Selfoss - 09.10.2014, Blaðsíða 8

8 9. OKTÓBER 2014
Hugleiðingar í
lok kjördæmaviku
Kjördæmavikan er kjörinn vettvangur fyrir þingmenn kjördæmisins til að ferðast
saman og hitta sveitarstjórnarfólk
og ræða málefni kjördæmisins
og einstakra svæða. Ég vil segja
þingmönnum til hróss að þess-
ir fundir okkar hafa verið hafnir
yfir flokkapólitík eins og kostur
er. Nær ekkert um pólitískar vær-
ingjar enda verkefnið að hlusta á
fólkið sem við erum þjónar fyrir
á Alþingi Íslendinga. Fundirnir
hafa því verið málefnalegir og við
þingmenn ríkari en áður af upp-
lýsingum og stöðu málaflokka í
kjördæminu okkar. Við höfum sýnt
fram á það að við náum árangri
fyrir kjördæmið og sameignleg
verkefni þegar við öll, þingmenn
og sveitarstjórnarmenn stöndum
saman að baki verkefna. Á fundum
okkar brýndum við sveitarstjórnar-
menn til að standa saman um stóru
verkefnin, en það auðveldar okkur
þingmönnum eftirfylgnina. Þegar
þetta er ritað eigum við enn eftir
að fara til Vestmannaeyja og ræða
þeirra mál.
Mikilvægustu verkefnin.
Til lengri tíma litið eru mikilvæg-
asta verkefnið að skapa atvinnulíf-
inu svigrúm til að eflast og dafna.
Skapa fjölbreytt og vel launuð störf
við gjaldeyrisskapandi framleiðslu.
Í forðakistu Suðurkjördæmis er
sjálfbær orkunýting til gjaldeyris-
skapandi greina nær endalaus auð-
lind framtíðarinnar. Við verðum
að finna þeirri orku farveg til að
nýta í héraði og svæðinu í sam-
ræmi við það atvinnu- og mannlíf
sem fyrir er. Aukinn kaupmáttur
og hagvöxtur verða drifnir fram af
verðmætasköpun sem stendur und-
ir vaxandi þjónustu framtíðarinnar.
Sameiginlegt er að byggja verð-
ur upp dvalar-og hjúkrunarrými
og treysta heilbrigðisþjónustuna
í öllum byggðum kjördæmisins.
Grunnþjónustu eins og háhraða-
tengingar, 3ja fasa rafmagn sem
hrjá atvinnulíf og heimili í dreifð-
um byggðum er ekki lengur boð-
legt. Áframhaldandi uppbyggingu
menntakerfisins með fjarnám á há-
skólastigi, efla nýsköpun iðn- og
tæknimenntun eru landsbyggðar-
mál. Tryggja góða löggæslu og
þjónustu sýslumanna um allt
kjördæmið. Samgöngumálin þar
sem útrýma þarf einbreiðum
brúm, byggja upp vegi, tryggja
flugsamgöngur, snjómokstur og
hálkueyðingu, endurbæta hafnir
og tryggja samgöngur til Eyja.
Starfið framundan.
Fyrir utan það sem hér er talið mun
ég beita mér í ýmsum áhugamálum
mínum. Þingsályktun um virkni
á vinnumarkaði sem er mér hug-
leikið mál. Tillagan gerir ráð fyrir
því að atvinnuleitandi verði að taka
virkan þátt í námi eða vinnu fyr-
ir greiðslu atvinnuleysisbóta eða
fjárhagsaðstoðar sveitarfélaga. Þá
er ég með í smíðum þingsályktun
um löggildingu starfsheitis leið-
sögumanna og mörg önnur járn
í eldinum eins og raforkukostnað
til ylræktar. Stóru málin í þinginu
verða fjárlög, ný fiskveiðilöggjöf
og veiðigjöld svo eitthvað sé nefnt.
Árangur í starfi.
