Morgunblaðið - 01.07.2013, Blaðsíða 4

VIÐTAL
Sigurður Bogi Sævarsson
sbs@mbl.is
„Lögreglumenn upplifa ekki veruleikann eins
og hann birtist í þessum tölum. Verkefnin eru
þau sömu og mál á borði þeirra sem fást við
rannsóknir eru ámóta mörg og verið hefur,“
segir Snorri Magnússon,
formaður Landssambands
lögreglumanna.
Innbrotum fækkaði um
20% í maí sl. borið saman
við sama mánuð fyrir ári,
skv. tölum frá lögreglunni
á höfuðborgarsvæðinu sem
sagt var frá í Morgun-
blaðinu á laugardag. Sé
horft aftur til ársins 2010
hefur þjófnaðarmálum sem
koma til kasta lögreglu
fækkað um 18%, innbrotum um 42%, eigna-
spjöllum um 25% og ofbeldismálum um 6%.
Helgi Gunnlaugsson afbrotafræðingur segir
þetta sýna að hrunið hafi ekki leitt af sér þá
fjölgun brotamála eða ólgu í samfélaginu sem
margir óttuðust að yrði raunin.
„Menn geta gefið sér forsendur í öllum
samanburði,“ segir Snorri Magnússon. Hann
segir almenna lögreglumenn ekki hafa að-
gang að málaskrám og geti því ekki lagt dóm
á þær tölur sem fram hafa komið.
Hins vegar verði að hafa í huga, eins og áð-
ur hefur komið fram, að skráningu mála sem
koma til kasta lögreglu hafi verið breytt.
Kunni það að skýra fækkunina nokkuð. Það
sem áður kynni að hafa verið t.d. flokkað og
fært til bókar sem líkamsárás sé í dag í sum-
um tilvikum skráð sem aðstoð við borgara, sé
engin kæra lögð fram. Þannig geti skráning
og vinnubrögð við þær gjörbreytt myndinni,
enda þótt sáralítið breytist í raun.
Aðgengi að lögreglu minna
Aðrir þættir sem geta haft áhrif í þessu
sambandi, að mati Snorra, geta sömuleiðis
verið að nú sé aðgengi almennings að lög-
reglu minna en var fyrr á árum. Stöðvarnar á
höfuðborgarsvæðinu séu lokaðar eftir klukk-
an fjögur á daginn og eftir þann tíma sé ekki
hægt að sækja aðstoð beint af götunni. Eftir
þann tíma þurfi að hringja í neyðarsíma – og
í stjórnstöð séu verkefni valin eftir vægi og
vástigi. Fyrir vikið sé ekki jafn mörgum mál-
um og áður sinnt – og það munar um allt
slíkt.
Snorri bendir einnig á að fram komi í árs-
skýrslum tryggingafélaganna að ekki sé sam-
ræmi milli útgreiðslu tjónabóta og brotamála
sem lögreglan þarf að sinna. Bótagreiðsl-
urnar séu ekki minni. Gefi það tilefni til að
ætla að afbrotatíðni hafi ekki dregist saman í
þeim mæli sem tölfræði lögreglu segi þó.
Verkefnin ámóta mörg og áður
 Brotamálum lögreglu fækkar samkvæmt skráningum  Tíðni og verkefni söm og áður  Verkefn-
um forgangsraðað og skráningum mála verið breytt, segir formaður Landssambands lögreglumanna
Morgunblaðið/Júlíus
Löggæsla Niðurskurður til löggæslu hefur
gert lögreglumönnum erfiðara fyrir í starfi.
