Selfoss - 27.03.2014, Page 2

LAGNALAGINN,
PÍPARINN ÞINN
Fagmennska • Snyrtimennska • Áreiðanleiki • Traust
Kannaðu málið og bókaðu tíma núna
www.lagnalaginn.is /lagnalaginn
Sími : 774-7274 (7-PÍPARI)
2 27. MARS 2014
Niðurskurður og hætt við sameiningu við Háskóla Íslands:
Til stóð að efla faglega þróun
Landbúnaðarháskóla Íslands
að Reykjum í Ölfusi
„Það sem við litum sérstaklega til voru rannsóknir í lyfjafræði en við erum með frábæra aðstöðu
í tilraunagróðurhúsi okkar. Þá sáum
við fyrir okkur þverfagleg verkefni
með þátttöku hagfræði, verkfræði og
jarðfræði.“ Þetta eru gríðarleg von-
brigði, segir Ágúst Sigurðsson, rektor
Landbúnaðarháskóla Íslands.
Skólinn hafði stefnt að samein-
ingu við Háskóla Íslands. „Þeim
breytingum myndu fylgja mikil
fagleg uppbygging og auknir fjár-
munir inn í rekstur starfseminnar
sérstaklega á Hvanneyri og Reykj-
um. Það eru gríðarleg vonbrigði að
þessar fyrirætlanir séu nú að engu
orðnar,“ segir Ágúst Sigurðsson,
rektor Landbúnaðarháskóla Íslands.
„Hluti af vinnu okkar undanfarna
mánuði um að LbhÍ yrði hluti af
HÍ gekk út á það að skjóta styrk-
ari stoðum undir þá starfsemi sem
nú er á Reykjum með fjölbreyttari
viðfangsefnum en verið hafa. Það
sem við litum sérstaklega til voru
rannsóknir í lyfjafræði en við erum
með frábæra aðstöðu í tilraunagróð-
urhúsi okkar sem gæti nýtst fyrir
slíkar rannsóknir auk þess sem við
erum þegar að gera í tengslum við
garðyrkju og ræktun ýmisskonar. Þá
sáum við fyrir okkur þverfagleg ver-
kefni með þátttöku hagfræði, verk-
fræði og jarðfræði meðal annars en
Reykir búa yfir einstökum aðstæðum
frá náttúrunnar hendi m.a. til rann-
sókna og kennslu á sviði loftslags-
breytinga og auðvitað jarðhita. Þá
var mjög mikilvægur hluti áætlunar
þeirrar sem við vorum tilbúin með
að setja nýtt fjármagn í endurbætur
á skólahúsinu á Reykjum og koma
því inn í viðhaldsleigu hjá Fasteign-
um ríkisins, sem er mjög brýnt.
Það skýtur þá frekari stoðum undir
aukna starfsemi á sviði símenntunar
allt árið um kring,“ segir Ágúst Sig-
urðsson, rektor Landbúnaðarháskól-
ans í samtalið við Selfoss-Suðurland.
Skólanum er gert að skila 35 millj-
ónum árlega í afgang af rekstri. „Við
erum á fullu að endurskoða rekstr-
aráætlun fyrir árin 2014-2016 í ljósi
þessara síðustu tíðinda. Niðurstöð-
um úr því er að vænta í þessari viku.
Þar er auðvitað öll okkar starfsemi
undir."
Hvers vegna fór það svo að Land-
búnaðarháskólinn sameinast ekki
Háskóla Íslands eins og til stóð og
verði í staðinn áfram sjálfstæð ein-
ing?
„Skýringar sem ég fæ við þessari
stefnubreytingu,“ segir Ágúst rektor,
„eru að þingmenn NV kjördæmis
með stuðningi sveitarstjórnar Borg-
arbyggðar og forystu Bændasamtaka
Íslands leggist alfarið gegn þessum
áætlunum og því séu þær ófram-
kvæmanlegar.“
Það styttist í sveitarstjórnarkosningar í 14 sveitarfélögum á Suður-landi – og út um allt land. Í kosningunum 2010 var kosningaþátt-taka 80,5% á Suðurlandi, lægst í Árborg en hæst í Mýrdalshreppi.
16.870 voru á kjörskrá. Það er álíka fjöldi og var í sæmilega stóru
sveitarfélagi á höfuðborgarsvæðinu. Það vekur upp raddir sem segja að
viðspyrnan þurfi að vera meiri hér á Suðurlandi. Það er dýrt að halda úti
sveitarfélagi sem þarf að kappkosta að búa sem best að öllum. Og helst
lokka til sín fleira fólk. Kosningar til sveitarstjórna verða líka til þess að
fólk veltir við steinum. Sjálfstæði og lýðræðsisleg þróun í landshlutanum
byggir á samræðu kjörinna fulltrúa og við atkvæðin sjálf.