Ég velti því fyrir mér hvort ég sem
þingmaður nái árangri í starfi og
hver er þá mælikvarðinn. Vissu-
lega hefur margt unnist og ég get
litið til baka yfir stuttan tíma og
verið sáttur með samband mitt við
kjósendur. Hér og þar eru hlutir
sem ganga betur vegna minnar
aðkomu og mörgum hefur verið
vísað á rétta leið og gott að geta
haft áhrif á að leiðin verði greiðari
og hafa stutt fólk. Heilt yfir höfum
við ekki náð því fram sem ég hefði
kosið í atvinnumálum og hlutirnir
taka lengri tíma en ég ætlaði hvað
varðar virkjanir og sölu raforku til
álvers í Helguvík. Framlög til ým-
issa verkefna í Suðurkjördæmi eru
að meðaltali lægri á hvern íbúa en
til annarra landsvæða. Vissulega eru
til eðlilegar skýringar að hluta, en
við erum samt skör lægri á mörgum
sviðum. Það verkefni leysir ekki
einn þingmaður eða sveitarstjórn
þó dropinn holi steininn. Það er
sameiginlegt verkefni okkar allra
og þar verðum við öll að standa
saman. Ég er óþolinmóður og vill
að hlutirnir gangi, en þeir fara hægt,
oft hægar en snigillinn. Teymis-
vinna og samstaða eru grundvöllur
árangurs fyrir bættum hag fólksins
í kjördæminu og í landinu öllu.
Ég hlakka til morgundagsins því
ég veit að ég get gert betur.
Ásmundur Friðriksson
alþingismaður Sjálfstæðisflokks.
Endurnærðir þingmenn
að lokinni kjördæmaviku
Kjördæmavika. Hvaða fyr-irbæri er það? Þingmenn nýta tímann og fara um
sín héruð. Svo framarlega að það
sé fært. Um höfuðborgarsvæðið
komast flestir. En annað er ekki
sjálfgefið. Það var t.d. ekki fært út
í Vestmannaeyjar fyrir þingmenn
Suðurkjördæmis.
Okkur lék forvitni á að taka púls
á þingmönnum og spyrjast fyrir um
áherslur þeirra á þingi í vetur. Hér
verða birt svör nokkurra – en aðrir
munu væntanlega fylgja eftir í næsta
blaði. Rifjum fyrst upp hverjir eru
. . .
Þingmenn Suðurkjördæmis
Sjálfstæðisflokki: Ásmundur Frið-
riksson, Ragnheiður Elín Árna-
dóttir, Unnur Brá Konráðsdóttir,
Vilhjálmur Árnason
Framsóknarflokki: Haraldur
Einarsson, Páll Jóhann Pálsson, Sig-
urður Ingi Jóhannsson, Silja Dögg
Gunnarsdóttir
Samfylkingu: Oddný G. Harðar-
dóttir
Bjartrar framtíðar: Páll Valur
Björnsson
Þetta var lagt fyrir þau:
Hver verða þau mál sem þið munuð
leggja áherslu á í vetur? Hvers
vegna?
Um fjárlagafrumvarp. Hvað
teljið þið brýnast efnislega? Hvað
um mál er tengjast Suðurkjördæmi
sérstaklega?
Um mál önnur í Suðurkjördæmi:
nefni atvinnu og heilbrigðismál, af
einstökum málum m.a. bygging
verknámshúss við FSu, framlög
til skóla og félagsmála, samgöngu-
mál (m.a. ferja Vestmannaeyjar-),
byggðamál o. fl.
Ásmundur Friðriksson
Samstaða með sveitar­
stjórnarmönnum
mun skila árangri
Ég mun leggja mesta áherslu á byggðamál, menntamál, heil-brigðismál og húsnæðismál. Í
raun eru nánast öll mál byggðamál í
einhverjum skilningi. Byggðastefna
ríkisstjórnar Framsóknar og Sjálfstæð-
isflokks er í skötulíki og þess vegna er
afar mikilvægt að bjóða upp á raun-
hæfar leiðir. Landsbyggðin mun líða
fyrir fálmkennda stefnu stjórnvalda
ef ekki er gripið í taumana. Samfylk-
ingin hefur lagt fram þingsályktunar-
tillögu í 11 liðum um bráðaaðgerðir
í byggðamálum. Slóðin á þingsálykt-
unartillöguna er hér: http: //www.
althingi.is/altext/144/s/0019. html.
Við eru þar m.a. með tillögur um
eflingu sóknaráætlunar landshluta,
um samgöngumál, um atvinnumál,
menntamál og heilbrigðismál.
Fjöldatakmarkanir í framhalds-
skóla bitna á landsbyggðinni.
Ég er sammála áherslum stjórnvalda
að stefna að hallalausum fjárlögum.
Það var eitt af meginverkefnum ríkis-
stjórnar Jóhönnu Sigurðarsdóttur að
finna leiðir til að stöðva skuldasöfn-
un ríkissjóðs vegna hallareksturs eftir
efnahagshrun. Áætlanir þeirrar ríkis-
stjórnar gerðu ráð fyrir hallalausum
fjárlögum 2014 og að ríkið kæmist
sem fyrst í að greiða niður skuldir.