Snorri
Magnússon
4 FRÉTTIRInnlent
MORGUNBLAÐIÐ MÁNUDAGUR 1. JÚLÍ 2013
Haldið var upp á 100 ára afmæli
Hugins, íþróttafélags Seyðisfjarðar,
um helgina og blásið til glæsilegrar
fjölskylduhátíðar af því tilefni. Að
sögn Arnbjargar Sveinsdóttur, for-
seta bæjarstjórnar Seyðisfjarðar,
gekk hátíðin ljómandi vel og bærinn
iðaði af lífi. Hátíðarhöldin voru þó
einnig með alvarlegri undirtón, en
efnt var til mótmæla vegna sam-
göngumála. Íbúar Seyðisfjarðar
hafa í mörg ár biðlað til stjórnvalda
um jarðgöng og segir Arnbjörg eng-
an stað á landinu vera jafn illa settan
og Seyðisfjörð í þeim efnum.
Mótmælin fólust í táknrænum
gjörningi sem var í þremur þáttum.
Í fyrsta lagi var farið yfir sögu Seyð-
isfjarðar og lesnar upp tíðar álykt-
anir bæjarstjórnar með áskorun til
stjórnvalda um að bregðast við sam-
göngumálum, auk rökstuðnings fyr-
ir því í 17 liðum. Því næst voru menn
reknir í réttir, sem átti að sýna fram
á þá innilokun sem felst í því felst að
komast ekkert út. Því næst var
sprengt gat á klettinn, líkt og jarð-
gangagerð væri hafin, sem táknaði
frelsið sem göngum myndi fylgja.
sunnasaem@mbl.is
Seyðisfjörður iðaði af lífi um helgina á 100 ára afmæli íþróttafélagsins Hugins
Táknræn
mótmæli
Ljósmyndir/Ómar Bogason og Einar Bragi
Vilja göng Seyðfirðingar krefjast jarðganga, en oft er ófært yfir Fjarðar-
heiði. Þeir gengu fylktu liði og sprengdu fyrir ætluðum gangamunna. Sund Þessir stungu sér út í ána.
Stefán Gunnar Sveinsson
sgs@mbl.is
Formenn þriggja stjórnarandstöðu-
flokka taka vel í þær hugmyndir sem
Bjarni Benediktsson fjármálaráð-
herra setti fram um helgina um að
leggja Landsdóm niður. Sagði Bjarni
í fréttum Stöðvar 2 þetta vera eðlileg
viðbrögð við ályktun Evrópuráðs-
þingsins frá því á föstudag, þess efnis
að ekki ætti að nota opinber réttar-
höld til þess að hegna fyrir pólitísk
mistök eða ágreining. Vernda þyrfti
stjórnmálamenn fyrir því að vera
ákærðir fyrir pólitískar ákvarðanir.
Ályktunin byggir á skýrslu hollenska
þingmannsins Pieters Omtzigts, sem
gagnrýndi Landsdóm og réttarhöld-
in yfir Geir H. Haarde, fyrrverandi
forsætisráðherra, harðlega.
„Stórsigur“ segir Geir
Geir H. Haarde sendi frá sér yfir-
lýsingu í gær vegna málsins þar sem
hann fagnaði ályktun þings Evrópu-
ráðsins og sagði hana stórsigur fyrir
sig og sinn málstað. „Niðurstaðan
lýsir fordæmingu á pólitískum saka-
málaréttarhöldum þar sem fólk er
ákært fyrir pólitískar ákvarðanir eða
skoðanir. Það er sannarlega dapur-
legt að Íslandi skuli með landsdóms-
málinu hafa verið komið í slíkan fé-
lagsskap af þáverandi ráðamönnum
þjóðarinnar,“ segir í yfirlýsingu
Geirs. Hann átaldi jafnframt Þuríði
Backman og sagði hana hafa orðið
sér til minnkunar með séráliti sínu.
Árni Páll Árnason, formaður Sam-
fylkingarinnar, segir að Samfylking-
in hafi lengi talað fyrir því að leggja
af Landsdóm. Jóhanna Sigurðar-
dóttir hefði m.a. flutt um það margar
tillögur. „Ég á ekki von á öðru en að
það verði eindreginn stuðningur
okkar við það að þetta kerfi verði af-
lagt.“ Benti Árni Páll á það að með
því frumvarpi um stjórnarskrár-
breytingar sem lægi nú fyrir þingi
yrði auðvelt að breyta henni hratt.
