Selfoss - 09.10.2014, Blaðsíða 10
10 9. OKTÓBER 2014
Kemur næst út 23. október
S U Ð U R L A N D
teljum mjög brýnt. Eins og stend-
ur í greinargerð með tillögunni þá
hefur efnahagslegur óstöðugleiki,
óhóflegar verðlagshækkanir og hátt
vaxtastig um langa hríð einkennt
íslenskt efnahagslíf með tilheyrandi
áhrifum á lífskjör almennings og
umgjörð atvinnulífsins. Leiða má að
því rök að eitthvert mest aðkallandi
verkefnið á sviði efnahagsmála sé
að ná viðvarandi stöðugleika án
hafta. Náist hann mun áhættan í
hagkerfinu minnka, traust myndast
og áætlunargerð heimila og fyrir-
tækja verða auðveldari. Þetta er ein
forsenda skynsamlegra fjárfestinga,
atvinnuuppbyggingar og heilbrigðra
fjármála heimilanna. Að mörgu er að
hyggja í þessu mikla verkefni. Eitt af
því sem íhuga þarf vel er fyrirkomu-
lag gjaldmiðilsmála. Með öðrum
orðum: Ákveða þarf hvaða gjald-
miðill hentar íslensku efnahagslífi
best og hvaða efnahagsleg umgjörð
þarf að ríkja um hann.
Fjarheilbrigðisþjónusta
ákjósanlegur kostur.
Þá er mikilvæg þingsályktunartillaga
okkar um aðgerðaáætlun til að efla
fjarheilbrigðisþjónustu svo bjóða
megi landsmönnum, hvar sem þeir
eru í sveit settir, fjölbreytta, skilvirka
og örugga heilbrigðisþjónustu. Ef
það er vilji Alþingis að mæta fjöl-
breyttri þörf fólks fyrir heilbrigðis-
þjónustu, samtímis því að gera fólki
kleift að búa og starfa um allt Ísland,
er aðferðafræði fjarheilbrigðisþjón-
usta ákjósanlegur kostur til þess að
koma til móts við þær forsendur á
hagkvæman og öruggan hátt.
Stóraukið samráð.
Það sem mér finnst kannski einna
mikilvægast og hef nefnt í þó nokkur
skipti á þingi þá hvetjum við til þess
að blásið verði til stóraukins samráðs
milli ríkisstjórnar, Alþingis, sveitar-
félaga, atvinnulífsins, launþega, fjár-
málageirans, fræðasamfélagsins og
alls konar samtaka í þjóðfélaginu
um langtímamarkmið og umbætur á
ýmsum sviðum. Það minnkar óvissu
og gæti skapað þann frið sem okk-
ur er gríðarlega mikilvægur til þess
að byggja hér upp gott og stöðugt
þjóðfélag.
Langmikilvægast er að
styrkja heilbrigðiskerfið.
Fjárlagafrumvarpið var okkur jafnt
sem flestum öðrum mikil vonbrigði.
Kom þó ekki á óvart þar sem stjórn-
arflokkarnir og forystufólk þeirra
hafði gefið í skyn á síðasta ári að bú-
ast mætti við áframhaldandi niður-
skurði. Það er nánast alveg sama hvar
á það er litið. Alls staðar vantar fjár-
magn til þess að halda í horfinu og
byggja upp til framtíðar. Langmikil-
vægast er að styrkja heilbrigðiskerfið
í landinu sem er algerlega komið
að þolmörkum og stefnir í skelfi-
legt ástand á komandi árum ef ekki
verður gripið til víðtækra ráðstafana.
Það vantar fjármagn inn í alla þætti
velferðarsamfélagsins til þess að það
megi vaxa og dafna á komandi árum.
Nægir þar að nefna menntakerfið,
samgöngumál í víðustum skilningi,
fjarskiptamál, uppbyggingu ferða-
mannastaða og hjúkrunarrýmismál
en allt eru þetta mál sem varða okkur
íbúa í Suðurkjördæmi mjög mikið.
Stöndum saman um
málefni Suðurkjördæmis.
