Selfoss - 27.03.2014, Blaðsíða 9
927. MARS 2014
Tekinn púls
Þriðjudagur. Verkfall í kjara-deilu framhaldsskólakennara hefur staðið yfir á aðra viku.
Ég bankaði upp á í Fjölbrautaskóla
Suðurlands í gær. 1000 manna
vinnustaður. Ég taldi innan við
tíu. Gaf mig á tal við piltung sem
var að lesa á bókasafninu. Einn.
Ræddi við stúlku sem grúfði líka
yfir tölvu í leit að efni. Hún leiðrétti
mig. Sagðist vera í háskólanámi.
Niðurstaða: einn nemandi. Oddi
auður. Olga Lísa skólameistari
hefur miklar áhyggjur af þeim sem
standa höllum fæti fyrir.
Kosningarnar í Árborg munu snúast
um áframhaldandi stöðugleika,
segir Ásta Stefánsdóttir sem hlaut efsta sætið í prófkjöri Sjálfstæðisflokksins um sl. helgi.
„Þátttaka í prófkjörinu var góð, sem er ánægjulegt, og reynslu-mikið og öflugt fólk raðaðist í
þau sæti sem kosið var um,“ segir
Ásta Stefánsdóttir sem verður odd-
viti listans. Niðurstöður prófkjörsins
eru ekki bindandi í 1. og 5. sæti.
Ásta segir að það hafi ekki komið
sér á óvart hve bæjarfulltrúarnir sem
gáfu kost á sér voru í raun jafnir.
Ekki skildu nema nokkur atkvæði á
milli manna varðandi einstök sæti.
Það mætti tala um „sjónarmun“ á
milli manna. „Þetta staðfestir það
að bæjarfulltrúar hafa verið að vinna
mjög gott starf á kjörtímabilinu,
hver í sínum málaflokki og saman
sem heild við stjórnun sveitarfélags-
ins í samstarfi við aðra bæjarfulltrúa,
og að ánægja er með störf þeirra.“
Ásta telur að kosningarnar í vor
muni að miklu leyti snúast um þessa
hluti; áframhaldandi stöðugleika,
því það er það sem þurfi til að geta
aukið og bætt þjónustu og byggt upp
mannvirki og kerfi sem sveitarfélagið
þarf að hafa til að tryggja góð bú-
setuskilyrði.
Aðspurð um tillögu Hveragerð-
isbæjar um að kanna hug íbúa til
sameiningar ... „þá tel ég það vera
áhugavert verkefni og að gaman væri
að vita hug íbúa til slíks. Samein-
ing tel ég að verði ekki gerð með
þvingun að ofan, lagasetningu eða
slíku, heldur þurfi frumkvæðið að
koma frá sveitarfélögunum og íbú-
um þeirra. Sveitarfélögin í landinu
eru nú yfir 70 talsins, hefur fækkað
verulega á ekki svo löngum tíma,
ca. 20-25 árum, og ég tel að það
eigi eftir að verða meiri sameiningar.
Árnessýsla sem eitt sveitarfélag væri
tvímælalaust áhugaverður kostur,
það yrðu a.m.k. ekki mörg sveitar-
félög á landinu sem hefðu innan
sinna vébanda viðlíka auðlindir, svo
sem náttúruperlur, gjöful landbún-
aðarsvæði, aðgengi að fiskimiðum,
öfluga matvælaframleiðslu, iðnað
af ýmsu tagi og margt fleira mætti
nefna, auk þess að hafa aðgang að
þeirri fjölbreyttu þjónustu sem íbúar
geta sótt víðsvegar innan svæðisins.“
Forseti bæjarstjórnar
í Árborg úti í kuldanum í XD
Ari Björn Thorarensen, forseti bæjarstjórnar Ár-borgar, hafnaði í 5. sæti
í prófkjöri Sjálfstæðismanna sl.
laugardag. Ari sóttist eftir 2. sæti.
Hann segist íhuga stöðu sína. Sam-
kvæmt heimildum blaðsins er allt
eins líklegt að hann verði ekki á
listanum.
Á meðan Sjálfstæðismenn rölta
um Reykjavik undir kjörorðinu
Þvinguð sambúð (skv. vefsíðu XD)
efndu kollegar þeirra til pröfkjörs
í Árborg. 1340 voru á kjörskrá.
Af þeim kusu 686 og 521 merktu
við Ástu í 1. sæti sem er 75% eða
þrír af hverjum fjórum kusu hana
í oddvitasætið. Þrennt keppti um
annað sætið: Sandra Dís Haf-
þórsdóttir, Gunnar Egilsson og
Ari Björn Thorarensen. Gunn-
ar hreppti sætið, en Sandra Dís
lenti í 3.-4. sæti og Ari Björn í því
fimmta. Sandra mun vera ósátt við
sitt hlutskipti. Kjartan Björnsson
og Sandra Dís voru hnífjöfn og
fengu 306 atkvæði í þriðja sæti.