Katrín Jakobsdóttir, formaður VG,
sagði að sér þætti eðlilegt að lögin
um Landsdóm yrðu tekin til endur-
skoðunar og hún hefði lengi verið á
þeirri skoðun. Katrín segir að VG
myndi ekki standa í vegi fyrir því að
endurskoða stjórnarskrána í
tengslum við afnám Landsdóms.
„Mér þætti eðlilegt að þetta yrði tek-
ið til skoðunar þar, sem og annars
staðar í lagaumhverfinu.“ Birgitta
Jónsdóttir, kafteinn Pírata, segir að
hún sé sammála því að leggja þurfi
Landsdóm niður en til þess þyrfti þó
stjórnarskrárbreytingu. Forysta
ríkisstjórnarinnar hljóti því að taka
til alvarlegrar afgreiðslu þær breyt-
ingar sem kosið hafi verið um í
þjóðaratkvæðagreiðslunni 20. októ-
ber síðastliðinn.
Eining um að leggja Landsdóm niður
 Ríkisstjórnin hyggst setja af stað vinnu til þess að breyta lögum um Landsdóm í kjölfar ályktunar
Evrópuráðsþingsins  Geir H. Haarde fagnar ályktuninni  Stjórnarandstaðan opin fyrir tillögunum
Geir H.
Haarde
Katrín
Jakobsdóttir
Birgitta
Jónsdóttir
Árni Páll
Árnason
Frá 2009 hefur lögreglan á höfuðborg-
arsvæðinu kerfisbundið haft auga með
virkum brotamönnum og flokkar þá með
tilliti til úrræða sem beita má í þeirra mál-
um. Oft eru þetta gerendur í drjúgum
hluta brotamála sem koma til kasta lög-
reglu. Því er reynt að hraða rannsókn mála
sem þeim tengjast og meðan þau eru til
lykta leidd í dómskerfinu sæta viðkom-
andi oft gæsluvarðhaldi og síðar fanga-
vist.
„Að mínu mati skýrir þessu nálgun,
ásamt öðru fækkun afbrota. Eldurinn er
kæfður í fæðingu,“ segir Jón H. Snorra-
son, aðstoðarlögreglustjóri á höfuðborg-
arsvæðinu. Hann bendir einnig á að í
hverjum árgangi fólks undir fertugu séu
nú færri en áður. Helst sé að fólk á því ald-
ursskeiði fari út af sporinu.
Eldurinn er
kæfður í fæðingu
AUGA MEÐ VIRKUM BROTAMÖNNUM
Það var mikið að gera hjá lögregl-
unni um helgina. Mikill erill var í
miðbæ Reykjavíkur og gistu átta
manns í fangageymslum lögregl-
unnar aðfaranótt sunnudags. Veist
var að manni á veitingastað og
fékk hann glerbrot í auga. Árás-
armaðurinn var handtekinn og
yfirheyrður í gær. Þá var stúlka
slegin í höfuðið með glasi. Hún
var flutt á slysadeild til aðhlynn-
ingar og er árásarmannsins leitað.
Lögregla telur sig vita hver hann
er. Þá voru tveir ökumenn stöðv-
aðir og grunaðir um ölvun við
akstur. Einnig var mikill erill í
sjúkraflutningum.
Mikill erill lögreglu
í miðborginni
Engum varð meint af þegar maður
fékk æðiskast á slysadeild Land-
spítalans í Fossvogi í gær. Hjúkr-
unarfólki og sjúklingum stóð tölu-
verð hætta af manninum þegar
hann veittist að þeim.
Tveir lögreglubílar og eitt mót-
orhjól var kallað á staðinn. Sam-
kvæmt heimildum mbl.is þurfti að
beita piparúða til að yfirbuga
manninn. Maðurinn var í kjölfarið
fluttur á lögreglustöð og yfirheyrð-
ur.
Fékk æðiskast
á slysadeildinni