Morgunblaðið - 22.01.2014, Síða 28
28 DÆGRADVÖL
MORGUNBLAÐIÐ MIÐVIKUDAGUR 22. JANÚAR 2014
Suðurver | Mjódd | Glæsibær | Húsgagnahöllin | Smáratorg | Austurver
Lágkolvetnabrauð
Kolvetnasnautt & prótínríkt
Lágkolvetnabrauð er
sérlega bragðgott og
skemmtileg viðbót í
brauðaúrvalið okkar.
KOMDU OG
SMAKKAÐU
Stjörnuspá
21. mars - 19. apríl
Hrútur Aðstæður heima fyrir eru kannski
ekki eins og best verður á kosið en þeim má
breyta ef vilji er fyrir hendi. Haltu því besta,
hentu afganginum.
20. apríl - 20. maí
Naut Allt sem þér leiðist drepur niður frum-
kvæði þitt. Láttu það líka eftir þér að bregða
svolítið á leik.
21. maí - 20. júní
Tvíburar Hafðu hugfast að þarfir fólks eru
mismunandi svo það sem er þér fyrir bestu
þarf ekki að eiga við um aðra. Taktu tillit til
samferðamanna þinna og þeir munu virða
þig.
21. júní - 22. júlí
Krabbi Þér liggur margt á hjarta þótt
kannski sé ekki viðeigandi að segja það.
Vertu óhrædd/ur við að reyna eitthvað nýtt,
annars muntu staðna.
23. júlí - 22. ágúst
Ljón Gættu þess að stökkva ekki upp á nef
þér af minnsta tilefni. Þér finnst þú hvatvís
og frjáls þegar þú hefur útbúið plan.
Draumar þínir rætast fyrr en þú heldur.
23. ágúst - 22. sept.
Meyja Þér hættir til að telja þig vera yfir
aðra hafin/n sem er ekki gott. Ef þú ert for-
eldri, hafðu þá í huga að uppeldi er lang-
hlaup.
23. sept. - 22. okt.
Vog Eru peningarnir af skornum skammti?
Þótt svarið sé ekki eindregið já er betra að
halda aftur af sér í eyðslunni. Ekki örvænta,
samband þitt við ástvin kemst brátt í samt
lag.
23. okt. - 21. nóv.
Sporðdreki Nú er komið að því að fjárfesta.
Leggðu þig fram um að halda heimilis-
útgjöldum í lægri kantinum.
22. nóv. - 21. des.
Bogmaður Nú er rétti tíminn til þess að bera
upp spurningu, sem hefur lengi verið að
brjótast um í þér. Einbeittu þér að því sem
máli skiptir.
22. des. - 19. janúar
Steingeit Þú þarft að fá útrás fyrir sköp-
unarhæfileika þína og þarft að finna þeim út-
rás. Leikaraskapur er þér ekki að skapi.
20. jan. - 18. febr.
Vatnsberi Það er lofsvert að láta sig varða
um annarra vandamál. Aðstæður eru góðar
til þess að eiga samræður við yfirboðara og
biðja um launahækkun. Farðu þér hægt í um-
gengni við hitt kynið.
19. feb. - 20. mars
Fiskar Þú hefur skuldbundið sjálfa/n þig til
stórra hluta og ættir nú að segja stopp.
Taktu skref aftur á bak og skoðaðu málin í
rólegheitum.
Í verðlaunabók Bjarka Karls-sonar Árleysi alda sem kom út
fyrir jólin var meðal annars lagt út
af vísunni um afa sem fór á honum
Rauð. Nú bætir hann við í léttum
dúr í bálki sem sannarlega á erindi
í Vísnahornið:
Óhróður um afa sinn
yrkja menn og blogga:
„æ, birtu það ekki Blöndal minn,
blessaður í Mogga.“
Í fangelsi hann, frétt ég hef,
fullur jafnan lenti.
Blöndal, ég verð barinn ef
birtist þetta á prenti.
Eftir karlinn allmörg lá
yngismærin gravíð.
Birta ekki Blöndal má
í blaðinu hjá Davíð.
Bjarki fékk kveðju frá umsjón-
armanni í gær:
Ef að drekkur afi romm
á yngismeyjar leitar.
Önnur hver er orðin bomm
og amma nýjan deitar.
Þér ég vil í þetta sinn
þakka efni bragsins
birtist skúbbið Bjarki minn
í blaði morgundagsins.
Höskuldur Jónsson tekur aðra af-
stöðu en Bjarki:
Afar mínir, englum líkir
aldrei sváfu þeir á ská.
Bændasjómenn börnum ríkir
Blöndal þetta skrifa má.
Hjálmar Freysteinsson prjónar
við í samræmi við tíðarandann:
Afi minn fór á honum Rauð,
æstur Snati gelti,
að sækja bæði sykur og brauð
sennilega úr spelti.
