Selfoss - 25.09.2014, Blaðsíða 2
2 25. SEPTEMBER 2014
Við tökum að okkur alla vinnslu á kjöti fyrir
einstaklinga. Kjötið er unnið algjörlega eftir þínum
óskum og pakkað í neytendaumbúðir. Magn
kjöts í hverjum pakka fer eftir því sem þér hentar,
miðað við þína fjölskyldu. Við leggjum metnað
í faglega vinnslu og góðan frágang. Það er ekki
ónýtt að eiga smá kjöt í frystinum.
Krás kjötvinnsla
Selfossi
Sími 482-3560 netfang: kras1@simnet.is
Þarf ekki að
fylla á kistuna
fyrir veturinn?
Þann lauk frásögn Morgunblaðsins af atkvæðagreiðslu á alþingi. Árið var 1919. En hljómar kunnuglega enn þann dag í dag. Nú skipast menn lítillega í fylkingar í anda hugsjóna sem
stangast á. Meira er um vert að hljóta umbun. Helst þegar stutt er
í næstu kosningar. Þykir mönnum sem halli oft á að málstaður sé
röklega studdur. Við höfum fjölmörg dæmi. Segja má að umræða
eða umræðuleysi um fjárlagafrumvarpið á okkar alþingi endurspegli
þetta. Heilu kosningarnar eru dæmdar út frá skoðanaleysinu. Nýleg
dæmi eru allt um kring. Síðast niðurstöður þingkosninganna í Sví-
þjóð. Uppgangur hægri öfgastefnu Svíþjóðardemókrata vekur ugg.
Tíundi hver Svíi kaus þá. Og drógu mest fylgi frá stærstu stjórnmála-
flokkunum sem þóttust eiga breiðustu bökin gagnvart kjósendum.
Nú hallast stjórnmálaskýrendur að því að fylgisaukningin komi ekki
síst til af því að aðrir flokkar hafi reynst skoðanalausir. Allir hamist
á síðustu metrunum við að höfða til stærsta hópsins rétt fyrir kosn-
ingar. Úr því verði einskis nýtt miðjumoð sem á að fanga lausafylgið
og aðra. Þriðji hver kjósandi ákveður sig á leiðinni í kjörklefann.
Skoðanamunur milli gömlu stjórnmálaflokkanna sé ekki sýnilegur.
Hugsjónir víki fyrir ákafanum að öðlast skammtímahylli kjósenda.
Er lýðræðinu hætta búin af þessum skorti á hugsjónum? Það er
enginn vafi að svo sé. Gömlu flokkarnir rækta ekki sitt bakland
milli kosninga. Ungt fólk dregst ekki að stjórnmálastarfi (og lætur
smala sér á kjörstað), finnst annað meira spennandi. Og lýðræðið
líður fyrir það. Bakland stjórnmálaflokkanna þynnist. Flokkarnir
geta ekki lengur stólað á fylkingarnar sem fylgdu áður yfir þykkt
og þunnt. Þjóðfélagsumræðan verður á yfirborðinu. Það er að
segja sú opinbera. Samfélagið er miklu frekar brotið til mergjar á
samfélagsmiðlum í dag. Netmiðlar eru vettvangur þeirra sem gera
tilraun til að kryfja ástandið.
Spurning er þá hvernig má vega ástandið meira með rökum en
atkvæðum? Það er freistandi að óska þess að það verði gert með
þátttöku fremur en áliti. Þátttöku þar sem dregin eru fram rökin
með og móti. Þar sem lagt er upp með grundvallarspurningar. Um
nútímann, um framtíðina, um þjóðina, um samskipti inn á við og
út á við. Um hlut okkar í tilverunni. Um áhrif okkar á þróun sam-
félagsins. Út og ofan við skammtímasjónarmið sem oftast endast
ekki fram yfir kosningar. Mérf finnst upplagt að hefja umræðuna um
fjárlagafrumvarpið sem nú liggur fyrir. Þar eru boðaðar breytingar
sem sjálfsagt þykir að nokkrir aðilar í þjóðfélaginu tjái sig um.
