Morgunblaðið - 04.10.2013, Blaðsíða 4

4 ÍÞRÓTTIR
MORGUNBLAÐIÐ FÖSTUDAGUR 4. OKTÓBER 2013
AganefndKnatt-
spyrnusambands
Evrópu hefur úr-
skurðað Jürgen
Klopp, knatt-
spyrnustjóra
Dortmund, í
tveggja leikja
bann fyrir fram-
komu sína í garð fjórða dómara í leik
gegn Napoli í Meistaradeildinni í
síðasta mánuði. Klopp var því ekki á
hliðarlínunni þegar Dortmund
mætti Marseille í gærkvöld og vann
3:0-sigur, og verður heldur ekki þar
þegar Dortmund mætir Arsenal síð-
ar í þessum mánuði. Dortmund get-
ur áfrýjað úrskurðinum en hefur
ekki tekið ákvörðun um það.
  
Knattspyrnumaðurinn SindriPálmason frá Selfossi er þessa
dagana við æfingar hjá danska úr-
valsdeildarliðinu Esbjerg sem situr í
2. sæti dönsku úrvalsdeildarinnar.
Þetta kemur fram á fréttavefnum
sunnlenska.is. Þar segir að Sindri
hafi farið út um síðustu helgi og
muni æfa fram yfir komandi helgi.
Sindri, sem er 17 ára miðjumaður,
lék sína fyrstu meistaraflokksleiki
með Selfossi í 1. deildinni í sumar en
hann kom við sögu í þremur leikjum.
Hann á að baki þrjá leiki fyrir U19-
landslið Íslands en hann lék með því
á Svíþjóðarmótinu í síðasta mánuði.
  
Danski handknattleiksmaðurinnDaniel Svensson er tilbúinn að
snúa aftur á handboltavöllinn eftir
að hafa verið frá keppni í marga
mánuði vegna krabbameins í eitlum.
Svensson, sem áður lék með þýska
liðinu TuS N-Lübbecke, er genginn í
raðir Skjern í Danmörku og gæti
leikið fyrsta leik sinn gegn Ribe
Esbjerg í kvöld. Þá verða tíu mán-
uðir liðnir síðan hann spilaði síðast
alvöru leik.
  