Og Friðrik Steingrímsson:
Aldrei sótti afi brauð
eða sykurmola.
Átti heldur engan rauð
né annan taminn fola.
Hólmfríður Bjartmarsdóttir tek-
ur upp hanskann fyrir afana: „Nú
ætla ég að fara að dæmi Friðriks og
hætta að skrökva upp á afana mína.
Afi Guðmundur:
Í alvöru, var afi minn
ekki fyrir kökur.
Prúður sat með pennann sinn
og páraði ljóð og stökur.
Afi Sigfús, barnfóstra móður
minnar.
Í alvöru var afinn hinn
aldrei latur maður.
Hélt utan um hópinn sinn
hress og jafnan glaður.“
Pétur Blöndal
pebl@mbl.is
VÍSNAHORN
Af fangelsi, yngismeyjum
og Morgunblaðinu
Í klípu
„ÉG HEF ÁHYGGJUR AF ÖMMU. HVAÐ EF
ÉG ÁKVEÐ AÐ EIGNAST BÖRN ÞEGAR ÉG
VERÐ ELDRI? VERÐUR HÚN HÉR TIL AÐ
ALA ÞAU UPP?“
eftir Mike Baldwin eftir Jim Unger
„ÉG SLAPP NAUMLEGA
FRÁ SÍÐASTA VIÐKOMUSTAÐ.“
Hermann
Ferdinand
Hrólfur hræðilegi
Grettir
... einhver sem hjúkrar
þér aftur til heilsu.
BJ
ÖR
GUM
H E
I M
I N U
M
ÉG ER HRÓLFUR
HRÆÐILEGI OG ER
HINGAÐ KOMINN
TIL AÐ SITJA UM
KASTALANN ÞINN!
VIÐ ERUM BÚIN
AÐ PANTA FRÍ
TIL SPÁNAR Í
FEBRÚAR ...
... GETURÐU KOMIÐ
AFTUR ÞÁ OG
PASSAÐ HÚSIÐ?
HÆ,
LÍSA!
HVAÐ SEGIR DÚLLU-SNÚLLU-
BOLLU-ROLLAN MÍN?
JÁ, ÉG SKAL FINNA
BETRA GÆLUNAFN.
BYRJANDI.
Víkverji er ekki í hópi þeirra, semóttast að íslenska sé að deyja út
vegna erlendra áhrifa og enska
muni taka völdin. Þetta segir hann
þó að tungumál, sem mun fleiri hafa
á hraðbergi en íslensku, séu talin í
hættu. Ástæðan er einfaldlega sú að
hér er öflug útgáfa og fjölmiðlun á
íslensku. Vissulega geta flestir Ís-
lendingar bjargað sér á ensku, en
þar með er ekki sagt að þeir tali
ensku eins og móðurmál sitt. Vík-
verji getur hins vegar ekki lofað
hreintungumönnum því að málið
muni standa í stað óbreytt um
ókomna tíð og myndi reyndar hrylla
við þeirri tilhugsun ef hún hvarflaði
að honum. Víkverja finnst að tung-
an verði að vera móttækileg fyrir
breytingum og opin fyrir nýjum
orðum, sem sum munu halda velli,
en önnur hverfa og gleymast vegna
þess að þau létu ekki nógu vel á
tungu eða í eyrum.
x x x
Ýmislegt veldur Víkverja þófurðu. Hann hefur til dæmis
tekið eftir í tilkynningum að
verslunarnafnið Útilíf er ekki beygt.
Haldin er útsala í Útilíf, en ekki
Útilífi. Víkverji þarf að beita sig
þvingunum til að láta vera að
beygja orðið og á bágt með að trúa
að þetta sé í samræmi við almenna
máltilfinningu.
x x x
Ýmis hugtök getur verið erfitt aðþýða úr útlensku á íslensku án
þess að umorða. Stundum eru til
þýðingar, en þá þarf að láta upp-
runalega orðið fylgja með til þess að
lesandinn átti sig á til hvers er vís-
að. Víkverji heldur að ekki séu
mörg dæmi um orð, sem ekki eigi
sér hliðstæðu í erlendum málum,
nema þá helst lýsingar á veðurfari.
Hann er þó ekki frá því að orðið
landkynning sé einstakt. Í það
minnsta hefur hann ekki rekist á
það í þeim tungumálum sem hann
þekkir og veltir hann því fyrir sér
hvers vegna Íslendingar eru svo
uppteknir af því hvernig kynningu
land þeirra fær í útlöndum að allt
getur farið á hliðina út af hlutum,
sem enginn tekur eftir þegar komið
er út fyrir landsteinana.
víkverji@mbl.is
Víkverji
Orð dagsins: Hann stendur mér við
hlið til þess að veita mér lið og vernd.
(Daníel 11, 1.)