Mun kjörnefnd ræða við frambjóð-
endur til að skera úr um sætaskipan
þriðja og fjórða. Niðurstöður eru
bindandi í 5 efstu sæti en í því
sjötta er Magnús Gíslason.
ÞHH
Nýtt fólk í brúnni
hjá Samfylkingunni
Framboðslisti Samfylkingarinnar í Árborg var samþykktur á félags-
fundi í fyrri viku. Eggert Valur og
Arna Ír skipa efstu sæti eins og síðast
en síðan kemur nýr hópur félaga.
Listann skipa:
1. Eggert Valur Guðmundsson,
sjálfstætt starfandi og bæjar-
fulltrúi, Tjarnarbyggð
2. Arna Ír Gunnarsdóttir, félags-
ráðgjafi og bæjarfulltrúi, Selfossi
3. Guðlaug Einarsdóttir, ljósmóðir
og hjúkrunarfræðingur, Eyrar-
bakka
4. Viktor Stefán Pálsson, lög-
fræðingur, Selfossi
5. Svava Júlía Jónsdóttir, ráðgjafi,
Selfossi
6. Anton Örn Eggertsson, mat-
reiðslumaður, Selfossi
7. Kristrún Helga Jóhannsdóttir,
nemi, Selfossi
8. Jean-Rémi Chareyre, veitinga-
maður, Tjarnarbyggð
9. Sesselía Sigurðardóttir, garð-
yrkjufræðingur, Selfossi
10. Hörður Ásgeirsson, kennslu-
stjóri, Selfossi
11. Steinunn Jónsdóttir, forstöðu-
þroskaþjálfi, Selfossi
12. Magnús Gísli Sveinsson, sund-
laugarvörður, Selfossi
13. Kristín Sigurðardóttir, starfs-
maður í leikskóla, Stokkseyri
14. Hermann Dan Másson, nemi,
Selfossi
15. Frímann Baldursson, lögreglu-
varðstjóri, Selfossi
16. Drífa Eysteinsdóttir, hjúkrunar-
fræðingur, Selfossi
17. Gestur Halldórsson, fyrrum
staðarhaldari, Selfossi
18. Ragnheiður Hergeirsdóttir, f.v.
bæjarstjóri, Tjarnarbyggð
B listi framfarasinna
í Ölfusi býður fram
B listi framfarasinna í Ölfusi mun bjóða fram í komandi
sveitarstjórnarkosningum. Listi
framboðsins var samþykktur á
fundi Framsóknarfélags Ölfuss
þann 11. mars síðastliðinn. List-
inn hefur átt tvo fulltrúa í bæj-
arstjórn og hlaut 30% atkvæða í
kosningunum 2010.
Sveinn, Anna Björg og Jón Páll
skipuðu þrjú efstu sætin á lista
Framfarasinna fyrir kosningar árið
2010 og líka núna.
Listinn er þannig skipaður:
1. Sveinn Steinarsson, hrossa-
bóndi og forseti bæjarstjórnar,
Litlalandi Ölfusi
2. Anna Björg Níelsdóttir, bókari
og bæjarfulltrúi, Sunnuhvoli
Ölfusi
3. Jón Páll Kristófersson, rekstr-
arstjóri, Þorlákshöfn
4. Ágústa Ragnarsdóttir, grafískur
hönnuður og kennari, Þor-
lákshöfn.
5. Baldur Þór Ragnarsson, einka-
þjálfari, Þorlákshöfn.
6. Eyrún Hafþórsdóttir, ráðgjafi
og nemi, Þorlákshöfn.
7. Grétar Geir Halldórsson, raf-
virkjameistari, Þorlákshöfn.
8. Anna Júlíusdóttir, kennari,
Þorlákshöfn.
9. Michal Rybinski, rafvirki, Þor-
lákshöfn.
10. Margrét S Stefánsdóttir, tón-
listarkennari, Hvoli Ölfusi.
11. Sigurður Garðarsson, verk-
stjóri, Þorlákshöfn.
12. Valgerður Guðmundsdóttir,
þjónustustjóri, Þorlákshöfn.
13. Páll Stefánsson, dýralæknir,
Stuðlum Ölfusi.
14. Hansína Á. Björgvinsdóttir,
fyrrv. kennari og bæjarstjóri
í Kópavogi.
Mynd: ÞHH
Ásta Stefánsdóttir.