Helena Sverr-isdóttir
skoraði 11 stig
fyrir ungverska
liðið DVTK Mis-
kolc í fyrrakvöld
þegar það vann
öruggan útisigur
á Cegledi EKK í
Mið-Evr-
ópudeildinni í körfuknattleik, 93:56.
Helena tók þar að auki þrjú fráköst í
leiknum. Vegna meiðsla gat hún að-
eins leikið í 11 mínútur. Þá tóku sig
upp meiðsli í kálfa og kom Helena
ekkert meira við sögu í leiknum eftir
því sem hún segir á Twitter-síðu
sinni.
Miskolc var 32:15 yfir eftir fyrsta
leikhluta og hafði náð 23 stiga for-
skoti í hálfleik. Þetta var annar leik-
ur Helenu og félaga í deildinni, sem
samanstendur af liðum frá Ung-
verjalandi og Slóvakíu.
Fólk sport@mbl.is
Í GRINDAVÍK
Skúli B. Sigurðsson
sport@mbl.is
Grindvíkingar voru í gærkvöldi
krýndir meistarar meistaranna í
körfuknattleik karla þegar þeir
lögðu Stjörnuna að velli, 105:96, í
Meistarakeppni KKÍ í leik sem
háður var í Röstinni, íþróttahúsi
Grindvíkinga.
Leikurinn, sem var á milli Ís-
landsmeistara og bikarmeistara síð-
asta keppnistímabils, markar upp-
haf körfuknattleikstímabilsins.
Keppni í Dominosdeild karla hefst
á fimmtudaginn en daginn áður
ríða konurnar á vaðið í Dom-
inosdeild kvenna.
Óhætt er að segja að haust-
bragur hafi verið á báðum liðum og
þá sérstaklega á varnarleik þeirra
eins og sést á lokatölum. Leikurinn
var jafn þangað til í lokin að Grind-
víkingar sigu fram úr og tryggðu
sér sigur.
„Þetta á vonandi eftir að batna
mikið og þá sérstaklega varn-
arleikur okkar. En veturinn leggst
vel í mig. Ég sé fyrir mér að þetta
verði tvískipt deild. Sex lið að berj-
ast í efri hlutanum og sex lið í
neðri hlutanum. Ég held að við
verðum í efri pakkanum þar,“ sagði
Marvin Valdimarsson, leikmaður
Stjörnunnar, eftir leik.
Eðlilegt miðað við árstíma
„Það var eðlilegur bragur á
þessu miðað við árstíma. Ég var
ánægður með litlu strákana hjá
okkur, sem stóðu sig vel,“ sagði
Þorleifur Ólafsson, fyrirliði Grinda-
víkur.
„Annars fer stóri dansinn að
hefjast og ég held að deildin verði
öðruvísi en í fyrra. Það verður
meira af íslenskum hetjum og ég
sé ekki fyrir mér að neitt lið muni
stinga af á toppi deildarinnar en
mig grunar að líkast til muni tvö
lið þurfa að súpa seyðið af nýju
kanareglunni,“ sagði fyrirliði
Grindvíkinga, Þorleifur Ólafsson,
eftir sigurleikinn í gærkvöldi.
Fyrsti bikarinn kominn í
hús hjá meisturunum
Ljósmynd/Skúli Sigurðsson
Gleði Þorleifur Ólafsson, fyrirliði Grindavíkur, hefur bikarinn á lotft eftir sigur á Stjörnunni í Meistarakeppni KKÍ í gærkvöldi.
 Eðlilegur haustbragur á fyrsta stórleik keppnistímabilsins  Tvískipt deild
Derrick Rose, skærasta stjarna Chicago
Bulls í NBA-deildinni í körfubolta er aftur
klár í slaginn eftir að hafa jafnað sig á kross-
bandsslitum. Hann kom ekkert við sögu á
síðasta tímabili en nú er þessi fyrrverandi
mikilvægasti leikmaður deildarinnar tilbú-
inn að gera allt sem þarf, sama hver stendur
í vegi fyrir honum.
„Ég er bara þannig maður að sama hver
mætir mér á vellinum, ég mun hlaupa á
hann. Hvort sem það er samherji minn eða
mamma mín, þá verður sá hinn sami sem
stendur í vegi fyrir mér drepinn. Mér er nákvæmlega sama
hver reynir að stöðva mig,“ segir Rose í viðtali við ESPN.
Hann segist orðinn fullkomlega heill af meiðslum sínum. „Ég
er tilbúinn. Ég vil bara komast út á völl og spila. Ég verð sterk-
ari með hverjum deginum og ég hef ekki lent í neinu bakslagi
með meiðslin,“ segir Derrick Rose en stuðningsmenn Chicago
verða fegnir að sjá hann aftur úti á vellinum. tomas@mbl.is
Hleypur yfir móður
sína verði hún fyrir
Derrick
Rose
Ross Barkley, 19 ára gamall miðjumaður Everton, hefur slegið
í gegn við upphaf leiktíðar í ensku úrvalsdeildinni í fótbolta og
spilað allar mínútur Everton í deildinni nema þrjár til þessa.
Hann kom við sögu í sínum fyrsta landsleik gegn Moldóvíu um
daginn en eina hvíldin var í deildabikarleiknum gegn Fulham á
dögunum.
Barkley verður án efa í lykilhlutverki hjá Everton gegn Man.
City um helgina auk þess sem hann var valinn í landsliðið sem
mætir Svartfjallalandi og Póllandi í næstu viku. Það er því nóg
að gera hjá miðjumanninum unga og Roberto Martínez, stjóri
Everton, sér enga ástæðu til þess að fara jafnsparlega með
hann og David Moyes gerði.
„Ross verður pirraður þegar hann vinnur ekki leiki á æfing-
um hvað þá þegar hann fær ekki að vera með í leikjum. Hann er
ungur maður sem hefur lengi beðið eftir sínu tækifæri og er
ólmur í að sanna sig hverja einustu sekúndu sem hann spilar.
Maður er ekkert þreyttur á þessum aldri. Hann er ferskur, með
mikla orku og þetta er bara byrjunin á tímabili sem verður al-
veg frábært hjá honum,“ segir Martínez.
Engin ástæða til að
hvíla ferskan Barkley
Roy Hodgson, landsliðsþjálfari Englands, til-
kynnti í gær hópinn sem mætir Póllandi og
Svartfjallalandi í tveimur síðustu leikjum
liðsins í undankeppni HM 2014. Wayne Roo-
ney er í hópnum þrátt fyrir að hafa misst af
leik Manchester United gegn Shakhtar Do-
netsk í Meistaradeildinni á miðvikudags-
kvöldið.
England er í efsta sæti H-riðils, stigi á
undan Úkraína og er með örlögin í eigin
höndum fyrir lokasprett undankeppninnar.
Báðir leikirnir fara fram á Wembley.
Hópurinn: Fraser Forster, Joe Hart, John Ruddy. Leighton
Baines, Gary Cahill, Ashley Cole, Phil Jagielka, Phil Jones,
Chris Smalling, Kyle Walker, Ross Barkley, Michael Carrick,
Tom Cleverley, Steven Gerrard, Frank Lampard, James Mil-
ner, Andros Townsend, Jack Wilshere, Jermain Defoe, Rickie
Lambert, Wayne Rooney, Daniel Sturridge, Daniel Welbeck.
tomas@mbl.is
Wayne Rooney í hóp
enska landsliðsins
Wayne Rooney
Íþróttahúsið í Grindavík, meist-
arakeppni KKÍ í karlaflokki, fimmtu-
daginn 3. október 2013.
Gangur leiksins: 6:7, 16:8, 20:10,
23:17, 30:17, 33:21, 42:30, 46:40,
51:47, 61:58, 68:60, 72:70, 80:76,
88:82, 100:90, 105:96.
Grindavík: Sigurður Gunnar Þor-
steinsson 28/8 fráköst, Jóhann Árni
Ólafsson 19/4 fráköst, Hilmir Krist-
jánsson 17, Þorleifur Ólafsson 14/4
fráköst, Jón Axel Guðmundsson 9/9
stoðsendingar, Ómar Örn Sævarsson
6/5 fráköst, Ólafur Ólafsson 6/5 frá-
köst/7 stoðsendingar, Kendall Leon
Timmons 3/4 fráköst, Björn Steinar
Brynjólfsson 2, Daníel Guðni Guð-
mundsson 1.
Fráköst: 25 í vörn, 11 í sókn.
Stjarnan: Nasir Jamal Robinson
32/7 fráköst, Marvin Valdimarsson
18, Justin Shouse 16/8 stoðsend-
ingar, Dagur Kár Jónsson 12/5 stoð-
sendingar, Sæmundur Valdimarsson
8, Fannar Freyr Helgason 7/7 frá-
köst, Kjartan Atli Kjartansson 2,
Kristinn Jónasson 1/6 fráköst.
Fráköst: 20 í vörn, 7 í sókn.
Dómarar: Kristinn Óskarsson, Davíð
Kristján Hreiðarsson, Georg And-
ersen.
Áhorfendur: 307.
Grindavík – Stjarnan 105:96