Morgunblaðið - 22.01.2014, Blaðsíða 11
Ljósmynd/Einar Grétarsson
Náttúrulegt Hér má sjá verk sem geyma öskulög úr Eiríksjökli. Mörg verkanna úr mörg þúsund ára efnivið.
að hann hafi ekki getað hætt að
hugsa um þessi snið. Þegar eigin-
kona hans var að vinna að náttúru-
tengdu verkefni í Kennaraháskól-
anum, nokkrum árum síðar, skaut
hugmyndin um jarðlögin upp koll-
inum enn á ný. „Við fórum upp í
Mosfellsdal og tókum þar jarðvegs-
snið,“ segir Einar.
Að taka jarðvegssnið
Einar beitir þaulæfðum hand-
tökum þegar hann tekur jarðvegs-
snið og þarf sannarlega að vanda til
verksins til að ekkert fari til spillis.
„Þetta gengur svolítið út á það að
ég reyni að finna skurði eða rofa-
börð,“ útskýrir Einar. „Svo slétti
ég það, sker út og síðan felli ég það
inn í trékassa sem ég er búinn að
búa til,“ segir Einar. Hann notar
oft tækifærið þegar verið er að
grafa einhvers staðar og fær þá að
taka þar snið. Vinnan er töluverð
og er henni hvergi nærri lokið þeg-
ar sniðið hefur verið tekið. Þvert á
móti er það blábyrjunin í gerð lista-
verksins.
„Ég tek sniðið heim í kass-
anum og læt það þorna. Það tekur
kannski um þrjá mánuði því maður
vill að rakinn fari hægt úr. Þá er
kominn hálfleikur og næsti fasi
byrjar og ég helli lími yfir þetta.
Ég nota sérstakt lím sem hefur
reynst vel. Síðan lími ég sniðið á
krossvið, risti af því og reyni að fá
þrívídd í verkið.“
Einar gætir þess að hafa alltaf
efsta lagið úr jarðveginum með í
hverju verki, þ.e. það sem er uppi á
yfirborðinu. Grasið og ræturnar,
mosann eða hvað svo sem kann að
vera á yfirborðinu.
Ferðalag um söguna
Hvert verk um sig er fræð-
andi, auk þess sem listrænt gildi
þess endurspeglast í samsetningu
öskulaganna sem geta verið í ýms-
um litum. Hverju verki fylgir skali
sem sýnir úr hvaða gosum öskulög-
in eru og hversu gömul þau eru.
Það er því á vissan hátt undir hug-
arflugi hvers og eins komið hversu
mikla sögu hvert verk getur sagt.
„Þetta er flott uppi á vegg og
fræðandi og svo getur þetta verið
Íslandssagan,“ segir Einar um
verkin sem koma djúpt neðan úr
jörðinni og ná býsna langt aftur.
Í einu verka Einars gefur að
líta snið sem tekið var skammt frá
Geysi en á því má sjá 3.000 ára
gamalt öskulag úr Heklu. Einnig
má sjá annað öskulag úr Heklu og
það er 4.300 ára gamalt.
Verk Einars eru til sýnis á
kaffihúsinu í Álafosskvosinni og
verður að segjast eins og er að það
er merkileg upplifun að horfa á
listaverk gerð úr þrjú þúsund ára
gömlu „hráefni“.
Minnstu verk Einars hafa ver-
ið til sölu í þremur stærðum á
Landnámssýningunni Reykjavík
871±2 sem er í Aðalstræti 16 og
Listafléttunni Laugavegi 1.
Facebook-síðu með fjölda
mynda og upplýsingum um þessi
sérstæðu verk má finna undir
leitarorðinu „neðanjarðar“ eða með
því að skanna qr-kóðann hér fyrir
neðan.
DAGLEGT LÍF 11
MORGUNBLAÐIÐ MIÐVIKUDAGUR 22. JANÚAR 2014
Í kvöld, miðvikudagskvöld, kl. 20
verður heimspekikaffi í Gerðubergi
með Gunnari Hersveini heimspekingi
og Dóru Guðrúnu Guðmundsdóttur
sálfræðingi. Efnið sem tekið verður
fyrir í kvöld er hugrekki og sjálfs-
mynd.
Í tilkynningu segir að sá sem tem-
ur sér hugrekki sé líklegri til að ná
þeim árangri í lífinu sem hann þráir.
Hugrekki er lykildygð sem nauðsyn-
legt er að læra og æfa. En getur
skræfa orðið hugrökk?
Hugrekki leikur stórt hlutverk í
sterkri sjálfsmynd einstaklinga.
Gunnar Hersveinn, rithöfundur og
heimspekingur, mun fjalla um hug-
rekki sem dygð og Dóra Guðrún Guð-
mundsdóttir, sálfræðingur og svið-
stjóri hjá Embætti landlæknis, mun
tengja saman hugrekki, sjálfsmynd
og vellíðan út frá sjónarhóli jákvæðr-
ar sálfræði.
Heimspekikaffið hefur heppnast
vel undanfarin misseri en þar er
fjallað á mannamáli um mikilvæg efni
og viska gesta lokkuð fram með
skemmtilegum umræðum. Dagskráin
hefst klukkan 20 og eru allir vel-
komnir. Heimspekikaffi er að jafnaði
einu sinni í mánuði í Gerðubergi
Hugrekki og sjálfsmynd –
heimspekikaffi í Gerðubergi
Gunnar
Hersveinn
Dóra Guðrún
Guðmundsdóttir
Getur skræfa
orðið hugrökk?
Skannaðu kóðann
sjá myndir.