfitters. Hérna
heima eru þær helstu KronKron, 17 og Kormákur og Skjöldur.
Hvaða árstími finnst þér skemmtilegastur hvað varðar tísku?
Mér finnst skemmtilegast að kaupa mér föt á sumrin því
þá getur maður leikið sér meira með liti og föt sem maður
myndi aldrei klæðast á veturna. Ég er mjög heitfengur og
finnst gaman að geta farið í einhverjar flottar stuttbuxur og
hlýraboli.
Hver er best klæddi karlmaður í heimi?
Það koma aðeins þrír til greina, Pharrell Williams, David
Beckham og Johnny Depp. Ég get bara ekki valið á milli þeirra.
Áttu þér uppáhaldshönnuð?
Nei, enginn sem stendur upp úr í augnablikinu.
Uppáhaldstískutrendið þitt þessa dagana?
Mér finnst marglitir og mynstraðir sokkar koma sterkir inn.
Hvað er ómissandi fyrir stráka að eiga í fataskápnum fyrir
sumarið?
Flotta hlýraboli, litaðar stuttermaskyrtur og nauðsynlegt að
eiga flott sólgleraugu.
Er eitthvað skemmtilegt framundan hjá þér í sumar?
Ég flyt út til Noregs núna í lok maí og ætla að vinna hjá pabba
mínum þar í allt sumar sem smiður. Svo ætla ég að skella mér
á Rock Werchter-tónlistarhátíðina í byrjun júlí og sjá þar mjög
margar góðar hljómsveitir í góðra vina hópi.
Ef þú yrðir að fá þér tattú, hvernig tattú myndir þú fá þér og
hvar?
Mig langaði alltaf að fá mér tattú frá því að frændi minn fékk
sér eitursvalan dreka yfir allt bakið þegar ég var lítill gutti.
Ég er nú þegar kominn með tvö tattú á hendina og hef síðan
verið með höfuðið í bleyti fyrir nýjum hugmyndum fyrir „half-
sleeve“.
Þessa vikuna fékk Stíllinn Svavar Cesar Hjaltested í heimsókn en Svavar hefur gríðarlegan
áhuga á tónlist og tísku. Að hans mati er sumarið skemmtilegasti árstíminn hvað varðar tísku
og telur hann mynstraða og marglita sokka koma sterka inn um þessar mundir.
Eyðir oft mánaðar-
laununum í skókaup
M
yn
di
r/
Ró
sa
B
ra
ga
SPARI
JAKKI - LANGAFI ÁTTI HANN
SKYRTA - KORMÁKUR OG SKJÖLDUR
SLAUFA - H&M
BUXUR - GALLERÍ 17
SKÓR - GALLERÍ 17
HVERSDAGS
JAKKI - GALLERÍ 17
BOLUR - WOODWOOD
BUXUR - GALLERÍ 17
SKÓR - NIKE TOWN
UPPÁHÁLDS
SKYRTA - H&M
BUXUR - KRONKRON
SKÓR - GALLERÍ 17
ÚT Á LÍFIÐ
JAKKI - KORMÁKUR OG SKJÖLDUR
SKYRTA - H&M
BUXUR - WEEKDAY
SKÓR - FOOTLOCKER