Hverjar eru tekjur sveitarfélagsins, og hver eru helstu útgjöld? Útgjöld
eru að mestu föst. Verkefni hafa færst milli handa. Nú síðast þegar
málefni fatlaðra fór frá ríkinu að mestu. Skólarnir taka drjúgan skerf
og er líka veigamikil undirstaða í hverju sveitarfélagi. Þar hallar á innan
landshlutans. Fækkun í yngstu aldurshópunum er mjög mikil í sumum
sveitarfélaganna. Kallar á sameiningu eða meiri samvinnu.
Bæjarstjórnin í Hveragerði hefur samþykkt að samhliða kosningunum
31. maí verði fólki gefinn kostur á að segja já eða nei við því að sveitar-
félagið sameinist hugsanlega öðru sveitarfélagi. Meira að segja verður
hægt að velja milli kosta – segi fólk já. Líklegast er að meðal kosta verði
sveitarfélagið sem næst stendur (og er allt um kring líka), þ.e.a.s. Sveitar-
félagið Ölfus. Þá hlýtur annar kostur að vera sameining allra sveitarfélaga
í Árnessýslu. Við það yrði Árnesþing til.
Sameiningarmál eru viðkvæm. Ævinlega óttast menn mest að stóra
sveitarfélagið gleypi hin smærri. Í minnsta sveitarfélaginu á Suðurlandi
gátu 134 íbúar neytt kosningaréttar árið 2010, en í hinu fjölmennasta
voru þeir 5450. Verði sameining í Árnessýslu í eitt sveitarfélag mun
það ýta við mörgum. Og ýmislegt koma upp á yfirborðið. En hverjir
eru fylgjandi og hverjir eru í það minnsta hugsi? Við lauslega athugun
kemur í ljós að í fjölmennasta sveitarfélaginu í Árnesssýlu er samhljómur
þeirra frambjóðenda sem vitað er að munu leiða framboð í vor. Þau telja
sameiningu í Árnessýslu raunhæfa. Og besta kostinn ef menn eru á annað
borð að ræða sameiningu. Jafnvel eina kostinn. Fleiri eru sama sinnis.
Þorlákur Helgi Helgason
Sameining
sveitarfélaga
á dagskrá
LEIÐARI
Helmings afsláttur af gatnagerðargjöldum
Sveitarstjórn Grímsnes- og Grafningshrepps hefur sam-þykkt að veita helmings afslátt
af gatnagerðargjöldum lóða sem er
úthlutað á árinu 2014. Ákvörðun-
in er bundin því skilyrði að fram-
kvæmdir hefjist innan árs frá því að
lóð er úthlutað.
Mynd í eigu Héraðsskjalasafns
Árnesinga
Fimmtíu ár við slaghörpuna
„Ytri glans og yfirborðskennd flottheit eru honum ekki að skapi.“ Þannig skrifaði Stefán
Edelstein um tónleika Jónasar Ingi-
mundarsonar árið 1972. Það var
frumraun hans sem píanóleikara í
höfuðborginni. Um þessar mund-
ir er liðin hálf öld frá því Jónas
Ingimundarson hóf þátttöku í
opinberu tónlistarlífi.
Sunnudaginn 30. mars ætlar
Jónas að koma með tónleika í gamla
bæinn sinn, Þorlákshöfn og efna
til stórtónleika á Tónum við hafið.
Söngkonan Sigrún Hjálmtýsdótt-
ir eða Diddú mætir með honum,
en Diddú og Jónas hafa oft komið
fram saman á undanförnum árum.
Tónleikar með þeim tveimur hafa
jafnan vakið mikla hrifningu, enda
hafa þau af miklu að miðla bæði
tónlistarlega og sem persónur.
Á efnisskrá tónleikanna eru verk
eftir Gluck, Scarlatti, Caldara,
Pergolesi, Curtis, Mario, Verdi,
Þórarinn Guðmundsson, Jón Ás-
geirsson, Jakob Hallgrímsson, Sig-
valda Kaldalóns, Gunnar Reyni
Sveinsson, Rachmaninoff, Glinka,
Tschaikowski og Alabieff.
„Syngjandi tónblær“ var yfir
leik Jónasar Ingimundarsonar árið
1972. Tónleikagestir mega búast
við sama innileik í Þorlákskirkju á
sunnudag, en tónleikarnir hefjast
klukkan 16.30.
Ágúst Sigurðsson rektor
Fyrsti vinnufundur
Framboðsmál eru að taka á sig mynd. Samfylkingarfólk hélt
sinn fyrsta vinnufund sl. mánudags-
kvöld. Mikið er af nýju fólki og voru
þau leidd um lendur bæjarfélagsins
af sitjandi bæjarfulltrúum.
Mynd: ÞHH
Jónas Ingimundarson og Sigrún
Hjálmtýsdóttir (Diddu)
SELFOSS-SUÐURLAND kemur næst út 10. apríl