Fjárlagafrumvarpið fjallar um meira en hækkun „matarskatts“ eða
fjárframlög til opinberra stofnana. Það eru upplagt til að leggja fyrir
þjóðina til að fjalla um. Það vantar að vísu ákveðinn farveg til þess
að vísa umræðunni í. En hvarvetna eru tækifærin. Um allt land.
Spennandi verkefni.
Þorlákur Helgi Helgason
„Mátti með sanni segja að
tillaga þessi væri vegin með
atkvæðum en ekki rökum.“
LEIÐARI
Þarf að geta sofið
heima hjá sér!
Í smáuaglýsingum Vísis 28. september 1918 má lesa
margar auglýsingar um vinnu í boði. M.a. þessa: „Stúlka
óskast til innanhússtarfa á barnlausu heimili. Þarf að
geta sofið heima hjá sér.“
Í fréttum Vísis sama dag segir frá því að Skeiðaréttum
sem „áttu að vera í gær, en það fórst fyrir. Stórhríð
hafði verið á afréttinni, svo að fé fenti og ekkert varð
úr göngum. Muna menn ekki til að göngur hafi farist
fyrir áður þar eystra.“
21. september 1916 getur að lesa þessa auglýsingu í
Morgunblaðinu: „Tveir menn geta fengið far í bifreið
í dag austur í Skeiðaréttir.“ Á fundi bæjarstjórnar
Reykjavíkur sama dag er m.a. tekið fyrir erindi Jó-
hannesar Jósefssonar um leiguland við Baronsstíg. Og
upplýsingar um ágæta hagagöngu fyrir hesta er að fá í
Ingólfsstræti 4 (eftir kl. 4). Blöð árétta að kveikingar-
tími á ljóskerum bifreiða og reiðhjóla sé kl. 7 á kvöldin.
Þá er kvartað undan bæjarsímanum í Reykjavík. „Fyrst
verður maður að hringja þetta 5-10 sinnum á mið-
stöð, annaðhvort af því að símatólin eru í ólagi eða
blessaðar stúlkurnar heyra ver en leyfilegt er í þeirra
stöðu, og þegar loks að gegnt er, verður maður að setja
sig í vissar „stellingar“ og arga og garga af öllum lífs
og sálar kröftum ... Ásigkomulag símans er örgustu
skrælingjum ósamboðið.“
Dvöl okkar á Mölinni er
einungis tímabundið ástand
„Sigurður Ingi Jóhannsson
sjávarútvegs- og landbún-
aðarráðherra hefur tekið
þá góðu ákvörðun að flytja
Fiskistofu til Akureyrar.“
Þannig hefst pistill utan-
ríkisráðherra á vef Feykis
(sem er á landsbyggðinni).
Meðal velheppnaðra flutn-
inga opinberra stofnana af höfuðborgarsvæðinu tel-
ur Gunnar vera Miðstöð sekta og sakarkostnaðar
á Blönduós. Greininni lýkur með þessum orðum:
„Sjávarútvegs- og landbúnaðarráðherra er einfaldlega
að byrja að skila því sem burtu var tekið. Lands-
byggðarfólk afhendir tvær af hverjum þremur krónum
sem það framleiðir til höfuðborgarinnar þar sem þær
krónur eru m.a. nýttar til að ráða opinbera starfsmenn
til vinnu. Ein króna af þessum þremur verður eftir
úti á landi. Fleiri störfum þarf að skila.“ Brugðist er
við á samfélagsmiðlum. Kristófer Már segir fólk verða
að búa sig undir Framsóknaráratug. „Dvöl okkar á
Mölinni er einungis tímabundið ástand.“
Getur orðið atvinnu-
veginum til niðurdreps
„Hér vantar tilf-
innanlega menn,
með meiri þekk-
ingu, sem þarf
til að koma at-
v i n n u m á l u m
og fjármálum
landsins í gott
horf, og eru verk
y f i r s tandandi
Alþingis áþreifanleg sönnun þessarar staðhæfingar.
Þingið virðist ekki sjá nema eina leið til þess að bjarga
fjárhagnum, nfl. að leggja tolla á sjávarútveginn. Áður
hefur verið minst á það að oflangt má fara í því, og
að það getur orðið atvinnuveginum til niðurdreps.
Og ekki er það heppileg atvinnumálapólitík.“ (Mbl.