Kjördæmið okkar er stórt og mik-
ið og í mörg horn að líta, í því eru
margar stærstu og kvótamestu út-
gerðirnar, vinsælustu ferðamanna-
staðirnir, öflugustu orkuauðlind-
irnar og síðan er landbúnaður og
grænmetisframleiðsla óvíða meiri og
mikilvægari en hér. Allt þetta ásamt
uppbyggingu öflugs menntakerfis er
lykill að bjartri framtíð okkar hér
í Suðurkjördæmi. Við þingmenn
kjördæmisins stöndum saman sem
einn maður þegar málefni þess eru
undir. Þannig var á síðasta þingi
þegar að allir lögðust á eitt við að
fá aukna fjármuni í verknámshúsið
við FSu og auknu fjármagni til lög-
gæslumála. Við höfum hvatt sveit-
arstjórnarfólk til þess að sameinast
um fá en mjög brýn mál sem leggja
þarf mikla áherslu á að koma í gegn
þó auðvitað geti það verið snúið þar
sem áherslur geta verið mjög mis-
munandi. Samstaðan er lykilatriði.
Þýðir ekki að leggja árar í bát.
Því miður komumst við þingmenn
ekki til Eyja í kjördæmavikunni sem
segir okkur hversu gríðarlega mikil-
vægt er að koma samgöngumálum
Eyjamanna í það horf að viðunandi
sé. Ekki er gert ráð fyrir fjármagni í
nýjan Herjólf í fjárlögum næsta ár
og eru það mikil vonbrigði en þó
ber að geta samkvæmt nýjustu frétt-
um að til standi að kaupa Breiðar-
fjarðarferjuna Baldur sem nýta má
sem varaskip komist Herjólfur ekki
til Landeyjarhafnar. Það gæti verið
tímabundin lausn en aldrei endan-
leg. Þó að staðan í ríkisbúskapnum
sé eins og fjárlögin benda til þá
heldur bíta á jaxlinn og halda áfram.
Gríðarlegir möguleikar til aukinnar
atvinnusköpunar og uppbyggingar
liggja víða í okkar kjördæmi og hag-
ur þess mun vænkast þegar að fram
líða stundir og tel ég að það muni
gerast fyrr en seinna. Við verðum að
vona að ríkisstjórnin leiti allra leiða
til þess að auka tekjur ríkissjóðs og
sækja aukið fjármagn til þeirra sem
eru fær um að leggja samfélaginu
meira lið.
Páll Valur Björnsson,
Bjartri framtíð. 10. þingmaður
Suðurkjördæmis.
Framhald af bls. 9.Dönsum í
Básnum á
laugardag!
„Við ætlum að bjóða upp á 6 dansnámskeið í Básnum
í Ölfusi á laugardaginn (11.
október) í tveimur sölum. Þegar
á staðinn er komið velur mað-
ur það námskeið sem maður
hefur áhuga á,“ segir Sólrún
Valdimarsdóttir, einn aðstand-
enda Daladaga. Þannig geti allir
sótt þrjú 1 ½ klst námskeið yfir
daginn. Þau fyrstu byrja klukk-
an 13.
Námskeiðin verða í "sænsku
buggi", "svingi" og línudöns-
um og eru í boði bæði fyrir
byrendur sem lengra komna.
„Fólk borgar aðeins 3.000 kr.
sem inniheldur öll námskeiðin
og æfingadansleikinn sem verð-
ur um kvöldið.“
„Komin í HEIMAHÖFN“
Í dag, fimmtudaginn 9. október opnar Halldóra Kristín Péturs-
dóttir myndlistarsýningu í Gallerí
undir stiganum, sýningarrými Bæj-
arbókasafns Ölfuss í Þorlákshöfn.
„Þegar ég kem í Höfnina þá er ég
á vissan hátt komin HEIM, hvergi
annars staðar finn ég þessa RÓ og
vona ég að sýningin gefi ykkur smá
tilfinningu fyrir upplifun minni
af því að vera komin í HÖFN.
HEIMA HÖFN. “
Halldóra er fædd á Selfossi árið
1975 og bjó fyrstu ár ævi sinnar í
Þorlákshöfn. Hún flutti síðan til
Hafnarfjarðar en dvaldi alltaf í öll-
um fríum sínum hjá skyldfólki sínu
í Þorlákshöfn eða í Fljótshlíðinni
þannig að hún hefur mjög sterkar
taugar til Þorlákshafnar og Suður-
lands.
Halldóra hefur stundað nám í
myndlist, litablöndun, listasögu og
hönnun bæði í Bandaríkjunum og
í Róm á Ítalíu og haldið bæði einka
og samsýningar víða. Á sýningunni
verða sýnd ný olíumálverk og vatns-
litamyndir sem allar eru unnar síð-
astliðið sumar eftir ferðalög um
Þorlákshöfn.
Sýningin opnar klukkan 18: 00,
Halldóra Kristín verður á staðn-
um og boðið verður upp á kaffi og
konfekt.
Halldóra Kristín Pétursdóttir.