Akureyri - 31.10.2013, Blaðsíða 10

10 31. október 2013
Brammer Ísland ehf | Steinhella 17a | 221 Hafnarfjörður | Sími: 522 6262 | www.brammer.is
Heimsþekkt vörumerki frá öllum helstu framleiðendum í iðnaðarvörum og þetta er aðeins brot af þeim merkjum sem við bjóðum upp á
Legur og drifbúnaður
Verkfæri og öryggisvörurLoft- og vökvakerfi
Fæst hjá:
Penninn – Eymundsson Akureyri,
Verslun Tunnunnar, Siglufirði,
Skagfirðingabúð á Sauðárkróki og
Smekkleysu Plötubúð í Reykjavík.
“Ég hafði gaman að þessum limrum og ekki síður
aðdraganda þeirra. Án efa fellur þessi bók í góðan jarðveg
hjá aðdáendum tækifæriskveðskapar sem eru ótalmargir
hér á landi.“
-Guðríður Haraldsdóttir – VIKAN.-
“Hann er leikinn í formi limrunnar. Stundum svo rís langt
upp fyrir meðalmennsku.”
-Björn Þorláksson AKV.-
LIMRUROKK
Magnúsar Geirs Guðmundssonar
Komin í verslan
ir!
Sjá einnig: www.meistarinn.blog.is
Samstarf um jólaaðstoð
á Eyjafjarðarsvæðinu
Skrifað hefur verið undir sam-
starfssamning um jólaaðstoð á
Eyjafjarðarsvæðinu. Fern samtök
munu vinna saman í ár að þessu
verkefni. Þau eru: Hjálpræðisherinn
á Akureyri, Hjálparstarf kirkjunn-
ar, Mæðrastyrksnefnd Akureyrar og
Rauði Krossinn við Eyjafjörð.
Þessi samtök störfuðu saman
fyrir jólin 2012 og er þetta því í
annað skipti sem ölfin leggja sam-
eiginlega hönd á plóg. Í fyrra fengu
303 aðilar aðstoð en í þeirri tölu
eru fleiri einstaklingar þar sem
fjölskyldur eru skráðar sem einn
aðili. Aðstoðin var í formi greiðslu-
korta sem hægt var að versla fyrir í
ákveðnum verslunum og verður svo
aftur í ár. Í fyrra söfnuðust rúmar 7
milljónir króna.
Fjáröflun er hafin til að kosta
þessa aðstoð og hefur fyrirtækjum
verið send beiðni um að styðja hana.
Einstaklingar eru einnig hvattir
til að leggja lið. Reikningurinn er
á kennitölu Mæðrastyrksnefndar
kt. 460577 0209 og er nr. 0302-13-
175063. a
AÐSEND GREIN ÞORLEIFUR KR. NÍELSSON
Eru kertaljós og kósíheit í þínu sambandi?
Margir tengja haustið og vetur-
inn við rómantík og ljúfar stundir.
Ófá dægurlög eru til um þennan
árstíma og ástina sem þá
á að blómstra sem aldrei
fyrr. Sem betur fer upplifa
mörg pör hamingjustund-
ir á haustin og veturna en
það eru líka margir sem eru
ekki svo heppnir.
Alltof margir kvíða
vetrinum. Verður hann lang-
ur og veður vont? Hvernig
mun mér og mínum ganga í
vinnu og skóla? Jólin, hvað með þau?
Verða þau ánægjuleg í ár eða kem-
ur upp gamalkunn togstreita innan
fjölskyldunnar í desember? Hvar á
að vera á aðfangadagskvöld? Hvar
eigum við að vera um áramótin? Svo
er hægt að flækja þetta meira með
því að benda á stjúpfjölskyldurnar.
Þar getur flækjustigið orðið marg-
falt. Það að halda öllum
glöðum og ánægðum þegar
fjölskyldumynstrið er flókið
getur oft verið full vinna og
ansi vanþakklát í þokkabót.
Samskiptaleysi í para-
sambandi getur verið stórt
vandamál. Í byrjun sam-
bands þegar allt leikur í
lyndi getur koddahjalið
teygst fram á nótt. Sífellt
koma upp spennandi umræðuefni.
Að ekki sé talað um þegar börnin
koma til sögunnar. Þá er nóg um að
tala. Ekki má þó gleyma því að fyrstu
tvö til þrjú árin eftir barnsburð eru
oft erfiðustu árin í sambandinu.
