Morgunblaðið - Sunnudagur - 02.03.2014, Qupperneq 32

O
kkur langaði að hafa þetta þemaískt – tengja matseldina
eitthvað við Spamalot sem þessi hópur er að sýna saman
núna,“ segir leikarinn Friðrik Friðriksson sem fór fyrir
matseldinni ásamt Erni Árnasyni í Þjóðleikhúsinu í vik-
unni. Leikarar er sýna Spamalot, verk úr hinni bresku fyndni Monty
Python, þessa dagana á Stóra sviðinu, snæddu saman önd og dýrindis
meðlæti og eftirrétti ásamt leikstjóranum Hilmi Snæ Guðnasyni.
Uppátækjasamur og fjörugur hópurinn lagði dúk á hringborð á Stóra
sviðinu og snæddi þar í ró og næði en þeir Friðrik og Örn elduðu í
Þjóðleikhússkjallaranum.
„Í sýningunni er talað um andapate svo að þar var smá tenging til
að hafa andabringur því hin tengingin er héri, og okkur leist ekkert
á þá uppskrift. Þá er kókoshneta notuð til að gera hófhljóð svo
ákveðið var að gera kókoseftirrétt. Við Örn erum báðir miklir mat-
gæðingar og þóttum hæfastir til starfsins og vorum hvor öðrum innan
handar við að þróa réttina.“
Maturinn féll vel í kramið enda segir Friðrik hópinn allan vera
mikla sælkera. „Það voru allir rosalega ánægðir með þetta og sáttir
við að fá svona fínan mat fyrir sýningu á miðvikudagskvöldið. Jú, við
hittumst stundum leikararnir utan vinnu í matarboðum en þegar mað-
ur er alltaf að leika á kvöldin er kannski minna um það. Til dæmis
eru mánudagskvöld lambalærissunnudagar hjá mér og konunni minni
því við erum alltaf að vinna í leikhúsinu á sunnudögum.“
Friðrik viðurkennir að eiga nokkur tromp uppi í erminni þegar
kemur að eigin matarboðum. Til dæmis geri hann mjög góðar ítalskar
kjötbollur, lambafillet, marokkóskan kjúkling og Gunnar Hansson vinur
hans og leikari er vitlaus í svínarif sem Friðrik býður stundum upp
á. Andabringur eru ekki oft á borðum hjá honum en hann áréttar að
þar skipti öllu máli að öndin, eins og hann orðar það; „fái aðeins rétt
að kynnast pönnunni“.
Yfirkokkarnir Friðrik Friðriksson og Örn Árnason eru þekktir matgæðingar í
Þjóðleikhúsinu og voru því fengnir til þess að elda ofan í hópinn.
DÝRINDIS KVÖLDVERÐUR Á STÓRA SVIÐINU
Leikarar
snæða önd
og ís
MEÐ ÞÁ FRIÐRIK FRIÐRIKSSON OG ÖRN ÁRNASON Í FAR-
ARBRODDI ELDAMENNSKUNNAR, PRÓFUÐU LEIKARAR OG
LEIKSTJÓRI SPAMALOT AÐ SNÆÐA DÝRINDIS KVÖLDVERÐ
Á STÓRA SVIÐI ÞJÓÐLEIKHÚSSINS.
Júlía Margrét Alexandersdóttir julia@mbl.is
32 MORGUNBLAÐIÐ SUNNUDAGUR 2.3. 2014
Matur og drykkir
Allir saddir og sáttir. Leik-
ararnir eru þó vanari að fá
sér aðeins léttari máltíð fyrir
sýningar en andabringur.
1 andabringa á hvern gest
salt og pipar eftir smekk.
Skerið rákir í 1 cm teninga í fitu-
hliðina án þess að skera alla leið
niður í vöðvann. Saltið og piprið og
steikið í 5-7 mínútur á skinnhliðinni
án þess að nota feiti, það kemur
næg feiti af bringunum. Snúið bring-
unni við og steikið þá hlið 1-2 mín-
útur. Setjið bringurnar á ofnplötu
og hitið við 180°C í ofni í 5 mín-
útur. Friðrik bendir á að gott sé að
eiga andafituna, geyma í ísskáp og
nota til steikingar næstu vikur og
nota til dæmis í að gera rétt sem
finnst á internetinu og kallast „Per-
fect roast potatoes“.
HASSELBACK
1 stór bökunarkartafla á mann
salt og pipar
100 g smjör
1 dl ólífuolía
sjávarsalt eftir smekk
Skerið botninn rétt undan kart-
öflunni svo hún standi sjálf. Ekki
skræla. Leggið kínverska prjóna,
sleifar eða annað slíkt sitt hvorum
megin við kartöflurnar. Takið vel
beittan hníf og skerið niður í kart-
öfluna með hálfs sentimetra milli-
bili. Prjónarnir varna því að hníf-
urinn fari alla leið í gegnum
kartöfluna, sem hann á ekki að
gera. Hitið smjör og ólífuolíu sam-
an og penslið kartöflurnar vel. Salt-
ið og bakið í ofni við 190°C í 45
mínútur. Penslið kartöflurnar með
smjörblöndunni öðru hverju með-
an þær bakast.
KIRSUBERJASÓSA
250 ml rauðvín
250 ml vatn
kjötkraftur eftir smekk
1 rósmarínkvistur
kirsuber, annaðhvort fersk,
niðursoðin eða veidd upp úr
kirsuberjasultu
Sjóðið rauðvínið niður, vatni og
krafti bætt saman við ásamt rósm-
arín og berjum sem veidd voru úr
Den gamle fabrik kirsuberjasultu.
Þykkt með maísenamjöli.
Andabringur og meðlæti