23. sept. 1919)
... Það liggur við að það megi stundum afrita gamlar
ræður!
Í sama blaði (og þessu óskilt) segir að „4 menn komust
í steininn í fyrrinótt. Er það mjög lítið miðað við
allan þann fjölda, sem virtist vera að „skemta sér“
í fyrrakvöld.“ Þá fór Gullfoss til Kaupmannahafnar
með um 100 farþegar. Þar á meðal ungfrú Önnu
Bjarnadóttur, danska sendiherrann J. E. Böggild,
Halldór Gudjohnsen og unnustu hans. 430 hestar
fóru líka með Gullfossi til Danmerkur.
það var og...
Athugasemd við pistil ritstjóra
Í pistli ritstjóra Selfossblaðsins í 16. tbl. 28. ágúst sl. undir fyrirsögninni: „Bæjarstjóra bar
að víkja sæti“ er vitnað til bókunar
bæjarfulltrúa S-lista í bæjarstjórn
20. ágúst sl. um það að undirritaðri
hafi borið að víkja sæti við afgreiðslu
bæjarráðs á ráðningarsamningi við
undirritaða sem framkvæmdastjóra
sveitarfélagsins. Í pistlinum er jafn-
framt fundið að því að ekki hafi ver-
ið bókað í fundargerð bæjarstjórnar
hver svör undirritaðrar við þessu
tiltekna atriði voru á fundinum. Í
tilefni af þessu vill undirrituð koma
því á framfæri að þess misskilnings
virðist hafa gætt hjá bæjarfulltrúum
S-lista að undirrituð væri vanhæf í
skilningi laga og samþykkta sveitar-
félagins til að sitja fund bæjarráðs
þegar umræddur ráðningarsamning-
ur var staðfestur.
Í sveitarstjórnarlögum og í sam-
þykktum sveitarfélagsins kemur
fram að bæjarfulltrúar eru ekki
vanhæfir þegar verið er að velja
fulltrúa til trúnaðarstarfa á vegum
sveitarstjórnar eða ákveða þóknun
fyrir slík störf. Regla þessi var fyrst
fest í lög með sveitarstjórnarlögum
frá 1998 en áður hafði verið byggt
á henni sem ólögfestri í úrskurð-
um félagsmálaráðuneytis. Nánar
má fræðast um þetta, t.d. í ritum
fræðimanna á sviði sveitarstjórnar-
og stjórnsýsluréttar og í álitum Um-
boðsmanns Alþingis. Á umræddum
bæjarstjórnarfundi var bent á þessa
reglu og í máli undirritaðrar, sem
ritstjóri Selfossblaðsins missti af, var
tekið undir þá ábendingu og að auki
bent á venjur í þessum efnum. Um-
mæli undirritaðrar voru ekki skráð
í fundargerð, enda var ekki um að
ræða afgreiðslu máls eða niðurstöður
í skilningi þeirra leiðbeininga um
ritun fundargerða sem ritstjórinn
vitnar til.
Ásta Stefánsdóttir,
framkvæmdastjóri
Sveitarfélagsins Árborgar
Frá ritstjóra:
Ég þakka Ástu fyrir að hafa svarað
og bent á ákvæði sveitarstjórnarlaga
sem eiga við. Eftir stendur að það
er að mínu viti fyrst og fremst
ákvörðun viðkomandi hvort hann í
því tilviki sem hér á í hlut situr fund
við afgreiðslu málsins. Kaup og kjör
eru þess eðlis að viðkomandi hlýtur
að eiga það við samvisku sína að
taka þátt í afgreiðslu. Um hinn part
málsins er varðar skrif fundargerða
er mér fullkunnugt um að það sé
ekki skylda að láta bóka meginefni.
Í lögunum segir: Þeir sem rétt eiga
til að taka þátt í umræðum í sveit-
arstjórn eiga rétt á að fá bókaðar í
fundargerð stuttar athugasemdir
sínar um afstöðu til þeirra mála sem
til umræðu eru. Ég er hissa á því að
sveitarstjórnarmenn fylgi ekki þessu
ákvæði oftar.
ÞHH
Ásta Stefánsdóttir
Sigurður Ingi Jóhannsson
Hér vantar tilfinnanlega menn ...