Núverandi ríkisstjórn fylgdi eftir áætl-
unum fyrri ríkisstjórnar um hallalaus
fjárlög en áætlanir þeirra fram í tím-
ann sýna mun minni afkomubata. Ég
er hins vegar hjartanlega ósammála
um þær leiðir sem ríkisstjórnin fer til
að ná markmiðum sínum. Aðgerðir
þeirra miða flestar við að færa fé frá
þeim sem minna hafa til þeirra sem
eru vel aflögufærir. Slíkar aðferðir geta
jafnaðarmenn ekki stutt og munu
berjast gegn.
Byggðamálin eru brýnust eins og
áður sagði og einnig er afar mikilvægt
að raða menntun framar en gert er.
Mér líst mjög illa á fyrirætlanir um
fjöldatakmarkanir í framhaldsskóla
landsins. Þær munu bitna harðast á
minni skólum á landsbyggðinni. Bæði
verður rekstrarstaða skólanna erfiðari
og einnig má búast við að fækkun
nemenda hafi áhrif á fjölbreytni
námsframboðs. Í fjárlagafrumvarp-
inu er gert ráð fyrir að loka opinbera
skólakerfinu fyrir bóknámsnemend-
um sem eru 25 ára og eldri. Hlutfall
eldri nemenda í bóknámi er hærra á
landsbyggðinni, en í þéttbýlinu og
því mun þessi harkalega mennta-
og byggðastefna koma verst niður í
dreifbýlinu.
Internettengingar þykja sjálfsagðar
hvar sem er. Í Suðurkjördæmi eru þær
samt víða ófullnægjandi og það hefur
það örugglega áhrif á byggðaþróun og
aldurssamsetningu sveitarfélaga eins
og í Skaftárhreppi. Lagning ljósleiðara
þar er forgangsverkefni.
Í Suðurkjördæmi er viðhald á veg-
um orðið mjög aðkallandi og það er
nauðsynlegt að við afgreiðslu fjárlaga
verði sú upphæð sem ætluð er til
viðhalds hækkuð umtalsvert. Upp-
bygging innviða á ferðamannastöðum
er einnig aðkallandi og engin leið að
fara inn í annað ferðamannaár án þess
að auka við það fjármagn sem ætlað
er til þeirra verka. Það sér hver maður
að 145 milljónir í Framkvæmdarsjóð
ferðamannastaða duga engan veginn.
Sóknaráætlun landshluta og ný
Vestmannaeyjaferja.
Vonandi munu stjórnarliðar hlusta á
sveitarstjórnarmenn úr öllum flokk-
um um allt land sem kalla eftir því
að farið verði á ný eftir áætlunum
ríkisstjórnar Jóhönnu Sigurðardóttur
hvað sóknaráætlun varðar. Samkvæmt
þeim áætlunum var gert ráð fyrir
að sveitarfélög kæmu með beinum
hætti að fjárlagagerðinni og röðuðu
brýnum verkefnum landshlutanna í
forgangsröð. Sveitarfélögin í Suður-
kjördæmi hafa raðað menntun fremst
og samstaða þeirra hafði úrslitaáhrif
á fyrirætlun ríkisstjórnar Framsókn-
ar og Sjálfstæðismanna um að slá af
áætlanir fyrri stjórnvalda. Frestun
byggingar verknámshúss eins og gert
var ráð fyrir í fjárlagafrumvarpinu í
fyrra náði ekki fram að ganga einkum
fyrir samstöðu sveitarstjórnarmanna
með stuðningi stjórnarandstöðunnar
og þingmanna kjördæmisins. Sam-
staða þeirra um fleiri verkefni mun
vonandi skila sama árangri. Há-
skólafélag Suðurlands, símenntun-
arstofnanir og framhaldsskólarnir í
kjördæminu eru lykilstofnanir okkar
auk heilbrigðisþjónustunnar. Verja
þarf íbúa Suðurkjördæmis fyrir enn
frekari skerðingu á þjónustu á þeim
sviðum.
Ekki er gert ráð fyrir framlagi til
nýrrar Vestmannaeyjaferju og það
gengur auðvitað ekki og ég hrein-
lega geri ráð fyrir að því verði breytt
ásamt fleiri brýnum verkefnum í sam-
göngumálum sem ekki er mögulegt
að slá á frest þó fjárlagafrumvarpið
geri ráð fyrir því. Önnur umræða fjár-
laga verður í lok nóvember og fyrir
þann tíma hittir fjárlaganefnd öll þau
sveitarfélög sem þess óska.
Oddný Harðardóttir, þingmaður
Samfylkingarinnar
Oddný Harðardóttir.