Akureyri - 31.10.2013, Side 22

22 31. október 2013
Eldjárn skelfur af til-
hlökkun vegna bókar
Ragnars skjálfta
Um miðjan nóvember kemur út bók-
in Það skelfur eftir Ragnar „skjálfta“
Stefánsson. Ragnar hefur lengi búið
í Svarfaðardal og eru rannsóknir
hans á jarðskjálftum löngu kunn-
ar. Skrudda gefur út en í bókinni er
meðal annars farið yfir störf Ragnars
á þeim 50 árum sem liðin eru síðan
hann hóf störf á Veðurstofu Íslands.
Ragnar kynnti að von væri á bók-
inni á heimasíðu sinni og var Þórar-
inn Eldjárn rithöfundur eldsnöggur
að bregðast við með hnyttnum um-
mælum við hæfi.
„Ég skelf af tilhlökkun. Til ham-
ingju,“ skrifaði Þórarinn. a
Fjórtán sinnum fjölfeldi
Laugardaginn 2. nóvember kl.
14.00 opna fjórtán nemendur af
Fagurlistadeild Myndlistaskólans á
Akureyri sýningu í Populus tremula.
Nemendurnir sýna afrakstur áfanga
undir handleiðslu Hlyns Hallssonar
myndlistarmanns um fjölfeldi í hinni
fjölbreyttustu mynd eins og þrykk,
ljósrit, bækur, sprey, stensla, hluti,
ljósmyndir og hvað eina.
Sýningin er einnig opin sunnu-
daginn 3. nóvember kl. 14.00-17.00.
Aðeins þessi eina helgi.
Nemendurnir sem sýna verk sín
eru á 1., 2. og 3. ári í Fagurlista-
deildinni og eru: Anna Elionora
Olsen Rosing, Freyja Reynisdóttir,
Karólína Baldvinsdóttir, Kolbrún
Vídalín, Sandra Rebekka, Ásmundur
Jón Jónsson, Elísabet Ásgrímsdóttir,
James Earl Ero Cisneros Tamidles,
Jónína Björg Helgadóttir, Margrét
Kristín Karlsdóttir, Sigrún Birna
Sigtryggsdóttir, Guðrún Ósk Stef-
ánsdóttir, Heiðdís Hólm og Steinunn
Steinarsdóttir. a
Fjölbragðatónleikar
Hymnodiu
- Átta tónleika röð við Eyjafjörð, í
Þingeyjarsýslum og á Vopnafirði
Uppátækjum Hymnodiu eru engin
takmörk sett. Nú fer kórinn um
Eyjafjörð og Þingeyjarsýslur með
fjölbragðadagskrá, syngur, spilar
á alls kyns skrýtin og skemmtileg
hljóðfæri, hefur uppi glens og grín,
leikræn tilþrif og jafnvel dans ef
vel liggur á. Jóðlandi sálfræðingur-
inn, drynjandi geðlæknirinn, fljúg-
andi Hollendingurinn, sænski
grunnskólakennarinn, lagvissi lög-
fræðingurinn, tölvuóði trompetleik-
arinn og margir fleiri koma fram.
Hljóðfærin sem notuð verða
eru skemmtileg blanda: Fiðla, gít-
ar, kassabassi, íslenskt handsmíð-
að strumstick, rúmenskur dúlsímer,
psalterium, charango, harmóní-
um, virginall, þrjár ólíkar afrískar
trommur, pikkolóflauta okkarína,
bakú, tyrkneskt þurrkað ávaxtahýði,
fjórar tónkvíslar, ryðgaða bárujárns-
platan, stóra sænska sálmabókin,
nokkrar mismunandi tréhristur, taí-
vönsk basthrista, cajon, stompbox,
gyðingaharpa, brjóstkassar á ten-
órum, kínverskar bjöllur, franskur
hertrompet, íslenskar varir, þríhorn,
dragspil, handsmíðuð sauðabeins-
flauta frá Kalmar, fjörugrjót úr Eyja-
firði, blómavasar kórstjórans, bjöllur
búnar til úr gaskútum, rauðvínsglös
Loga og Öbbu, strákústur Sveins
kirkjuvarðar og græn verkfærataska
sem hljómar eins og sneriltromma
á sterum.
