Morgunblaðið - 23.09.2014, Blaðsíða 4

MORGUNBLAÐIÐ ÞRIÐJUDAGUR 23. SEPTEMBER 2014
4 BÍLAR
S
umir myndu segja að það
væri að bera í bakka-
fullan lækinn að koma
með enn einn dísiljepp-
linginn frá BMW því víst er það
rétt að úrvalið á þeim bænum er
orðið ansi mikið. Reyndar er nýr
X4 svar BMW við bílum eins og
Audi SQ5, Porsche Macan og
Range Rover Evouge frá keppi-
nautunum. X4 er algerlega nýr bíll
þótt hann sé byggður á grunni X3
og noti sömu vélar og drifbúnað,
enda er X4 aðeins í boði með fjór-
hjóladrifi og dísilvél.
Lægri seta og minna pláss
Þegar X4 er skoðaður í sam-
anburði við X3 má sjá að hann er
ansi líkur honum, undir gluggum
það er að segja. Í stuttu máli bjó
BMW til þennan flokk, sem þeir
kalla Sports Activity Coupé, með
því að breyta þaklínunni eins og
um sportbíl væri að ræða. BMW
X6 kom á markað árið 2008 en er
aðeins með sæti fyrir fjóra, nema
þegar fimm sæti eru sérpöntuð.
Fimm sæti eru hins vegar stað-
albúnaður í X4 sem er kostur ef
svo má segja. BMW X4 er 36 mm
lægri á undirvagni sínum en X3 og
fyrir vikið sitja farþegar 20 mm
lægra í X4. Ekki veitir af enda er
þakið mun lægra og þá sér-
staklega fyrir aftursætisfarþeg-
ana. Reyndar er höfuðrými alveg
þokkalegt í gluggasætunum en
þar sem miðjusætið er hærra er
ekki ráðlegt fyrir hávaxna að
koma sér fyrir þar. Þegar hlið-
arlínur X3 og X4 eru skoðaðar er
eins og helmingur plássins fyrir
ofan axlalínu hafi verið skorinn af.
Fyrir vikið kemur þetta útlit mest
niður á farangursrýminu, sem er
50 lítrum minna en í X3, og ef
sætin eru lögð niður í báðum bíl-
unum munar heilum 200 lítrum á
plássinu. Einnig er hærra upp í
farangursrýmið, sem er sjaldnast
kostur. Það versta við þetta bygg-
ingarlag er þó útsýnið sem er með
því versta sem undirritaður hefur
séð í bíl í langan tíma. Stórir D-
bitar og lítil og sveigð afturrúðan
gera það nánast ómögulegt að sjá
hvað er fyrir aftan bílinn, kannski
einmitt þess vegna sem BMW
býður nálægðarskynjara sem
staðalbúnað með bílnum. Annar
ókostur sem fylgir einnig aft-
urhallandi afturrúðunni er að öll
úrkoma situr á rúðunni í stað þess
að renna af svo að lítið útsýni
verður ekkert ef það rignir eða
snjóar.
Aðdáunarvert grip
En fátt er svo með öllu illt að
ekki boði nokkuð gott því að X4 er
að sönnu hörkuakstursbíll. Meira
að segja með tveggja lítra dísilvél-
inni rífur hann sig vel áfram og
átta þrepa sjálfskiptingin er silki-
mjúk, líka á Sport+-stillingunni.
Sportstýrið í X4 er snöggt að
leggja á enda snýst það bara
rúma tvo hringi borð í borð. Með
M-sport-pakkanum eins og próf-
unarbíllinn var útbúinn er hann
ekki bara sportlegri í útliti heldur
fær hann líka öflugri bremsur og
ekki veitir af því. Með sín 1800 kg
er aðdáunarvert að finna hversu
vel hann heldur sér á veginum og
hvað gripið í stórum 19 tommu
dekkjunum helst lengi. Jepplingar
með dísilvélar hafa flestir tilhneig-
ingu til að vera undirstýrðir en því
er ekki að heilsa í X4. Það er frek-
ar að það votti fyrir örlítilli yf-
irstýringu þegar hann nálgast það
að missa tökin en það leyfir hann í
raun og veru ökumanni aldrei.
Þótt slökkt sé á spól- og skrikvörn
fer hún aldrei það mikið af að hún
grípi ekki inn í ef í óefni stefnir.
Finnst þá að hann bremsar fyrst á
framhjóli í utanverðri beygjunni
en bara rétt svona til að stilla
hann örlítið af. Í hefðbundnum
akstri er hann líka að sumu leyti
betri en X3. Sætin eru þægilegri
og með betri stuðningi og hljóð-
einangrunin er einnig meiri þótt
innréttingin sé nánast sú sama og
í X3.
Stenst vel samanburð
En hvað er BMW að gera með
bíl sem er með talsvert minna
rými en X3 og mun dýrari? Alls
munar 800.000 kr. á grunn-
gerðum X3 og X4 í bæði tveggja
og þriggja lítra útfærslunum.
BMW X4 kostar frá 7.790.000 kr.
með tveggja lítra dísilvélinni en frá
10.690.000 kr. með þriggja lítra
vélinni. Prófunarbíllinn var tveggja
lítra með M-sport-pakka sem
bætir rúmri milljón við verðið.
Eins og áður sagði er X4 svar við
öðrum sportlegum evrópskum
jepplingum í gæðaflokki sem
bjóðast nú á alla kanta. Einnig má
segja að hann sé tilraun til að
bjóða sportlegra útlit á annars
frekar hefðbundnu jepplings-
útlitinu. Hvort það reynist vel eða
ekki mun markaðurinn láta í ljós
en hann notar þó ekki sama
grunnútlit og helstu keppinaut-
arnir. Porsche Macan S dísil kost-
ar frá 11.950.000 kr. og Audi SQ5
frá 13.490.000 kr. svo að þriggja
lítra X4 stendur sig alls ekki illa í
samanburði verðlega séð.
njall@mbl.is
Njáll Gunnlaugsson reynsluekur BMW X4
Tveggja
heima sýn
Kostir: Gott grip, innrétting, sjálfskipting
Gallar: Útsýni, farangursrými
BMWX4 Árgerð 2014
• 18 tommaálfelgur
• Eiginþyngdkg: 1.805bsk
• Farangursrými: 500 lítrar
• 0-100km/sek:8,0bsk
•Hámarkshr.: 212km/klst
• Fjórhjóladrif
•Verð frá: 7.790.000kr.
• 5,4 l/100km íbl akstri
• Umboð:BL
•Mengunargildi:
141 gCO2/km
•2,0 lítradísilvél
• 190hestöfl/400Nm
•8þrepasjálfskipting
Efnisval innréttingar er fyrsta flokks og ekkert sem truflar ökumann í
uppsetningu þess, eins og BMW er von og vísa. Hreint fyrirtak.
Twin Turbo-dísilvélarnar frá Bayerische Motoren Werke eru margverð-
launaðar og skila vel sínu, hvort heldur sem það er í afli eða eyðslu.
Aðeins afturljósin eru öðruvísi en í
X3 þegar horft er á neðri hlutann.
Farangursrýmið í skottinu er heldur minna en í X3 og munurinn er gríð-
arlegur ef hann er skoðaður með sætin felld niður í báðum bílunum.