Þetta er tími þegar allt á að leika í
lyndi, allvega af glamúrtímaritum og
öðrum fjölmiðlum að dæma. Raun-
veruleikinn er oft allt annar.
Því miður gerist það stundum að
umræðuefnunum fækkar hjá pör-
um og það getur jafnvel endað með
því að þau upplifa löng tímabil þar
sem lítið eða jafnvel ekkert er talað
saman um það sem skiptir máli. Þörf-
in fyrir samskipti er samt ekki horfin
og samskiptaleysið skapar togstreitu
og óöryggi. Afleiðingin getur svo
orðið sú að samskiptamátinn þró-
ast yfir í rifrildi eða þögnin er notuð.
Margir átta sig ekki á því að þögnin
getur verið ákveðið samskiptaform.
Ein birtingarmynd minnkandi sam-
skipta í parsambandi er minni nánd,
snerting og kynlíf. Ef samskiptin
minnka hefur það neikvæð áhrif á
það sem hér hefur verið nefnt.
Nútímatækni getur verði stór-
kostleg og oft spyrjum við okkur
hvernig við lifðum áður en öll þessi
tækni kom til sögunnar. Skuggahlið
tækninnar er sú að ef fólk kann
ekki að nota hana í hófi getur það
komið niður á ýmsu og þar á meðal
sambandinu. Snjallsímar eru gott
dæmi um þetta. Átt þú slíkan síma?
Tekur þú hann með þér upp í rúm
á kvöldin og notar tækifærið til að
kíkja á fésbókina, fréttirnar eða í
einn Candy Crush? Hvað með mak-
ann, hvað er hann að gera á sama
tíma? Á hann kannski líka síma sem
er snjall? Hvernig væri að prufa að
slökka á sjónvarpinu, símunum og
tölvunum í eitt eða tvö kvöld í viku
og sjá hvað gerist? Mögulega væri
hægt að hafa “happy hour” í svefn-
herberginu í staðinn.
Tilgangurinn með þessari grein
er ekki síst sá að benda pörum á að
leita sér aðstoðar áður en sambandið
er komið í óefni. Það er því miður
alltof algengt að pör bíða með það að
leita sér hjálpar þar til það er nánast
orðið of seint. Mörgum finnst vanda-
málin kannski ekki nógu stór til þess
að tilefni sé til að fá utanaðkomandi
hjálp. Þetta er algeng hugsanavilla.
Það er einmitt æskilegt að leita til
meðferðaraðila sem kunna til verka
þegar þörf krefur. Það er nefnilega
þannig að parameðferð þarf oft
ekki að taka langann tíma eða vera
í mörg skipti, það fer þó auðvitað
eftir umfangi og eðli vandans. Oft er
nóg að tala í nokkur skipti við óháð-
an meðferðaraðila til að fríska upp
á sambandið og fá nýjar og ferskar
hugmyndir.
Þeir sem eru á vinnumarkaði
geta leita til síns stéttarfélags eft-
ir styrk vegna viðtalsmeðferðar
hjá viðurkenndum meðferðaraðila.
Alltof margir átta sig ekki á þessum
möguleika. Það getur verið gott að
hafa þetta á bak við eyrað ef fólk
vill heldur leita til óháðs meðferðar-
aðila í stað þess að leita til opinberra
stofnanna eftir aðstoð til að bæta
parsamband sitt.
Að lokum þetta. Þó það sé slokkn-
að á kertinu í sambandinu í bili er
ekki þar með sagt að ekki sé hægt
að kveikja á því aftur. Hafa ber í
huga að af litlum neista verður oft
mikið bál.
Höfundur er fjölskyldu- og
félagsráðgjafi á Akureyri
Þorleifur Kr.
Níelsson
UNDIRRITUN SAMNINGSINS Í Glerárkirkju í síðustu viku. Birna Vilbergsdóttir fulltrúi
Hjálpræðishersins á Akureyri, Vilborg Oddsdóttir hjá Hjálparstarfi kirkjyunnar, Sigur-
veig S. Bergsteinsdóttir f.h. Mæðrastyrksnefndar Akureyrar og Hafsteinn Jakobsson f.h.
Rauða krossins.
Þörfin fyrir samskipti er samt
ekki horfin og samskiptaleysið
skapar togstreitu og óöryggi.