TÓNLEIKARNIR VERÐA Á EFTIRFARANDI STÖÐUM:
31. október: Tjarnarborg Ólafsfirði kl. 20
4. nóvember: Menningarhúsið Hof Akureyri kl. 20
6. nóvember: Siglufjarðarkirkja kl. 20
8. nóvember: Gamli bærinn í Reynihlíð, Mývatnssveit, kl. 20
9. nóvember: Þórshafnarkirkja kl. 16
9. nóvember: Félagsheimilið Mikligarður Vopnafirði kl. 20
10. nóvember: Safnahúsið Húsavík kl. 16
14. nóvember: Þorgeirskirkja kl. 20
Föstudagsfreisting
Föstudagsfreistingar verða í Ak-
ureyrarkirkju á morgun, 1. nóvem-
ber kl. 12:00 en þá mun Kirkjukór
Möðruvallaklaustursprestakalls
flytja tónlist við texta Davíðs Stef-
ánssonar og Jónasar Hallgrímsson-
ar. Á efnisskránni verða þrjú ný lög
sem sérstaklega voru samin fyrir
kórinn fyrr á þessu ári í bland við
gamlar og góðar perlur sem margir
kannast við.
Föstudagsfreistingar eru á vegum
Tónlistarfélags Akureyrar en félagið
hefur undanfarin ár haldið úti há-
degistónleikaröð undir þessu nafni
og boðið gestum upp á hádegisverð
um leið og þeir hlýða á tónlist.
Að þessu sinni verður boðið upp
á ljúffenga fiskisúpu og er aðgangs-
eyrir kr. 2.500. a
LEIÐRÉTTING
Í umfjöllun síðasta tölublaðs um uppsetningu Emils í Kattholti misritaðist
nafn. Fram kom að með hlutverk Alfreðs vinnumanns færi Arnar Pálsson. Hið
rétta er að Arnar er Árnason. Akureyri vikublað biðst velvirðingar á þessu.
Lofsverðar lagnir í Hofi
Verkfræðistofa Norðurlands með
Grétar Grímsson í broddi fylkingar
er í hópi fyrirtækja sem hlutu verð-
laun fyrir „LOFSVERT LAGNA-
VERK 2012”. Hof á Akureyri
varð fyrir valinu hjá viðurkenn-
ingarnefnd Lagnafélags Íslands í
ár og fór afhending verðlauna fram
í sama húsi.
Í áliti viðurkenningarnefndar
segir m.a. „Heildarverk við lagnir er
snyrtilegt og hönnun búnaðar í húsi
Hofs er góð. Aðgengi að öllum tækj-
um og lögnum er mjög til fyrirmynd-
ar-, og handverk iðnaðarmanna gott”.
Um er að ræða sjö aðskilin loft-
ræstikerfi sem þjóna hinum ýmsu
hlutum byggingarinnar. Einnig er
um að ræða sérhæft pípulagnakerfi.”
Verkfræðistofa Norðurlands hef-
ur áður hlotið sömu verðlaun, 2003
en þá var verðlaunað fyrir hönnun
lagna- og loftræstikerfa í Amts-
bókasafninu.
AÐRIR SEM HLUTU NÚVIÐUR-
KENNINGU VEGNA HOFS ERU:
Arkþing ehf. Reykjavík
Arkitema. Danmörk
Raftákn ehf. Akureyri
VSI Öryggishönnun & ráðgjöf ehf.
Reykjavík
Verkís hf. Reykjavík
Blikkrás ehf. Akureyri
Haraldur Helgason ehf. Akureyri
Bútur ehf. Akureyri
Rafmenn ehf. Akureyri
KÁPA BÓKARINNAR
Draupnisgötu 6 / Sími 464 0000 / kraftbilar@kraftbilar.is / www.kraftbilar.is
www.kraftbilar.is
20% AFSLÁTTUR
af hjólastillingum í október og nóvember
Draupnisgötu 6 / Sími 464 0000 / kraftbilar@kraftbilar.is / www.kraftbilar.is
www.kraftbilar.is
20% AFSLÁTTUR
af hjólastillingum í október og nóvember
Draupnisgötu 6 / Sími 464 0000 / kraftbilar@kraftbilar.is / www.kraftbilar.is
www.kraftbilar.is
20% AFSLÁTTUR
af hjólastillingum í október og nóvember
Draupnisgötu 6 / Sími 464 0000 / kraftbilar@kraftbilar.is / www.kraftbilar.is
www.kraftbilar.is
20% TTUR
af hjólastillingu tóber og nóvember