Morgunblaðið - 29.10.2013, Qupperneq 8

MORGUNBLAÐIÐ ÞRIÐJUDAGUR 29. OKTÓBER 2013
8 BÍLAR
A
udi A6 Allroad hefur farið
undir smásjá útlitshönn-
uða og fengið allsherj-
arandlitslyftingu. Út-
koman er prýðileg og er bíllinn í
senn sportlegur og klassískur.
Stórt grillið og undirvagnshlífin
sem nær yfir allan stuðarann gera
hann mjög svalan. Útlitshönn-
uðirnir voru ekki bara að vinna í
bílnum að utan heldur fengu þeir
aðeins að fullkomna hann að inn-
an. Í sumum bílum lítur út fyrir að
margir hönnuðir hafi komið að
innréttingunni og engir þeirra ver-
ið sammála um hvernig endanleg
útkoma ætti að vera. Þess vegna
hafi þeir einfaldlega allir fengið að
leika lausum hala og ýmiss konar
stíl eða jafnvel stílbrotum ægir
saman í litlu rými. Sem betur fer
gerðist þetta ekki hjá Audi. Í A6 er
stíllinn hreinn og þægilegur. Það
er ekkert sem stingur í augun og
bogadregnar línurnar í mæla-
borðinu eru vel til þess fallnar að
standast tímans tönn.
Vegir og vegleysur
Bíllinn er Allroad sem gefur til
kynna að honum séu allir vegir
færir. Það er sennilega alveg rétt
og maður á ekkert að aka eftir
vegleysum. Í það minnsta ekki á
þessum bíl því hann er ekki nógu
hár til að þola miklar ójöfnur.
Þess vegna er kjörið að halda sig
við vegina og sleppa vegleys-
unum. Þessi fjórhjóladrifni bíll
drífur þrusuvel í gegnum skafla
og yfir hálan ís. Það er einfaldlega
gaman að aka honum við krefj-
andi aðstæður. Svo gaman að
mann langar til að æfa sig í öku-
leikni og njóta þeirra aksturseig-
inleika sem bíllinn hefur upp á að
bjóða. Þeim sem þykir tauga-
trekkjandi að aka í hálku ættu
endilega að prófa þennan því
hann steinliggur á veginum. Líka í
hálku.
Hægt að stilla næstum allt
Sem fyrr segir er veghæðin
ekki sérlega mikil en hana má
stilla eins og svo margt annað í
þessum bíl. Það eru fimm stilling-
armörguleikar og þar sem hann
er lægstur er hann í 135 mm hæð
og hæstur 185 mm. Hægt er að
velja á milli stillinga í loftpúða-
fjöðruninni og stýringunni. Það er
nú aldeilis eitthvað fyrir takkaóða
að komast í stillingakerfi bílsins
og það er gaman hversu mikinn
mun bílstjórinn finnur á þessum
bíl eftir stillingunum. Það er sem
sagt alveg einstakt að aka þess-
um bíl og hann er líka fallegur.
Hvað getur maður beðið um
fleira? Jú, hann mætti vera að-
eins ódýrari. Það væri ekki verra.
Bíllinn sem var prófaður er 3.0
lítra TDI sem skilar 204 hest-
öflum. Í grunnútfærslu kostar
hann tæpar tólf milljónir. Þessi til-
tekni bíll var með LED ljós og raf-
drifna lokun á afturhlera. Sá
aukabúnaður kostar 530.000 kr.
Alls kyns aukabúnað er hægt að
fá í þennan bíl og virðist lúxusinn
ótakmarkaður. 600w Bose hljóm-
kerfi og 1200w Bang&Olufsen
hljómkerfi gera bílinn enn
skemmtilegri en kosta að sjálf-
sögðu sitt. Aðdáendur Audi ættu
ekki að verða fyrir nokkrum von-
brigðum með þennan bíl því hann
sameinar allt það besta sem óska
má eftir enda er ekkert til sparað.
malin@mbl.is
Undurfagur
og skemmti-
legur að auki
Skínandi gott yfirlit yfir stillingar og annað í mælaborði.
Bogadregnar línur einkenna mælaborðið.
Morgunblaðið/Malin Brand
Vel fór á því að máta þennan undurfagra bíl á stað við örnefnið Himnaríki enda var reynsluaksturinn í flesta
staði himneskur. Að sama skapi er verðið í talsverðum hæðum enda sameinar bíllinn allt það besta.
Ekki væsir um farþega í þessum fallega bíl.
Dökki kanturinn sem einkennir Allroad bílana frá Audi er auðkenni.
Malin Brand reynsluekur Audi A6 Allroad
Audi A6Allroad Árgerð 2014
• 18 tommuálfelgur
• Eiginþyngdkg: 1.855
• Farangursrými: 565 lítrar
• 0-100 km/sek: 7,5
•Hámark: 224km/klst
• Fjórhjóladrif
•Verð frá: 11.840.000kr
• 5,1 L/100km íbl akstri
• Umboð:Hekla
•Mengunargildi:
159 gCO2/km
•3,0 lítraTDI
• 204hestöfl/450Nm
•7þrepasjálfskipting
Takkaóðir fá fullt fyrir sinn snúð.Aðstaða ökumanns og búnaður er allur til fyrirmyndar.
Útlitið er, frá öllum
hliðum séð, stórfínt.
Gullfallegur bíll.
Audi A6 Allroad er sportlegur
og klassískur í senn.